الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)
-   -   ثرثره مبعثره (https://silkroad4arab.com/vb/showthread.php?t=199859)

_3AbKaRiNoO_ 27-02-2010 04:36 PM

~.~.~.~(_ـ-ـ_ـ-ـ_ـ-ـ_)_(__ثـرثــــره مـبـعـثــــره__)(_ـ-ـ_ـ-ـ_ـ-ـ_)~.~.~.~
 
فى ناس كتير بيبقى عندهم موهبة الكتابه بأى شكل من أشكالها
سواء كانت خواطر او شعر او نثر او حكمه او او او

الكتابه هى تعبير عن أحساس الكاتب
سواء كان حزين او سعيد او بيضحك او بيفكر او أى حاله بيمر بيها

علشان كده كان نفسى يبقى فيه قسم أسمه

~.~.~.~(_\~/~\~/_)_(__ثـرثــــره مـبـعـثــــره__)(_\~/~\~/_)~.~.~.~
أنا ساعات كتير تيجى على بالى حاجة ابقى عايز أكتبها بس أكسل وأقول أكتبها بعدين
وأنساها بس بعد كده بقيت على قد ما أقدر اول ما تيجى فى بالى حاجه أكتبها علطول
فى حاجات منها بحب أحتفظ بيها لنفسى و حاجات بقولها لأى حد

خلينى أبدا أقول حاجه بسيطه كنت كتبتها عن حاجه أنتشرت أوى فى زمننا ده
حتى أنا كنت كده بس الحمد لله غيرت من نفسى للأحسن و بطلت الحكايه ديه
طيب هي أيه الحكايه ؟ او الكلام على أيه ؟ الكلام على الشتيمه و طول اللسان
كتير بنشتم بعض كتير بنهزء بعض كتير بنتعامل مع بعض بشكل مش كويس
طيب نسمع ديه

الزمن قالى ... لسانك حصانك ;)
ضايقنى الزمن ... ركبت حصانى و شتمته :cool:
ضايقنى ده و زعلنى ده ركبته تانى و بقيت شتيم :cool:
شتمت حماتى ...و مراتى قالت لها:mad:
شتمت مديرى ...وقالى مرفود منها:mad:
شتمت مجنون شتيمه و شتمنى زيها:mad:
رجعت بيتنا ...و المرايا بصيتلها
:cool:
شتمت نفسى رد الملاك "لك مثلها":eek:
بدل الشتيمه أتنين و هاستنى أيه منها :confused:
غير الإهانه و السب و السيأت كترها :(
أنا بعت حصانى و جبت حماره بمبى :p
صالحت بيها كل الناس اللى زعلتها
:rolleyes:
ــــــــــــــــــــــــــــــــــــــــــــــــــ ــــ
حماره بمبى هنا معناها لسان مش بيزعل حد و يخلى الناس تحب صاحبه
علشان فيه ناس كتير بتعلق على الحته ديه هههه

طيب انا أه عندى حاجات تانيه بس مش هاقولها غير لما اشوف مشاركتكم
و اى حد عنده حاجه كاتبها ممكن يقولها

مستنى ردودكم
ــــــــــــــــــــــــــــــــــــــــــــــــــ ـــــــــــــــــــــــ

الموضوع 2
بعد الردود اللى تشرح القلب ديه هكتب الجزء 2 من الموضوع
فى دايما ظلم فى المجتمع و لما حد بيحاول أنه يقف قصاد الظلم ده
بيحصله حاجات مش تمام سواء كان تلفيق قضيه و يتسجن يعتقل يتقتل الخ... .
كاتب حاجه بسيطه عن الموضوع ده رابعيه زى رباعيات صلاح جاهين
بتقول ايه بقى ؟ بتقول يا سيدى

_______
سجارة مع ميه سخنه على فتلة شاى
سرحت و قولت لنفسى يا واد إزاى
تمسك قلم و تكتب حكاوى الزمن
واللى كتب حكاية بحق فى قبره أندفن
________
بس خلاص يا رب تعجبكم

ــــــــــــــــــــــــــــــــــــــــــــــــــ ـــ
الموضوع 3
انا لاقيت النصايح ديه بتاعت واحد شكله شاف الدنيا حلوه إزاى
*الكلام ده مش بتاعى على فكره*
ـــــــــــــــــــــــــــــــــــــــ
اوعى المظاهر تخدعك ولا كلمه حلوه توقعك
ولا صاحب ندل يضيعك ولا عيشه مره تغيرك
ولا قلب عشقته يحيرك ولا ناس حبتها تدمرك
ولا غربه صعبه تكسرك ولا حبيب مخلص يخصرك
ولا دمعت حزن تسهرك ولا كلمه تقولها تصغرك
دى الدنيا لحظات والناس مقامات
والزمن مسافات والحب كلمات
وانت زى الورد ان دبل مات
ـــــــــــــــــــــــــــــــــــــــــــ
و سمعنى صلاتك على النبى
الموضوع 4
مش محتاج شرح ولا كلام
علشاااااااااااان
ديه ساعات بتعدى بعد ساعات:rolleyes:
الوقت فى ساعتى خلاص مات:(
و قطر الحياة أهو عـدى وفـات:o
و أحنا مكاننا أعدين فى سكات:)
نلعب سيلكرود ونجيب سيلكات:cool:
و عجبى...:rolleyes:

ــــــــــــــــــــــــــــــــــــــــــــــــــ ـــــــــــــ
الموضوع الخامس
وعـجـبـــى عليكــى يا دنيـــا لمـــا
أشــوف فـيـكـــى جــــراح النــــاس
وأشـوف زمانِــك بـيـبـكــى خــلاص
وأشـوف الولد فيكـى بيضـرب أبــوه
والبنت من أُمهـا فيكى يا دُنيا بتّــووه
وشيطــان أهـو أَعِــد على ولعـة نــار
فى قَعـدة شبـاب الكـار وربـك الستّــار
ويقولو بُكره ينعدِل حالها ويزول الغُبار
بس قبلى قالـو النـاس مـووت يا حمار
...وعـجـبـــى!

ـــــــــــــــــــــــــــــــــــــــــــــ


وتسلملى الردوووود
عايز ردود عدله بقى مهشتكم و مبشتكم و سيلكرود و حركات


omar007 27-02-2010 06:47 PM

ههههههه
جامد حمار بمبى دى لو عندك من كحلى ابعتلى 3
شكراااااااا هو انت اللى كاتب الكلام ده

Private 27-02-2010 06:49 PM

ههههههههههههههه جامد

Fight3r 27-02-2010 07:01 PM

ههههههههههههههه شديدة بس صحيح مين الكاتبها:d

Solitaires 27-02-2010 07:03 PM

هههههههههه حمار بمبى

Thelover4ever 27-02-2010 08:02 PM

هههههههههه

_3AbKaRiNoO_ 27-02-2010 08:55 PM

ايوه أنا اللى كاتبه
أبويا أول ما سمعها أفتكرنى بكدب و أنها بتاعت صلاح جاهين او حد تانى مشهور و قالى مش بتاعتك و كده
بس بلا فخر طيب تحبو لما أزود حاجه أزودها فى أول الموضوع ولا فى ردووود

Arc 27-02-2010 09:56 PM

ههههههههههه جااااااامدة

Arc 27-02-2010 09:57 PM

اقتباس:

المشاركة الأصلية كتبت بواسطة _3AbKaRiNoO_ (المشاركة 2042577)
ايوه أنا اللى كاتبه
أبويا أول ما سمعها أفتكرنى بكدب و أنها بتاعت صلاح جاهين او حد تانى مشهور و قالى مش بتاعتك و كده
بس بلا فخر طيب تحبو لما أزود حاجه أزودها فى أول الموضوع ولا فى ردووود

فى أول الموضوع

Rayan lover 27-02-2010 10:15 PM

ياريت موضوع جديد وبجد موضوع جامد شكرا

michilvxv 28-02-2010 12:03 AM

حقولك حاجه جت ع بالي
انا شارب سجاره بني حاسس ان دماغي بتكولني

_3AbKaRiNoO_ 28-02-2010 01:01 AM

اقتباس:

المشاركة الأصلية كتبت بواسطة modymasry (المشاركة 2042784)
فى أول الموضوع

شكرا على رأيك و أنا فعلا قررت كده
اقتباس:

المشاركة الأصلية كتبت بواسطة asdlove (المشاركة 2042842)
ياريت موضوع جديد وبجد موضوع جامد شكرا

أنا حطيت موضوع جديد فى أول الموضوع يا رب يعجبك :)
اقتباس:

المشاركة الأصلية كتبت بواسطة michilvxv (المشاركة 2043146)
حقولك حاجه جت ع بالي
انا شارب سجاره بني حاسس ان دماغي بتكولني

لأ ماهو باين عليك ديه سجاره سوده مش بنى :p
انتى يابنى توهت ولا أيه ديه مش الغرزه:D(والله فكره نفتحلهم قسم نسميه الغرزه يلم الناس الحشاشين فيه;)هههههه)
عارف بيتكم طيب بص أطلع من الموضوع و خليك ماشى جمب الحيطه متسيبش اليمين:cool: و إن شاء الله توصل (بس ده إن شاء الله:rolleyes:)

AVATAR_ANG 28-02-2010 10:56 PM

جامد

L0RD_Slaiver 28-02-2010 11:11 PM

هههههههههههههههههههههههههههه

جااااااااااااااامد

_3AbKaRiNoO_ 01-03-2010 06:41 AM

مشكورين والله كل الناس اللى بترد على الموضوع
رأيكم يهمنى


الساعة الآن 01:33 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.