Taxi !!!
 

السلام عليكم

كل سنة وانتم طيبين الاول

الموضوع ده عن تاكسي مش المقصود بيه ان هيتعمل فري تاكسي


بس انا حاطت الموضوع ده للنقاش وعايز اعرف راي الناس في الكلام ده

اعتقد شركة جوي ماكس عاملة اللعبة دي عشان الناس تلعب وتتسلى

بس الغريبة قصة التاكسي المنتشرة في السيرفر زي الجراد

يعني مثلا تلاقي واحد لفل 1 لسة عامل الكركتر وبيقولك عايز تاكسي

انا مش بتكلم عن الفري تاكسي بس انا بتكلم عن التاكسي بشكل عام

بص لنفسك في المراية وانت واقف في التاكسي

واسال نفسك كده

انا ايه لزمتي دلوقتي وانا قاعد قدام الجهاز

الاجابة طبعا واضحة وصريحة = ولا ليك اي لزمة

تسال نفسك تاني طب انا مشغل الجهاز ليه

الاجابة اوضح واصرح = عشان الفل نفسي

السؤال ده بقى الي انا عايز اجابته منكم

ايه المتعة في كده

قاعد قدام الجهاز مش بتلمس الجهاز حتى وبتتفرج على واحد تاني بردو مشغل بوت ومش بيلمس الجهاز عشان الاكونت بتاعك يعلى

طب هقولك على حاجة

اكيد انت تعرف ناس في لفلك او قريب منك

جرب تعمل بارتي وجرب تضرب انت بايدك ومتبصش للفل بتاعك بقى كام وبتعلى كام % او زيدت كام سكيل بوينت

بس جرب تضرب كده وتلاقي واحد زميلك بيموت وتلحقو وتلاقي نفسك واحش ظرفك كريتيكال واترميت في الارض جثة هامدة

والله هتحس باللعبة

انت داخل اللعبة دي عشان تلعب مش عشان ترفع لفل لاكونت معمول على سيرفر وانت بتتفرج عليه

يا جماعة دي لعبة مش فيلم بتتفرج عليه لعبه يعني بتلعب لو هتدخل تاكسي يبقى احسلك تتفرج على فيلم

وللعلم انا مدخلتش تاكسي غير مرة واحدة مع h2 وكان فري كمان مش بفلوس بس محسيتش اني بلعب حسيت اني مليش لازمة قومت داخل نايم

فكروا في كلامي

سلام

هههههههههههههههههههههههههههه
و الله عندك حق فى كل حاجه انا جبت بsky 50 الف sp و كنت خلاص جبت اخرى واقف قدام الsungsung و كل يومين تلاته dlvl حاجه ممله و ملهاش اى لازمه و قاعد كده بتفرج على الsp و هو عمال يزيد :D
منكرش انى دلوقتى شغال بوت على طول بس ده عشان انا فى الاول مش عارف اعمل حاجه و حسيت ان الحياة ضاربه و كل واحد لسه عامل اكونت امبارح بلاقيه لفل 50 بعد بكره يعنى الموضوع يغيظ برضو
بس عقبال ما TiT ده يجيبنى و نلعب مع بعض بقى عشان انا مش لاقى اى مخلوق اعمل معاه اى حاجه انا منفرد فى الفل بتاعى و chinese مليش اى بارتى و كلو يقولك ما نجيب warrior احسن :(

لو كل الناس عملت بكلامك ده يبقى مفيش حد حيعرف يعدى لفل 30
وده مش معناه انى ملعبش بى الاكونت بس لما اكون فى الشغل لاما بسيبه بوت او بدخله تاكسى

http://www5.0zz0.com/2009/10/03/19/881020451.jpg

بس لو زي ما بتقول ان الناس مش هتعدي لفل 30

طيب امال الناس بتوصل ازاي لفل 100 هل الجي ام هوة الي بيعملهم تاكسي

انا كلامي مش على البوت

انا معاك انا كتير جدا بسيب البوت وانا في الشغل

لكن لما اقعد على الجهاز هل هدخل تاكسي

يبقى انا بلعب ليه اساسا من الاول مادام الكركتر الي انا عاملها 24 ساعة شغالة مع نفسها اما بوت او تاكسي

انا دوري ايه في الموضوع :)