موقف غريب جدااااا
 

انا النهاردة جاتلى الحوالة على شركة تحويل اموال بس للاسف فرعها القريب منى مقفول مش عارف ليه

و بما انى محتاج الفلوس اوووووووووووووووى رحت فرعه اللى فى المطار



المهم ظبطت هدومى و جهزت الموتور و نزلت و رحت و دخلت المطار

المهم اخدت الفلوس الموقف ايتدى من هنا


كنت جعان موت فقولت اروح اى مطعم و اكل و اروح

و بعد ما طلبت الاكل و قاعد مستنى

لقيت واحد من ظباط المطار جالى و قالى تعالى لو سمحت

فسالته فى مشكلة رد عليا و قالى تعالى من سكات انا ركبى سابت و قلت فى مصيبة


رحت مكتب كبير و لقيت رتبة جيالى

فسألنى ايه علاقتك بتفجيرات العاصمة

رد :- تفجيرات ايه

الظابط :- التفجيرات اللى حصلت شهر فبراير اللى فات

رد:- انا جاى هنا ادرس و بعدين انا مش بنزل العاصمة غير يوم الجمعة بس

الظابط :- طب انت ايه اللى جابك المطار مسافر ؟

رد:- انا جيت استلم فلوس و الورق اهو اللى يثبت دا و انا مش مسافر

الظابط:- احنا جت لنا اشارة من وزارة الداخية ان فى شخص فى نفس مواصفاتك بيخطط لتفجير المطار

رد:- يا نهار مش معدى طب طلعونى من هنا و حققوا معايا ان شاء الله فى الشارع

الظابط :- خايف على عمرك اوى كدا ؟

رد :- لا خايف على الموتور دا لسه عليا 500 دلار متسددوش

الظابط :- انت ايطالى و لا تركى ؟

رد:- لا مصرى و وريته جواز السفر و االبطاقة و الاقامة و الرخصة

الظابط على طول رفع السمعة و كلم مدير امن السفارة المصرية و طلب منه الذهاب لى وزارة الداخلية فى ولاية Nergri Sembilan


و طلع الظابط اللى معرفلوش رتبة و اتسبت لوحدى زى ال --- لحوالى 4 ساعات

و بعد كدا دخل الظابط و فالى ااسفين و رجعلى حاجاتى و طلب منى انى اروح معاه لمكتب رئيسه فى العمل لاكتشف

1- وجود ناس من السفارة المصرية للاسف اعرفهم بحكم انى كنت بخلص ورق و كونت صداقات معاهم لانى معرفش مصريين كتير


2- طلع ممسكوك 3 طلاب من الجامعة اللى انا فيها فى المطار ممسكوين قبلى و طلع عينهم


المهم طلعت و خلص الموضوع وانا راجع من المطار لقيت لجنة و امسكت مع انى معايا رخصة

ورحت القسم وهاتك يا تحقيق و احلف على الميا تجمد و انا مكنتش عارف انا بيحصى كدا ليه


و بعد 3 ساعات تحقيق طلعت و قلت انا اجرى على البيت بدل ما الاقى الاف بى اى مسكنى



المهم وصلت الجامعة و لقيت المصيبة الكبيرة


وحدات خاصة و شرطة و صحافة

انا قلت كل دول عشانى

رحت كلمت ظابط كدا برتبة ملازم قلتلوا هوا فى ايه؟

قالى انت مالك ؟

رد عليه انا طالب فى الجامعة دى ((ياريتنى ما قلت ))

و اتمسكت و هاتك يا تفتيش ؟

و لقيت الظابط بيقولى انفخ فى الكيس دا و نفخت مش عارف ليه ؟

و شاف جوازى و رخصتى و قالى معلش اصل فى حملة مفاجاة على 7 جامعات بس لقوا قى جامعتى 45 طالب بيتعاطوا مخدرات و 4 تجار مخدرات و ان فى تاجر رافض يسلم نفسه و البوليس كلم القوات الخاصة قولتلوا بس شكرا



كل دا فى يوم واحد حد حصلوا كدا قبل كدا

يا راجل انت متطلعش من بتكم تانى

ههههههههههههههه ايه يا عم ده انتا تقعد في بيتك كام يوم كده علشان متتمسكش تانش يمكن المرة اللي جاية ينطولك في البلكونة ولا حاجة

انا خايف اقعد فى البيت الاقى البوليس جايللا بتهمة الخوف و الفزع

هههههههههههههههه
انت نااااااااااااااااااام واتغتا كويس وانت تبقى تمااااااااااااااااااااام

اتغطى ايه دا انا شوفت اسود يوم فى حياتى كلها و المصيبة انهم قالولى ماليزيا متقدمة اكتر من بريطانيا نفسها الله يحرقوا الى كان السبب

قضيها منازل يا معلم

شكرا ليك يا باشا

وعى تفتح باب التلاجه بقى لتلاقى حد خارجلك منه انك بتتسلط على الطماطم ههههههههههههه
ربنا معاك ياعم
اهم حاجه انهم بسبوك فى الاخر لما يعرفوا انك برىء عندك فى بلدنا برىء مش برىء هينفخوك

ههههههههههههههه ناقص تفتح الموبايل تلاقيهم بيكلموك

كل ده بجد ؟؟؟:(

لقيت واحد من ظباط المطار جالى و قالى تعالى لو سمحت

انتا ولد ولا بنت ولا نوعك ايه بس في جمله الاقيك بنت وفي جمله تانيه الاقيك ولد^^

:lllolll::lllolll::lllolll:والله انت شكلك عيل منحوس استخبي لحسن المره اللجايه يقلعوك المنطلون