الموقع العربي الاول للعبة Silkroad Online - قائمة اسماء للدعاء .............. ادخل وشارك بدعائك او اكتب اسمك .....

بعد السلام والتحيه

اخوانى الكرام اخواتى العزيزات ، كيف حالكم فى رمضان ؟؟؟

ــــــــــــــــ

احبائى قد قرات قبل دخول رمضان موضوع للاستاذ عمر خالد ، بعنوان كيف تكسب رمضان ، وقد نقلته لكم

هنــــــــا

وفى هذا الموضوع جملة علقت فى ذهنى كثيرا ، وهى :

( كان الصحابة يحضرون قائمة دعوات يلحون عليها فى رمضان فلا يمر العام حتى تكون قد تحققت ) .

فعزمت على ان احضرها واجهزها فعلا قبل دخول شهر رمضان ، كى تكون مكتمله وابدأ فيها بالدعاء مع دخول هذا الشهر الكريم ، وبالفعل كتبت الادعيه اللى انا عايزاها من اصلاح حالى وحال الامه . بلااضافه الى انى جمعت اسماء الناس اللى بحب ادعيلهم ، فكتبت بعض اسماء الناس الى اعرفهم هنا وبحبهم وبحب ادعلهم ، وكتبت كده جمب كل اسم الدعاء الخاص به .

فدلوقتى المطلوب منكم يا اعضائى الكرام ، هو ان اللى منكم يريد ان ندعوا له ، ما عليه الا ان يكتب اسمه بالاضافه الى الدعاء اللى يحبنا ندعيله بيه .

واحب انبه حضراتكم لحاجه ، مش لازم بس انا اللى ادعى ولا المشرفين الاسلامى بس هم اللى يدعوا ، لأ ، انما على كل عضو هيدخل ويشوف اسم اخ او اخت بيطلب الدعاء منا ، فعليه انه يلبى النداء ويدعو له او لها .

وده مش الزام لكن انا عارفه لاننا كلنا مسلمين و بنحب الخير لبعض ، فأكيد كلنا هندعى لبعض .

وخلونى افكركم بحديث الرسول ( صلى الله عليه وسلم ) " ما مِن عبْدٍ مُسْلِمٍ يَدعُو لأَخِيهِ بِظَهرِ الغَيْبِ إِلاَّ قَالَ المَلكُ ولَكَ بمِثْلٍ"
رواه مسلم.

وفى رواية " دَعْوةُ المرءِ المُسْلِمِ لأَخيهِ بِظَهْرِ الغَيْبِ مُسْتَجَابةٌ ، عِنْد رأْسِهِ ملَكٌ مُوكَّلٌ كلَّمَا دعا لأَخِيهِ بخيرٍ قَال المَلَكُ المُوكَّلُ بِهِ : آمِينَ ، ولَكَ بمِثْلٍ"
رواه مسلم.

الهدف من الموضوع ده اخوانى ، هو اننا نتقرب الى الله بالدعاء لبعضنا بظهر الغيب ، كما ان هذا الموضوع سيجعل الحب والموده بيننا جميعا ، وسيزيد من محبتنا لبعض

ــــــــــــــــــ

ودلوقتى اتترككم تكتبوا لنا الدعاء اللى بتريدوا اننا ندعيلكوا بيه

وشكرا

.....

وفى النهايه ارجو التثبيت ولو فطرت رمضان فقط