|
* - * - * زمن العيب المألوف * - * - *
قصيده اعجبتنى تصف ما يحدث اليوم من انحلال اخلاقى فأحببت ان تشاركونى فيها يابت اختشي وكملي لبسك جرالك اييه ؟؟؟؟ ليه هنتي على نفسك واستبحتي لحمك لكلاب الأبعديه ينهشوه ف كل رايحه وكل جايه يرحم زمان المصراويه المستحيه ولا عزاء لزمن فيه كل عيب مألوف والفجر علني وع المكشوف واللي ما يشتري ببلاش هيشوف واتفرج ياجدع مكسوف من ايه !!!!!؟ مين النهارده وش كسوف ؟؟؟؟؟ الحريه مش قلع هدوم وسهر وفسح من غير لزوم وسرسعه وفلسعه وجوز تذاكر سيما وفشخره ومسخره وقلة قيمه دي الحره حره ولو حبيسة الدار الحريه شريفه وعفيفه وشمس نهار الحريه دريه ابيه بنت احرار مش بنت ديوس عنده كل عيب مألوف والفجر علني وع المكشوف واللي ما يشتري ببلاش هيشوف واتفرج ياجدع مكسوف من ايه !!!!!؟ مين النهارده وش كسوف ؟؟؟؟؟ وانت ياجامد اخر حاجه ياللي مش عارف حاجه غير انك تسقط وتدور تلقط وتهوش وتروش وتأنتم وتظبط وتهيس وتميس وتهلس وتفرفش وتهيبر وتكبر وتنفض وتنطش والبتاع من فوق بنطلونك شايفاه الخلايق وانت ماشي كده مبسوط ومتعايق اسم النبي حارسك ياروح مامتك يالذيذ يارايق ويلعن ابو الرجوله مادام العيب مألوف والفجر علني وع المكشوف واللي ما يشتري ببلاش هيشوف واتفرج ياجدع مكسوف من ايه !!!!!؟ مين النهارده وش كسوف ؟؟؟؟؟ ارسخ شويه ياواد واسترجل وماتمشيش كده هو تتحنجل افرد ضهرك واعدل عودك وارجع لأصلك وجدودك واحمي بنت بلدك منك ومن نفسها دي لحمك ودمك وعرضك من عرضها لو رضيت تنهشها بنتك هتكون زيها وياويلها من الكلاب في زمن العيب المألوف والفجر علني وع المكشوف واللي ما يشتري ببلاش هيشوف واتفرج ياجدع مكسوف من ايه !!!!!؟ مين النهارده وش كسوف ؟؟؟؟؟ مين النهارده وش كسوف ؟؟؟؟؟ مين النهارده وش كسوف ؟؟؟؟؟ كلمات الشاعر احمد سعيد تحياتى للجميع ومساكم سكر |
والله اللى كتب القصيده دى جامد:) يا عم الواحد تعب من كتر البلاوى اللى بيشوفها دلوقتى ربنا يستر علينا يا عم ^^:confused: مشكور وتقبل مرورى |
والله الشاعر احمد سعيد ده جاب الحكاية كلها
قصيدة بتقول كل اللي بيحصلنا |
مبعدش عن الواقع اللى شايفينو فعلا
|
هى دى الحقيقه اللى عايشنهااا
|
ميرسى على مروركم
ويا رب نسمع الكلام |
هى دى الحقيقه اللى عايشنهااا
|
والله الشاعر احمد سعيد ده جاب الحكاية كلها
قصيدة بتقول كل اللي بيحصلنا اكيد وشكراااااااااااا كتير ميسون |
الشاعر احمد سعيد عنده حق فى كله كلمه الواحد قرف من كتر ال بيشوفه كل يوم فى الشارع .
شكر يا ميسون.. |
شكرا يا ميسون على الكلام الجميل ده
|
والله كلام معقول
وفعلا بيتكلم علي الي بيحصل في الزمن ده انا عايز اعرف هوا لما الولاد يسقطو البنطلون حيستفادوا ايه ؟؟؟؟!!!! ولا البنات لما لمؤخذه بيلبسو ديق كأنهم بالظبط مش لبسين :( شكر ليك والله كلام جامد جدا :) |
| الساعة الآن 10:48 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.