|
تم تجديد موضوع للأذكياء فقط
انا هجبلك مجموعة من الألغاز هبقى جايبها من أماكن مختلفة ويا ريت نشوف حلول
الأختبار الأول اكمل بنفس التسلسل :(استنتج الحرف الأخير ) ottffss انا عايز حرف واحد بس الأختبار الثانى ايه الحاجة اللى موجودة فى انجلترا وفى العراق ومش موجودة فى مصر (سهل قوى ده) الأختبار الثالث عم محسن بيزور 8 بلاد مختلفة كل اليوم مع انه مش بيطلع برة القاهرة الكبرى (ازاى) يتبع ان شاء الله ارجو اللى يدخل يسيب رد علشان الموضوع يفضل موجود الأختبار الرابع لديك اربع سبعات (7/7/7/7) كيف يمكن الحصول على الرقم 13 الأختبار الخامس فتاة صعدت سلم حتى وصلت للدرجة التى فى منتصف السلم فاذا صعدت خمس درجات ونزلت سبعة درجات وصعدت اربع درجات وصعدت تسعة درجات ايضا كم عدد درجات السلم (دى تدوخ جربها على السلم احسن) الأختبار السادس اتنين اصحاب قوى ماشيين مع بعض راح الأول سأل التانى كم عدد العصافير اللى عندك فرد الثانى:لو انت اعطيتنى عصفورة من اللى عندك هنبقى متساويين ورد الأول:لو اعطيتنى عصفورة من اللى عندك لكان عندى ضعف ما عندك الأختبار السابع رجلان المسافة بينهما 20 كيلو متر ويسيران فى اتجاهين متقابلين وسرعة كل واحد منهم 10 كيلو متر /ساعة ويوجد طائر سرعته 15كيلومتر/ساعة وموجود فوق رأس احدهما وينتقل من راس احدهما الى رأس الأخر طوال سيرهما المطلوب: احسب المسافة التى قطعها الطائر حتى التقى الرجلان ( تافهة قوى دى) الأختبار الثامن ولد قال لأخته عندى من الأخوة الذكور قدر ما عندى من البنات فقالت الأخت عندى من الأخوة الذكور ضعف ما عندى من البنات احسب عدد الولاد والبنات فى الأسرة (ما تنساش اللى بيتكلموا فى اللغز وطنش الأب والأم:D) كفاية كدة يتبع ان شاء لله وارجو عدم حذف الموضوع واللى يدخل يفكر كتييير ولو معرفش يسيب اى رد |
شرح اجابات الألغاز السابقة
العضو اللى حل الألغاز كلها هو : ميدو 73
نرجع للأختبارات هحلهم من اول الأختبار الرابع الأختبار الرابع لديك (7/7/7/7) كيف يكمن الحصول على الرقم 13 الحل: 7+7=14 7/7=1 14-1=13 سهلة جدا الأختبار الخامس هى فى منتصف السلم تمام صعدت خمس درجات ( يبقى كدا هى فةق النتصف ب 5 درجات سلم) نزلت سبعة درجات (كدا اقل درجتين من المنتصف 7-5=2) صعدت اربع درجات (يبقى كدة زادت درجتين عن المنتصف ) صعدت تسع درجات (يبقى كدة زادت 11 درجة) يبقى 11*2=22درجة سلم (علشان هى كانت فى النتصف) زائد درجة السلم اللى كانت ولقفة عليها يبقى عددهم = 23 درجة سلم الأختبار السادس ده يعتمد على سرعة البديهة(تلقطها يعنى) بس فى الغالب هتحتاج لمعادلة رياضية من بتوع اولى اعدادى:d الأول :7 الثانى:5 الأختبار السابع رجلان المسافة بينهما 20 كم وكل واحد سرعته 10 كيلومتر يعنى كل واحد هيمشى 10 كم بس حتى يتقابلا اى ساعة واحد والطائر بردة هيمشى نفس المدة يعنى ساعة واحدة يبقى المسافى اللى هيقطعها الطائر = 15كم ( الأجابة فى السؤال) الأختبار الثامن قدر ما عندى من البنات يعنى الذكور = البنات فى حالة الولد :هيبقى عنده 3 ولاد & 3بنات متساويين فى حاة البنت:هيبقى عندها اختين &4ولاد المشكلة هنا فى اللى يفرض صح & مينساش اللى بيتكلموا فى اللغز انا كدة خلصت هعمل موضوع تانى ان شاء الله هيكون منظم واصعب وبعيد عن الفرض خااالص ومعتمد على الذكاء |
الاجابة الاولى: حرف ال E
ألاجابة الثانية :النقاط الاجابة الثالثة :عم محسن هو اللى بيسافر لكن محسن نفسة نايم فى بيته xD |
اقتباس:
الأولى والثانية صح الثالثة غلط |
ازاى غلط دة غاششها من جوجل :p
|
السوال الثالث: بيزورهم على الانترنت
|
اكمل بنفس التسلسل استنتج الحرف الأخير )
ottffss انا عايز حرف واحد بس اكيد الO علشان هى الوحيده اللى مكتوبا مره واحده الأختبار الثانى ايه الحاجة اللى موجودة فى انجلترا وفى العراق ومش موجودة فى مصر (سهل قوى ده) حرف الالف أ الأختبار الثالث عم محسن بيزور 8 بلاد مختلفة كل اليوم مع انه مش بيطلع برة القاهرة الكبرى (ازاى) اكيد من النت او التلفزيون |
هوضحلكم الأجابة بتاعت السؤال الأول
الحروف هى O T T F F S S... O = one T = two t = three F = four F = five S = six S = seven يبقى الحرف المطلوب E = eight |
اقتباس:
الأولى غلط وانا موضحها ليه فى مشاركة التانية: الأجابة الأصح أ & النقاط الثالثة: الموضوع واقعى وفيه حركة يعنى لا نت ولا جوجل ايرث ولا تلفزيون |
ممكن يكون زار محافظات واماكن باسماء دول اخرى
|
ههههههههههه لا جامد ياد ميه ميه اسئله حلوه
|
موضوع جامد عاوزين المزيد ومشكور يا برنس
|
[ممكن يكون زار محافظات واماكن باسماء دول اخرى
اجابة قريبة من الصح هو شغال عامل بريد علشان كل سفارة بتمثل دولة يبقى هو بيعدى على السفارات كأنهم الدول معلش اجابة شلل |
بتاعت عم محسن سهله موت
في 8 دول في العالم اسمهم القاهره ممكن تكون صح؟؟؟؟ |
بتاعت عم محسن سهله موت
في 8 دول في العالم اسمهم القاهره ممكن تكون صح؟؟؟؟ بس مش عارف امكنهم بصراحه |
| الساعة الآن 08:16 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.