الموقع العربي الاول للعبة Silkroad Online - تكمله لموضوع ماندو ابحثوا معنا

- Minerva (https://silkroad4arab.com/vb/forumdisplay.php?f=46)

- - تكمله لموضوع ماندو ابحثوا معنا (https://silkroad4arab.com/vb/showthread.php?t=149587)

تكمله لموضوع ماندو ابحثوا معنا

اقتباس:

المشاركة الأصلية كتبت بواسطة oOoMANDoOo (المشاركة 1464719)

http://www8.0zz0.com/2009/09/12/14/275835622.gif

ظــــهـــــرت فى الاونه الاخيره اختفاء بعض اعضاء قسم سيرفر روما بدون سابق انذار او بدون علم :( ... وهذا ما أثر في كل اعضاء القسم والقسم نفسه :( والاعضاء المفقدين هم :D :-

1- دكتور وليد اباظه

2- دولا ( عادل ) afm2010

3- تامر ArbArmy

4- فادى alex_staf

5- الدحلب

6- على يا على

7- علاء المنسى

8- ميدو mid0oo2010

9- حودا XxOverHellxX

وناس كتير تانيه اختفوا بدون سابق انذار ومن غير مايقولوا سبب اختفائهم او سبب بعدهم عن المنتدى وعن القسم :confused:

فنداء الى جميع القلوب الرحيمة :D اللى يعرف مكان اى شخص منهم او يعرف اى معلومات ان الاشخاص اللى سبق وذكرت اسمهم ياريت يفيدنا

للاســــتــــعــــلام : اتصل على الرقم التالى 090090090 تكسب الف دولار .. قصدى تدلنا عن معلومات :rolleyes: اول ماتتصل هتلاقى واحد هيرد عليك تقوله كلمة السر ( بوس الواوا ) :p هيحولك للخط الساخن علطول تسأل عن ام فاروق بتاعت العيش هتشترى منها 15 رخيف وبعدين هتحولت على ام ابراهيم بتاعت الخضار هتشترى منها 3 ربط جرجير و 4 ربط شبت وهى هتحولك علطول على عم سمعه بتاع الفاكهة هتجيب منه 3 كيلو موز و4 كيلو تفاح (امريكانى ) و2 كيلو رمان وبطيخة بس لازم تتأكد انها مش قرعه ياقرع :p بس ياسيدى وهو هيحولك علطول على عم محسن بتاع الحلويات تجيب منه صنية بسبوسه وكنافه ودستة جاتوه فاخر وهو هيحولك علطول على عم محمد بتاع الخروب هتلاقى تابووووووووور طوييييييييييييييل تفضل واقف فيه لحد ماتوصله بس الاحسن انك لو هتقف تبقى تقف فى الطابور من الساعه 3 علشان علم ماتوصله تكون الساعه بقت 5.30 المهم هتشترى ب5 جنيه خروب و3 جنيه تمر هندى .... بس ياسيدى تجيب الطلبات دى وتجيلى على البيت وبعدين تبقى تقولى على المعلومات اللى تعرفها :p ها فهمتوا يا اولاد اللى هتعملوه :D يله انتشرواااا ^^

بجد اللى يعرف اى معلومه عن الناس دى علشان بس نساعد المباحث فى البحث عنهم ياريت يدلنا .... ومشكور للجميع :)

يتبع

ده كان موضوع ماندو انا بقول دلوقتي اين ذهب هؤلاء بزود علي الناس اللي قالهم ماندو

اولا ماندو نفسه فين ؟؟ انا خايف عليك يا صاحبي مش عارف اوصلك وموبايللي بايظ مش عارف اكلمك
يا تري هو فين ؟؟

عادل كان موجود 20 ساعه في ال24 وده كلامه بس دلوقتي المنتدي كبقاش اكتيف فا مبيجييش يمكن ؟؟

هيما بيدخل مره في الاسبوع احسن من مافيش

رجاله ستارس وارابيان هيرو غريبه مسمعناش عنهم مع ان يوم الخميس اللي جاي الموقعه المنتظره
بس انا عارف لما جيلد فيهم هيكسب هييجي يوم الخميس عشان يزل التاني:confused: مصريين فعلا :p

بصراحه غياب كل واحد فيكم مقصر علي المنتدي وعلي السرفر اتمني كلكم تكونوا بخير ويا تري تامر فيين يارب تكون بخير يا صاحبي
دكتور وليد ربنا يكون في العون مستنيك بكره يوم الخميس زي مانت وعدت وانا عاملك مفاجاه صغيره :)

اتمني المنتدي يرجع تاني انا مكنتش بلاحق من المواضيع المكتوبه عشان ارد فيها او من المشاركات انتوا فيين دلوقتي من ده كله ؟؟؟

اسماء كتير كمان زي
Prince
hisha50
omar_alafsy
CelticGuard ( اخو تامر فين بردوا؟؟)
White_Block
الدحلب الزملكاوي صاحبي فين ^^ ؟
o0_sndbad_o0
وغيرهم كتير انتوا فيين يا جماعه يا ريت لو حد يعرف يقوللنا
احنا اسره واحد وعائله واحده هنا في المنتدي بنعيد مع بعض بنفرح مع بعض وبنزعل كمان مع بعض
ياريت لو تظهروا تاني اخوكم كريم

ولاهي انا موجود بس مش برد كتير

انا موجود يا باشا بس متابع فى قسم بعيدا و الصور علشان كل مادخل هنا مش بلاقى حد

كلنا موجدين يا معلم كلوا تمام بس هى الظروف بس .. والله واعدك انشاء الله اكون متابع معاكو ..

اقتباس:

المشاركة الأصلية كتبت بواسطة علي يا علي (المشاركة 1528249)

ولاهي انا موجود بس مش برد كتير

يا ريت لو تيجي وترد انا عارف ان اليومين دوول مفيش مواضيع بس احنا هنا مع بعض واي حد عايز حاجه يقوللي وانا هشوف ماندو لغايه ماوصله ان شاء الله واطمنكم عليه

شكرا لردك ووجودك معانا

اقتباس:

المشاركة الأصلية كتبت بواسطة omar_alafasy (المشاركة 1528474)

انا موجود يا باشا بس متابع فى قسم بعيدا و الصور علشان كل مادخل هنا مش بلاقى حد

شكرا يا عمر للاستجابه السريعه وياريت متكونش زعلان مني في اي حاجه انت اخويا الصغير شكرا لوجودك معايا هنا

اقتباس:

المشاركة الأصلية كتبت بواسطة xxoverhellxx (المشاركة 1528994)

كلنا موجدين يا معلم كلوا تمام بس هى الظروف بس .. والله واعدك انشاء الله اكون متابع معاكو ..

ان شاء الله تكون معانا وهتلاقي برده غالترحيب اللي انت عايزه ^^ شكرا لتواجدك معايا وردك النداء ^^

في الاخر انا كل اللي عايزه نتلم تاني زي الاول واكتر كمان وربنا يوفقنا كلنا

متشكر ليكم كلكم تواجدكم تحياتي
كريم

سوري يا جماعة عندي شوية ظروف وان شاء الله نرجع القسم مميز بأعضاؤه الحلوين دول

اقتباس:

المشاركة الأصلية كتبت بواسطة o0_sndbad_0o (المشاركة 1529895)

سوري يا جماعة عندي شوية ظروف وان شاء الله نرجع القسم مميز بأعضاؤه الحلوين دول

ان شاء الله يكون خير ومستنينك معانا تاني في القسم وهنبقي افضل من الاول بمجهودكم كلكم ان شاء الله

شكرا مره تانيه كريم

اقتباس:

المشاركة الأصلية كتبت بواسطة crazy_sro (المشاركة 1529777)

ana kman 3aweeeeeeeeez mando darory ya reeet law 7ad 3aref hwa feen ye2oly

jaky_chan23

اولا اكتب عربي بلاش فرانكو

ثانيا عايز ماندو في ايه خير انا اقدر اساعدك ان شاء الله او اوصلك ليه

شكرا لقدومك وردك بس يا ريت لو تعمله بالعربي عشانك وعشاننا

كريم انا معاكم كل يوم بس فى يومين كدا النت فصل و كان عندى ظروووووووف

و الواد ماندو واحشنى و مش عارف خايف علية كدا لية يمكن يكون قلب الام مش عارف :)

و لما بتصل بيه مش بيرد لحد لما الجرس يخلص :(

انا موجود بس علي طول مع صحابي وابويا مش بيخليني اسهر وانا كنت بفتح بليل انا كده حلو بس في الدراسه غالبا هنقطع ممكن افتح مره في الشهر علشان الجهاز هيتشال

اقتباس:

المشاركة الأصلية كتبت بواسطة afm2010 (المشاركة 1531196)

انا كمان قلقان عليه ان شاء الله هحاول اوصله او ازوره في البيت واطمن عليه وشكرا يا دوله علي الرد والمشاركه

اقتباس:

المشاركة الأصلية كتبت بواسطة heema (المشاركة 1531383)

ربنا معاك يا هيما وتكون سنه سعيده عليك يا رب وعليا انا مش عارف هعمل ايه السنه دي في الكليه ^^