تصويت : مطلوب راى الاعضاء ياريت الاهتمام
 

يا جماعه انا طالب تصويتكم ورايكم فى الموضوع ده وهو عن اللى حصل فى قسم بيع الاكونتات وتقسيمه الى اقسام فرعيه كتيره بعد ماكان قسم واحد وانا عملت موضوع فى قسم الاقتراحات بس الاداره ماهتمتش بيه وده كان الموضوع اللى انا عملته

وللاسف مالاقيتش اهتمام من الاداره على الموضوع وماحدش رد عليه رد واحد قولت اعمل تصويت فى منتدى المناقشات عشان نشوف راى الاعضاء فى حاجه زى دى ولو انا صح وحصل تصويت بكده بالاجماع المفروض ان الاداره تلبى طلبنا وترجع القسم زى ماكان الاول وتلغى الاقسام الفرعيه الكتير اللى عملتها من غير لزمه دى وده طبعا لصالح الاعضاء فى المقام الاول

ارجو المشاركه من الاعضاء وتصويتهم واللى فى نفسه حاجه يقولها :d

تحياتى للجميع

مافيش ولا رد واحد ؟؟

مانت لو قريت الموضوع كويس كنت عرفت انى عملت موضوع فى قسم الاقتراحات والاقتباس ده كان نص الموضوع

صح يمان والله انا يريت يرجع والراى الاول والاخير للاداره

اخيرا فى عضو رد ياريت يا جماعه مانكتفيش على التصويت وبس ياريت يكون فى ردود عشان توضح وجهه نظرك فى تصويتك سواء كان سلبى او ايجابى مش هاتفرق بس شارك برايك ووضح وجهه نظرك يمكن يكون فى حد عنده وجهه نظر سليمه تغير تفكيرنا

مشكور يا بورسعيدى على ردك الجميل وانا مازلت شايف ان المفروض كل حاجه ترجع زى الاول والله يا جماعه انا فى حالة ضرر بسبب الموضوع ده لانى عامل موضوع بيع اكونت من يومين ومافيش اى نتيجه منه بسبب تقسيمه قسم البيع والشراء لاقسام منفصله بالطريقه دى

ياريت الاداره تشوف حل

اعتقد الناس حتتعود علي النظام الجديد وانا شايفه منظم اكتر بحيث ان لو حد بيلعب علي سيرفر معين يقدر يدور في السيرفر ده بعينه بدل ما تبقي المواضيع كلها سايحه علي بعضها
وممكن تكون الناس لسه مش متعوده بس علشان كده مفيش ردود جاتلك بس هي كل حاجه ف اولها بتكون كده وبعد كده الناس حتتعود

ردى مثل ردة تماما كدة فى نظام اكتر

انت كلامك منطقى بس تعود ايه اللى لسه هانتعوده ؟؟ يعنى اللى عايز يشترى اكونت او يبيع اكونت يستنى على ما الناس تتعود عشان يقدر يقضى مصلحته ؟؟ هو فعلا منظم بس مش مفيد وبعدين فيها ايه لما تكون المواضيع سايحه على بعضها ؟؟ ماهى على طول كده ايه اللى اتغير ؟؟ بالعكس كان الاول الواحد بيتصفح براحته فى كل المواضيع من غير مايتعب نفسه ويتنقل من قسم للتاانى يعنى كانت اريح وافيد تقدر تقولى بالنظام الجديد ده اللى عامل موضوع لبيع اكونت فى قسم مهمل هايقعد قديه على مايبيعه ؟ ماظنش ان النظام هاينفع فى حالة زى دى لان اللى بيدور بيدور على شخصيه معينه يشتريها او يبيعها مش بيدور على السيرفر فى المقام الاول :)

مشكور لمشاركتك بالراى

مين قال ان النظام وحش ؟؟ انت برده كلامك منطقى بس السيرفر مش اهم خطوه فى عمليه البيع والشراء هانقول مثلا عمليه الشراء بلاش البيع دى بتم تبعا لاساسيات بمعنى ان اللى بيكون عايز يشترى شخصيه بيكون قدامه حاجات اساسيه زى ( نوع الشخصيه - الليفل بتاعها - سعرها - الايتمز والسيلك اللى معاها - السيرفر ) يعنى السيرفر مش فى المقام الاول

وانا هاقولك حابب النظام القديم ليه لانه كان مفيد اكتر وسريع اكتر الاول كان ممكن تعمل موضوع وتبيع الاكونت بعد ساعتين انما دلوقتى بالحال ده ربنا وحده اللى يعلم الواحد قدامه وقت قديه على مايبيع اكونت

عمليه الشراء مش هايكون فيها مشكله يا باشا لان اللى عايز يشترى هايدور فى اى مكان براحته انما عمليه البيع هاتكون هى المشكله ودى هاتتوقف على حسب نشاط القسم نفسه يعنى لو قسم نشط هاتكون المساله مش صاعبه انما لو قسم مش نشط ومهمل هاتكون عمليه البيع تقريبا مستحيله

ارجو انك تكون فهمت وجهه نظرى ومشكور على مشاركتك بالراى :)

مقصدى يا جماعه من الكلام ده كله ان مش فى كل الاوقات النظام مفيد وابسط مثال على كده نظام الطابور اللى عملته جوى ماكس مؤخرا فى اللعبه

احيانا النظام بيكون مش مفيد وبيسبب حاله من البطء الشديد ( سرعه السحلفه ) وده هو اللى حاصل حاليا فى قسم البيع والشراء تقريبا الحاله ميته هناك وعمليه البيع بتتم ببطىء شديد جداااااااا وده طبعا شىء مش مفيد

يبقى النظام فى الحاله ده فادنا فى ايه ؟؟ انا شايف ان لو النظام هايكون سبب تاخرنا ( فليسقط النظام ولتحيا العشوائيه ) ان كانت هاتكون مفيده وبتقدم المصلحه العامه فى وقت قليل

انا معاك يا مان

مشكور على مشاركتك الجميله

اديك قولتها لما تحب تشترى وزى مانا قولت لحضرتك الشراء مش هايبقى مشكله لان اللى بيشترى هو و مزاجه وهو اللى بيحدد اساسيات شرائه سواء بقى ان كان بيدور على شخصيه معينه ومش مهم السيرفر بالنسبه ليه وفى اللى بيدور على شخصيه معينه والسيرفر برده مهم بالنسبه ليه
انما مساله البيع انت فهمت قصدى فيها فعلا فى ناس كتير مش هاتقدر تشوف موضوعه يبقى كده اللى عايز يبيع هو اللى فى حالة ضرر والنظام اللى احنا بنتكلم عنه هو اللى سبب الضرر

وبالنسبه لموضوع دخول اللعبه ده مش قصتنا انا كنت بس باضربلك مثل وهى فعلا معموله بنظام الطابور مش بالحظ دلوقتى اينعم محاولة الدخول كل 20 ثانيه بس معموله بنظام يعنى كل واحد بيحاول يسجل دخول بيتحط فى قايمه بيكون فى اخر القايمه ويستنى دوره على ما اللى قبله يدخل او يزهق محاولات ويقفل الجيم :)

تحياتى وارجو من باقى اعضاء المنتدى التفاعل والجديه لان المساله مش سهله

صح يمان والله انا يريت يرجع والراى الاول والاخير للاداره