الموقع العربي الاول للعبة Silkroad Online

- بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)

- - البرمجه Java -- C# -- Python (https://silkroad4arab.com/vb/showthread.php?t=177988)

البرمجه Java -- C# -- Python

بسم الله الرحمن الرحيم

بناءً على طلب بعض الاعضاء انى اشرح الفرق بين البايثون والجافا والسي شارب
انشالله هشرحلكم التلت لغات

C# c-sharp

لغه السي شارب لغه سهله وبسيطه و متعدده الاغراض وتنتمي لمجموعه .Net و هى Object Oriented وتم تطوريرها فى نفس الوقت الى كانت موجوده فيه القضيه المشهوره بين شركه صن وشركه ميكروسوفت و هي تم تطويرها اساسيا من لغه C++ و لغات اخري
وهى مصممه خصيصا للتعامل مع مجموعه ال .Net Framework وهى ايضا تعتمد على البرمجه الشيئيه Object Oriented Programming OOP
ومعني البرمجه الشيئيه انها تتكون من Classes و Objects و Methods
واللغه دي مخصصه للتطوير فى مكونات البرمج والمقصود منها هو ان تكون ملائمه لبيئه النظام و البرامج الكبيره والصغيره
وهى لغه لم يكن يقصد بها المنافسه ولكنها جيده جدا فى انها اقتصاديه فى المساحه المستغله
و قد تم انشاء اللغه سنه 2001 فى الاصدار C# 1.0 واصدر المترجم عام 2002
ويوجد الان C# 3.0 والاصدار الرابع تحت التطوير

من وجهه نظري اللغه بسيطه جدا و مصطلحاتها مفهومه وتكاد تكون خاليه من الاختصارات المعقده بس فيها متاهات كتيره......و من عيوب الفيشوال ستوديو Visual studio انه يكتفي بتصحيح اخطاء الكود بس.

تعالوا نشوف مثال لكود برنامج يكتب جمله :-

كود:

Class Program

{

Static void Main ()

{Console.Write"Hello Silkroad4arab";

}

}

الجافا JAVA

جاء مسمي الجافا java من اسم قهوه تسمي جاوه Jawa طورت عام القواعد بتاعتها تكاد تاكون مقتبسه من قواعد لغه السي والسي بلس بلس وهى تنتمي لشركه صن ميكرو سيستمز وكان من اهداف الجافا انها تكون بسيطه وتكون امنه و جيده فى البرماج الكبيره و عاليه الاداء و ديناميكيه

وهى مستخدمه فى برمجه وتطوير اجزاء من كل نظم التشغيل عدا الوندوز طبعا وهى استخدمت فى الماكنتوش و اللينكس و اليونيكس و السولاريز
وتم تحسين اداء الجافا باصدار Just-in-Time Compilation عام 1998
وهناك 6 اصدارات للجافا اخرهم JAVA 6.0
وهناك
JAVA SE - Standard Edition
JAVA EE - Enterprise Edition
JAVA ME - Micro Edition
وافضلهم EE
ومن وجهه نظري هى لغه اكثر من رائعه و لكنها بها بعض المصطلحات المختصره
ولكنها سهله الاستخدام رائعه فى التطبيق خارقه فى البرامج الكبيره والصغيره

تعالوا نكتب كود يكتبلنا جمله

كود:

public Class Program{

public static void main(String[]args){

System.out.print("Hello Silkroad4arab");

}

}

Python بايثون
البايثون(الثعبان) طورها مبرمج هولندي يسمي جويدو فان روزم وهى فى الاصل مستخدمه فى نظام التشغيل Amoeba 1990 فهي لغه بسيطه ومحموله وكما انها تدعم نظام الاوبن سورس فهي مفتوحه للجميع وهى لغه اكثر من رائعه فهي يستخدمها 350,000 مبرمج حول العالم وكما انها استخدمت فى مشاريع عالميه كثيره مثل

Google ,youtube, NASA, opie, L&m, redhat utility
فهي لغه سهله فى كتابه الكود فمبداها هو (لاتضيع الوقت فى كتابه الكود ولكن ضيعه فى التفكير )
وبتتميز بان اكوادها صغيره جدا بالنسبه للسي شارب و الجافا
طيب تعالوا نشوف الفرق بينها وبين السي شارب والجافا
يلا نكتب جمله Hello Silkroad4arab

in c sharp

كود:

Console.Write("Hello Silkroad4arab");

in java

كود:

System.out.print("Hello Silkroad4arab");

in python

كود:

print ("HelloSilkroad4arab");

وهى لغه تدعم الاوبن سورس

ده الى ممكن اقوله عن التلت لغات دول اى اسئله او استفسارات انا موجود

شكرا ليك على المعلومات دى

وظن احسن لغة هى python

مشكور مشكور ليك :)
تسلم دماغك

مشكور يا كبير

تامروني يا رجاله

لو عاوزين استفتاء تاني ممكن اعمل استفتاء تاني

تسلم ايدك يا باشا شرح رائع

و دول نكتبهم فين و ازاي نعملل برنامج بيهم

اقتباس:

المشاركة الأصلية كتبت بواسطة super_man619 (المشاركة 1837141)

و دول نكتبهم فين و ازاي نعملل برنامج بيهم

انا كنت مستني السوال ده

بص ياسيدي كل لغه من دول ليها بيئه عمل او برنامج بتتكتب عليه بس المبرمجين المحترفين بيستخدموا ال Notepad++

بس زي ماقلت كل لغه ليها برنامج

السي شارب بيشتغل على الفيشوال ستوديو Visual Studio وهو ممكن تكتب عليه اي لغه من لغات ميكروسوفت زي السي والسي بلس بلس والسي شارب

الجافا ليها برنامج اسمه NetBeans IDE وهو برنامج بيدعم الاوبن سورس يعني مش محتاج فلوس و فيزا

البايثون بقي ليه برنامج اسمه PyScipt و هو برده بيدعم الاوبن سورس

اقتباس:

المشاركة الأصلية كتبت بواسطة egysaad (المشاركة 1837192)

ماشي يا معلم اما مثلا جيت تكتب hello silkroad4arab
المفروض يحصل ايه اما نكتبها في اي برنامج من البرامج التاليه

والله انت افدتنى جدا وبالذات فى المنهج بتاعى بتاع الكمبيوتر

اقتباس:

المشاركة الأصلية كتبت بواسطة super_man619 (المشاركة 1837265)

ماشي يا معلم اما مثلا جيت تكتب hello silkroad4arab
المفروض يحصل ايه اما نكتبها في اي برنامج من البرامج التاليه

ياريت الكلام ده نأجله لحين اختيار اللغه الى هنتكلم عنها
ومشكور يا crazymory1995 يفرحني جدا انك استفدت

مشكور جدا يا باشا وانا برجح لغة الجافا
مع ان السى شارب هيكون افضلى عشان عندى برنامج Visual Studio
بس انا عايز اتعلم لغة الجافا

اصل انا كنت بعمل حاجات بيه فى تالتة اعدادى عشان الدراسة بقا

:)

اقتباس:

المشاركة الأصلية كتبت بواسطة starwars (المشاركة 1838366)

اصل انا كنت بعمل حاجات بيه فى تالتة اعدادى عشان الدراسة بقا

:)

اها كنتوا بتدرسوا الفيشوال بيسيك تقريبا صح؟