|
انواع وانواع والكل لازم يختار نوع
السلام عليكم ورحمة الله وبركاتة اولا الموضوع لو بتقرى الموضوع من عنوانة يبقى كنت فاكر ان احنا بنتكلم عن انواع كلاب ولا قطط شرازى :p موضوعنا عن البنات وانواعهم عذرا يأنسات دا لو فية انسات فى الموقع أحم أحم انواع البنات كالأتى 1 البنت الدلوعة : فى بنت بتكون عايزة تعمل دلوعه وركيكه ههههههه ودى تلاقيها حاطة دايما صور دباديب واطفال وصور كارتون وحاجات من دى ودايما تكتب بألوان هادية وجذابة " وردى والاحمر " وتلاقيها دايما بتتنقل من موضوع لموضوع كل 3 ثوانى علشان اسمها يتنشر فى السايت واذا دخلت موضوع لولد وكان موضوع مرعب (طبعا ولا هوة مرعب ولا حاجة) تلاقى طالع منها ردود عسلية خالص اهئ اهئ اهئ واااااااااء وااااااء الحقينى يامامتى تعالى خدينى ياماما دا انا مش هيجينى نوم النهاردة اهئ اهئ اهئ ياقاسى وعاملة فيها بنت ناس اوى ******************** 2:البنت المريضة : فى بنت نوع تانى اللى هي بتعمل مريضة تلاقيها داخلة كل موضوع بالوباء كدا يااااااااااااااااااااااااااااااااااى انا تعبانه اوى وعندى برد فظيع فظيع مش قادرة اخد نفسى ،، هموووووووووت ياناس اهئ اهئ مش عايزة اروح مستشفى انا مش بحب الحقنه اهئ اهئ اهئ وبعدين تبطل عياط وتدخل علينا بالكحه كح كح كــــــــح ودى بقى مش بتسيب حد فى السايت الا وبيعرف انها مريضة بتنتشر فى جميع انحاء السايت علشان الكل يعرف انها مريضة وفاكرة نفسها خفة بقى وبتستعطف الى قدامها بالكحه اية الخفة اللى با الشكل دا *********************** 3-البنت المثقفة : وياااااااااسلام بقى لو كانت جامعية ولا حاجه تفضل تحكى عن الكلية بتاعتها وتقولك انا انا انا وعندى بكرة exam ومش عندى مزاج اذاكر والexam صعب عليا والشباب يخفف عنها شوية شوية وياسلام لو ميعاد الامتحان قرب تجرى تعمل موضوع طويل عريض وتقولك عندى exam ياجماعه ودعواتكم ليا قال يعنى الجمهورية كلها محدش بيمحتن غير المحروسة بسلامتها وهي اساسا تلاقيها واخدة دبلوم ومتلقحه فى البيت ************************* 4-البنت الروشة : دا بقى نوع تلاقية اشترك فى المنتدى النهاردة مثلا فى يومين تلاقيها 3000 مشاركه لها فى الموضوع الواحد 40 رد حد يقولها شكرا تقولة العفو ياحياتى وياسلام بقى لو موضوع كاتبة مشرف ولا حاجه ياسلام عالفن وياسلام عالابداع بس حضرتك فى حاجه صغنونه مش فهماها ممكن تراسلنى عالايميل علشان استفيد من علمك شوية ودى تلاقي الرسايل الخاصة عندها اد كدا وتمسك الاعضاء تترسم قدامهم انها مصاحبة المشرف الفلانى وتترسم عالمشرفين انها بنت عم المشرف العام الفلانى وفى الاخر تلاقيها عاملة نفسها اخت صاحب السايت ولو حد جه فى موضوع وقالها يابت بس تلاقيها راحت عملت مواضيع بالعبيط وتقول انا هسيب السايت انا هنتحر ،، وهرمى نفسى من فوق السطوح وتلم الناس كلها حواليها ولو تقدر تجيب الناس اللى فى المواقع الى جنبنا كمان هتعملها ********************** 5-فى بقى النوع الأليط: تعمل فيها البنوته المدللة الدلوعه اذا دخلت موضوع عن الطبيخ تقولك تسلم ايدك بس انا مليش دعوة بالحاجات دى ،، عندنا 3 طباخين هما اللى بيعملوا كل حاجه وهي اساسا تلاقيها ايديها وارمه من غسيل الصحون ويمكن عربيات كمان وياسلام لو دخلت موضوع عن اماكن سياحية ولا حاجه اول ما تدخل تقولك اووووووووووووووووووووووواه واو دا نفس المكان الى بروحه انا ودادى كل صيف واحنا اساسا عندنا محلات وشركات وعقارات هناك ،، وهيا اساسا اخرها Giza Zoo دا اذا ابن الجيران رضى عنها وخدها يفسحها هناك والنوع دا بقى لو اتكلمت قدامه عن المحلات والمولات وكدا تقولك انا اساسا الساعات اللى عندى كلها من نفس الماركه دى والمكياج بتاعى مش بشترية الا من المحل دا والمصمم اللى بصمم عنده بيجاماتى وجلبياتى وفساتينى ..... الخ الخ *********************** كل بنت تفكر وتشوف هى من اى نوع طبعا الزعل ممنووووووع ههههههههههههههههههههههههههه |
ههههههههههههههههههههههه انا سعيد انى اول واحد ارود فى انواع من البنات التنكة البت تليقيها وانتة لو عكستها واله حاجة تبوصلك بصة تخليك فى نص هدومك وتلقيها ماشية المفدمة مشدودة والمؤخرة مرفوعة ههههههههههههه^^
|
انا مش عارف المنتدى فجاء كله بقى مواضيع على النبات يعنى تحبوا نطلعلكم قانون جديد نمنع فيه مواضيع عن البنات
طبعا ما ينفاعش بس بردوا بلاش تسفزونا ا بقى فى مواضيع اوى عن البنات كده ليه يا جماعه؟ شكرا ياعم بس يارييت نبطل نعمل مواضيع عن البنات مش علاشن فى كام بنت ( مشكوك فى امرهم )دخلوا عملوا موضوع نرد عليهم احنا بموضوع يعنى شكرا يا معلم وركز فى كلامى كويس |
مشكور يا معلم
يا عمر معلش انا ال ابتديت كل حاجه انا حاسس ال انا فى حرب واحد كاتب موضوع كاتب دعم ل ronaldo20074 محسسنى بنحارب اليهود |
اقتباس:
اقتباس:
اقتباس:
أحب اشكركم على مروركم بس احب اوضح حاجة للأخ عمر يأخ عمر أقسم بالله انا ماشفت اى موضوع لبنت بيتكلم عن ولد هنا فى المنتدى انا عامل الموضوع دة من باب الدعابة لآن انا شايف معظم مواضيعنا مبنية على مجال علمى او نظام ميديا وخلاص يعنى انا مش واخدها نظام تحدى تقبل تعليقى اخر كلامى سلامى |
هههههههههههههههههههههه
مشكور يا برنس و يا اخ عمر البنات هما اللى بيخلونا نعمل كدة اظن انت بتشوف اللى بيحصل الايام دى |
موضوع زي الفل
|
مسخرة
|
المنتدي كلة شكلة بيحب في قصة حب
|
مشكوره على الموضوع الجميل و الكلام الاجمل
|
هههههههههههه
بس زي مقال عمر....قلللو من مواضيع البنات |
مشكورين ياشباب على المرور :p
|
اقتباس:
اقتباس:
طيب لما انت تعرف كل الانواع دي مع التحفظ طبعا على كل نوع كما وصفته حضرتك طيب ما تورينا ثقافتك في موضوع كبير او موسوعه او حاجه تفيد بيها الناس مو احسن من الكلام الفاضي على البنات ونلاقى البنات عملوا هما كمان موضوع على الولاد ومو هنخلص من الحكى موضوع هنا وموضوع هناك صح ولا غلط وتعالى ما تعدد كمان انواع الشباب الاول : متخرج وضايع وجالس ليله نهاره على المقهى يعاكس في اللى رايحه واللى جايه وتكلمه يقولك انا خلاص خلصت ومعايا شهاده . يا فرحتى بالشهاده مع انعدام الاخلاق . والثانى : يسيب بيته وهو في امس الحاجه ليه ويدور مع اصحابه لوش الصبح ولما تكلمه يقولك انا حر انا راجل طيب والرجوله انك تترك بيتك واهلك وهما محتاجينك علشان اصحابك يغور الصاحب اللى يبعدنى عن اهلى . والثالث : داخل طالع من البيت يشخط وينطر على الكبير والصغير وتلاقيه مو عاجبه اي حدا وبيعمل كل العمايل اللى مو ولا بد وتكلمه يقولك انا خريج انا مثقف انا وانا وانا ولا ان الجامعه ما خرجت الاف مثله . والرابع : لابس مقطع ومحزق وعامل فيها مثل الخواجه وريحته استغفر الله العظيم ولو تكلمه يقولك انا حر دي موضه واستايل محروق الموضه اللى تخلينا ما نعرف الولد من البنت . وفي الختام هكلمك بكلمتك ما فيناش من زعل وما حد يزعل من الحق تحياتى للشباب العاقل المجانين لاء |
كل الانواع ديه عدت عليه
و كلها صح هههههههه |
اقتباس:
هههههههههههههههههههههههه يأنسة انا قولت فى أخر موضوعى ممنوع الزعل وأن كان على المواضيع والموسوعات المثبتة فلو بصيتى حضرتك فى أعلى صفحة بعيدا عن سيلك رود هتلاقى مواضيع مثبتة كتير وكلها للشباب ورونا انتو بقى تقبلى تعليقى |
| الساعة الآن 07:59 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.