|
يلا نضحك مع بعض شوية
فيه أسئلة بديهية مالهاش اي لزمة في الدنيا بنتعرّض ليها كل يوم من كل الناس خلـونـــا نشــوف أمثلة *********** إنت في أوضتك .. على السرير وطافي النور ومتغطي ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟ (( أظن ده مش وضع الرقص !!! واضح ان انا هنام )) *********** انتم معزومين عند ناس ورحتو لبيتهم وأول ما فتحولكوا الباب يقول ابنهم الصغير: انتوا جيتــواااااااااااااااا ؟ (( لا لسه )) *********** والعكس : انت لابس هدومك و متأنتك و على سنجة عشرة وريحة البارفان واصله لاخر الشارع .. وخلاص بتفتح باب الشقة,, يجي حد من أهلك وينادي بصوت عالي : انت خااااارج ولاّ اييييييييييه (( !!! لاء دانا لسه راجع )) *********** أو مثلا راكب العربية ودوّرتها وخلاص هتطلع ... يجيلك لك البواب ويخبطلك على الزجاج,, انت بكل ذوق تفتح الزجاج وتقوله : خير في حاجة؟ يقولك : انت رايح الشغل يابيه ؟ (( لا.. العربية واحشاني )) *********** مثلا ماسك سماعة التلفون وقاعد تضغط الارقام يجي حد من أهلك ويقولك: انت هتتكلم في التليفون ؟ (( لا.. بتفرّج عليه )) *********** مثلا : ماسك مذكرة أو كتاب وقاعد تحفظ ومتحمس (أول مره بقى) .. جه حد وقالك: هاه.. قاعد تذاكر ؟ (( تقوم رامي الكتاب و تقوله لااااااااء )) *********** ربنا هاديك كده ... ماسك سبحة و عمال تسبّح ، يجي حد من البيت يعدي عليك ويقول: هوّه انت بتسبح ؟ (( لاء.. هفرطها و أسلقها )) *********** ولاّ تعالــو شوفو قنواتنا واسئلتهم البديهية البايخة برنامج اهداءات يتصل واحد يطلب أغنيه ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟ (( لاء.. طالبها اخنق على نفسي )) *********** أو مثلا في العيد المذيع : هههههه هههههههه هههههه نتعرّف بيك المواطن : فلان الفلاني المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه المواطن : أقولهم كل عام وأنتم بخير (( أكيد يعني مش هيقولهم البقاء لله )) *********** ,,,المذيعة الظريفـة : وياترى بقى هتعملوا ايه العيد ده هتقضوه ازاي ؟ أكيد بيبقى زيارات الأهل و الصحاب و تخرجوا تشوفوا مظاهر العيد في الشوارع و تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين (( سبتيله ايه يقوله يارخمة ؟ )) *********** والأسخف بقى ... الشلل الكبير.. لما المذيعين يكلّموا الاطفال يقول المذيع للطفل : إنت بتحب ماما وبابا ؟ (( يعني أساسي الواد لسه ما طلعلوش عرق الندالة علشان يقول لأ )) أرجو إن الموضوع يعجبكم :) |
افيش ردود يعني :(
|
اصلك ناقلو من بعيدا عن سيلك رود
بس هو موضوع جامد |
حلوة ناقله ديه
ياعم هو برنامج ؟؟؟ هو ليه كله قفش كده الغرض اننا نفك ونضحك انا مابنسبش الموضوع ليا ولا انا مؤلفه ولا انت بتألف نكت لول ! وشكرا لمرورك برضه |
بصرحه الموضع ده بينرفزنى اويييييييييي ببقا هموت :( بس البيقولى كده موش برود عليه سعتها هوه هيتنرفز مش انا
|
الموضوع ده بيحصل معانا كلنا
الرخامة فى كل مكان :d |
جوست كان عنده حق احنا ماقفشناش ولا حاجة بس مستغرب شوية لرخامة مضمون الموضوع =)))))))))))))))))))
لول انا لو يحصل معايا كدا عروق جسمي كلها هتفتح على بعض واحتمال ابقى زي Hulk ^^ |
ده الواحد المفروض انه مايعملش مواضيع بقى ويتعب على مايدور على حاجة جديدة مش بنشوفها هنا...
لو الموضوع سئ كدة يا SIR.HeLLz ارجو انك تحذفه ... انا مش برخم على حد دي مواقف بتحصل ادامنا وبتحصل مع كل الناس ... أو يمكن علشان انا غريب عليكم ولا حاجة فامفيش حد بيرحب بيا هنا ومستغربين ان حد جديد غير الموجود هنا يكتب مواضييع ... على العموم اوعدك ماكتبش تانى هنا الظاهر انى العنوان غلط .. شكرات |
مين اللى قفش دلوقتي :p
يا اخ اسامة انا ماقصدش ان الموضوع رخم..انا اقصد يعنى ان اللى في الموضوع اساليب رخمة يعنى المذيعة مثلا اما بتقول كدا بتبقى رخمة..وهكذا انت دورت وماكتبتش منقول على فكرة :d |
على فكرة الموضوع مش منقول والله
ومش موجود فى اي منتدى تاني شكرا |
المووضوع حلو مش وحش
|
اشكرك Kin.pop لمرورك وتعليقك الجميل :)
|
مجنون والهى يا فلاج تقبل مرورى _eZe_ and \gz for +7 ^^
|
اقتباس:
|
موضوع جميل
تسلم ايدك يا اسامة |
| الساعة الآن 10:22 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.