الموقع العربي الاول للعبة Silkroad Online

التليفون:تررررررررررن

مامتها: ألووووووووو.....أيوه يا تىتى أيوه يا حبيبتى ازيك...ايه...مش معقول...ألف

مبروك ياختى. ..ربنا يتمم بخير

صاحبتنا: خير يا ماما.. ..خير

مامتها: استنى لما أخلص ......أيوه يا تىتى...ان شاء الله...طبعا أمال ايه...لازم

نحضر....ألف مبروك

صاحبتنا: مين يا ماما اللى كانت بتتكلم

مامتها: دى فتحيه.....بنتها حسنيه اتخطبت...عقبالك يا رب

صاحبتنا: يا رب يا ماما

مامتها: ما هو لو ما كنتيش حابسه نفسك فى البتاع ده ....ومغطيه كل حاجه.

..كان زمانك متجوزه و عندك عيلين

صاحبتنا: ماما....بلاش نتكلم على الحجاب بقى. ..ونعيد الموال ده تانى

مامتها: خليكى انت فى الشرايط اللى بتسمعيها....والخيم اللى بتلبسيها

وبعد يومــــــــــــــان

مامتها: ياللا يا توته...اتأخرنا يا حلوه

صاحبتنا: أنا جاهزه يا ماما...هه...ايه رأيك

مامتها: ايه ده....ايه اللى انت عاملاه فى نفسك ده

صاحبتنا: ايه يا ماما...دى أحسن عبايه عندى

مامتها: عباية ايه...ده فرح...فـــــــــــــرح.. ..يعنى فرحه و هيصه. ..وسواريه...وترتر.

..وايه

صاحبتنا: ما ينفعش يا ماما

مامتها: يبقى خليكى هنا...,ما تروحيش وسط البنات كده

صاحبتنا: بس أنا نفسى أتفرج على العروسه

مامتها: تعالى ...تعالى يا توته...أقعدى جنبى يا حلوه ....ده أنا ماما...هو فيه حد حا

يحبلك الخير أكتر منى..

صاحبتنا: لا ...لأ طبعا يا ماما

مامتها: النهارده العيون بتبقى كده....وكل البنات بتلبس و تتزوق...والعرسان بينقوا يا

حبيبتى..

صاحبتنا: بس ده ضيق يا ماما

مامتها: بس البسيه و تعالى

صاحبتنا: أهه....مش قلتلك...ضيق

مامتها: ده زى الفل.....وخدى طرحتى البيستااااااااااااااااج...ولفيها كده لفة قمر

الدين...واتفرجى على جمالك...

صاحبتنا: أهه.....وآااادى قمر الدين

مامتها: يا خواتى...سكر. ...ايه الحلاوه دى...علشان خاطر ماما بقى حطى شوية

أحمر على خدودك

صاحبتنا:لأ...لأ بقى...الا الماكياج............

مامتها: خلاص خليكى صفره و بهتانه كده...وشوفى البنات حا يبقوا ازاى

صاحبتنا: طب خفيف...خفيف بس...علشان خاطرك يا ماما

مامتها: يا اللا بينا

وبعد ساعه

مامتها: لولولولولولولولولولوى

صاحبتنا: العروسه حلوه قوى يا ماما

مامتها: عقبالك يا توته

صاحبتنا:نفسى أتفرج

مامتها: هاتى ايدك...تعاااااااااااالى

المعازيم: هييييييييييييييييييه

مامتها: شايفه البنات بيرقصوا ازاى...

صاحبتنا: ايه يعنى

مامتها: بصى اللى لابسه جانجااااا. ..فاكره نفسها أحسن واحده

صاحبتنا: لأ...مش قوى يعنى

مامتها: بصى الناس عينيهم حا تطلع عليها ازاى....ده انتى لو رقصتى حا تمسحيها

بأستيكه

صاحبتنا: صحيح يا ماما

مامتها: ياللا..هاتى ايدك.. .وأنا حا أرقصك

المعازيم: هايل...

عريس: تانت...تانت

مامتها: أيوه يا حبيبى

العريس: حضرتك أكيد أخت الاموره اللى بترقص

مامتها: يا دى الكسوف. . .أنا مامتها يا خويا

العريس: والله....ده انت صغنونه خالص

مامتها: كلك ذوق يا حبيب تانت

العريس: بنت حدرتك هايله...وركيكه

مامتها: ومتدينه خالص يا بنى. ...وحجابها لحد هنا. ..هو النهارده بس علشان الفرح

العريس: ما هو باين....أصلها بترقص بحياء . .

مامتها: دى بنتى الوحيده.....وفرحتى....ست بيت هايله

العريس: ما شاء الله...ما أنا قلت كده برده...ممكن يا تانت آخد نمرة التليفون علشان

ماما تيجى تزور حدرتك

مامتها: قوى يا خويا...تلت تلتات..تلاتين تلاته

العريس: نمره لتيفه زى حدرتك

مامتها: بس هى مامتك هنا يا بنى

العريس: أيوه يا تانت...والكل حا يشوفها دلوقتى

مامتها: صحيح

العريس: أيوه....بس بعد ما بنت حدرتك تخلص رقص...أصل ما ينفعش اتنين

مامتها: اتنين...يعنى ايه

العريس: أصل مامتى رقاصه ....

مامتها: ايـــــــــــــــــــــــــه..وانت بقى بتشتغل ايه

العريس: أنا الطبال يا تانت

مامتها: الحقينى يا توته

:(((

م ن ق و ل

***********
فى الاخر عايزه أقول

*
فى أمهات بتساعد بنتها وتوصلها للجنه وفى أمهات بتدفع بنتها للمعصيه و أهم

حاجه ان بنتها تتجوز و خلاص و المفروض ان البنت يكون عندها عقل تفكر بيه .......

*الحجاب عباده سلوك وخلق مش مجرد لبس محترم يعنى مينفعش بنت محجبه

تروح فرح وترقص ادام ولاد اجانب عنها

*الأفراح دلوقتى منافسه بين البنات على فساتين السواريه و لفات الطرح و الميكب

ياريت نسأل نفسنا ايه فايده الحجاب اذا كان شكلها بيبقى حلو جدا و استايل

وملفت أوى كده ؟؟

العريس اللى فرحان قوى وعروسته بترقص أدام الناس وعمال يسقف

فين رجولته ؟؟