|
اقتراح هام جدا جدا جدا
الساده الاعضاء الاعزاء الساده المشرفين الافاضل طبعا انتوا عارفين القسم ومواضيعه وطبعا قولنا نقترح عليكم هذا الاقتراح علشان نشوف قوة مشاركاتكم وكمية المعلومات اللى عندكم لان بالطبع لازم يكون عندكم معلومات لان ثلاثة ارباعكم مازالوا طلبه علم يعنى لسه بيدرسوا واكيد ما شاء الله المعلومات عندكم مش شويه فالاقتراح طبعا بعد اذن الساده مشرفين القسم موضوع شامل عام عباره عن موسوعه حضاريه تتحدث عن الحضارات على مر الازمان والعصور في حضارات العالم القديم وحضارات العالم الجديد طبعا الموضوع ضخم جدا والحمد لله اقدر اسويه لحالى لكن علشان الاستاذ عمر 007 والموضوع اللى عمله اللى اسمه موضوع هايف بقترح انكم تشاركونى في الموسوعه دي على اساس انها هتكون مرجع شامل لاى طالب او اي حد عاوز يزود معلوماته التاريخيه هيدخل يلاقى اي معلومه سواء قديما او حديثا في هذه الموسوعه العملاقه ويا ريت يكون معانا في فريق العمل مشرف من مشرفين القسم علشان الحذف والاضافه والكلام ده كله انا بدأت اجمع الماده العلميه من يومين ولحاد الان لسه ما خلصت غير حضارتين فقط طبعا انا ليا شرط في اللى هيشارك معيا بس يا ريت من غير زعل ومن غير عصبيه طبعا انتوا بتشوفوا التنظيم شكله ايه وبتشوفوا التنسيق وترتيب الاحداث عامل ازاى فالشرط الوحيد هو : اي حد هيشارك معانا في الموسوعه دي لازم ينسق المشاركه بتاعته مثل باقى الموضوع وبنفس التسلسل ومدعم بالصور ويا ريت نبعد عن الصور اللى حجمها كبير لانها بتخرب شكل التنسيق انا جاهزه وعلى اتم الاستعداد لتنفيذ المشروع العملاق ده يا ترى بعد ما شفنا ردودكم في الموضوع السابق والحماس ياترى هنشوف ابداعاتكم معانا ولا هيبقى كلام وخلاص يا ريت اللى هيرد ويشارك معانا يسيب رده هنا علشان نعمل فريق عمل كامل وبعد اكمال فريق العمل هيتم مسح الموضوع ده علشان الموسوعه تنزل منسقه ان شاء الله التعديل ده علشان العضوز اللى سال وبيقول الموضوع هيتكلم عن ايه الموضوع باختصار هيكون عن الحضارات القديمه في عالمين العالم القديم اللى هو افريقيا واسيا واوربا في العالم الجديد مثل الامريكتين واستراليا فيه في الاتنين حضارات محدش يعرف عنها حاجه ده اقتراح وراى عام يا ريت نشوف ردودكم وارائكم قبل ما الموضوع ده يغلق |
اقتراح كويس و يا ريت يتنفذ
|
موضوع عظيم و فكرة أعظم
ولاهي جامد بس لازم كلكم تبقو قايلين لبعض هتعملو ايه مش مثلا نلاقي الموضوع 11 مقالة بس كل واحدة بطريقة لازم تكونو فاهمين بعض أنا عايز أشترك بس مش عارف بالظبط هو موسوعة علمية ولا حضارية ولا حياة شعوب مش فاهم بالظبط الموضوع انتي في دماغك ايه |
والله اقتـراح هـايـل يا شمـوح..
وانا معـاكى طبعـا انا بمووووت فى المواضيع دى اكيد حضرتك ضفتى مواضيعى ^^ تحيـاتى لك اخوكى .. حسـام...:) |
طيب يا شباب عندي اقتراح تانى مكمل للاقتراح الاول بمعنى انى هعمل المقدمه وانزلها وهحط اسامى الناس المشاركين فيها وتشوفوا التنسيق والموضوع عن ايه وعلى هذا الاساس نكمل كلنا مع بعض ايش قولكم في هيك الاقتراح |
جــــــــــــميل ^^
|
اقتباس:
|
فكرة حلوة وهتفيد ناس كتير
|
ظبطى انتى والاعضاء وشوفى مين اللى هيدخل وبلغينا وربنا يوفق الجميع
|
معاكى ان شاء الله
وفكرة رائعة من عضوة اروع |
يا جماعه
والله الموضوع كبير جدا وهياخد حلقات كتير فين الناس وفين اللى بيقولوا انهم بيعملوا موسوعات جينا في الجد ومش لاقيين غير 3 بس شفتم هتخلوا عمر 007 يشمت فينا ازاى ورونا الهمه يا اخوانا عاوزين نخليها اكبر موسوعه ثقافيه في تاريخ المنتديات وانا على اتم استعدادا اتولى التنسيق واضافة الصور لانى عارفه ان معظمكم بيزهق من التنسيق علشان بياخد وقت ها قولتوا ايه يا شباب سيلك روود هل من مجيييب |
انا فكرت اعمل الموسوعة دى قبل كدة بس لقيتها كبيرة قوى فكسلت اعملها عشان انا
فى الدراسة ربنا معاكوا وتعملوها |
فكرة جامدة مستنى الموسوعة دى...
|
على بركة الله
ان شاء الله المقدمه والحلقه الاولى هتتعمل وتنزل بكره ان شاء الله على القسم وعلى النظام ده هتكون باقى الحلقات والمشاركات وعلى الطاقم المشارك التواصل بالرسائل الخاصه او رسائل الزوار لمناقشة التفاصيل |
أنا علي استعداد للمشاركة بس المشكلة ان انا مبفتحش غير كل يوم خميس هينفع ولا لأ؟
علي العموم الموضوع هيبقي جامد جدا و ربنا يوفق كل المشاركين فيه |
| الساعة الآن 10:00 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.