الموقع العربي الاول للعبة Silkroad Online - بحبك يا ماما و بكره افعالك .?

.

خيال ام واقع حسب رغبتك و حالتك النفسيه

حكايتى غريبه من مده مش عارف قد ايه و بعد ما كنت ساكن فى وعاء جميل اكل بلاش مفيش ازعاج سمعت بعد كده ان اسمه رحم

و فى يوم سمعت صراخ و ناس بتكلم و لقيت نفسى ملقى عريان على سرير و جنبى كائن غريب برده عرفت بعدين ان اسمه ماما وناس بتفعص فى وواحد بيقرب فمه منى و رائحته غريبه برده عرفت بعدين انها روائح بصل على سجاير على ثوم حاجات كتير و كل شويه واحد يحدفنى لواحد زى ما اكون الى بيسموها عندهم كره ما علينا فضلت مع الكائن بتاعى و انا جعان و مش عارف اتفاهم معاهم فقلت يا واد عيط

-كنت باحلم بالسرسوب من ثديها بس لقيت فى بقى حاجه كاوتش و مشروب غريب بس جعان اضطريت اشربه و دى اول حاجه كرهتها فى افعال ماما واول حلم من احلامى انهار كان نفسى فىالمشروب الربانى

-بعد شويه جالى الم فى معدتى و كالعاده عيطت ماما بسرعه القت بالكوتشه فى بقى مش عارف افهمها انا مش جعان انا عندى غازات من مشربك الغريب

- شويه و لقيت سحابه سوداء جانبى و مش عارف اتنفس عرفت بعد كده ان ماما هانم بتشرب حاجه اسمها سجاير

- مع استمرار الالم استمريت فى العياط لاقيت ماما هانم ناديت على كائن صغير ضعيف بعد ذلك عرفت انه يطلق عليه داده رغم انه من صغره و ضعفه هو اللى محتاج داده و القت بى الى هذا الكائن و اخذنى خارج الغرفه

- كنت نفسى ارجع اشوف ما سبب تخلى ماما عنى بس سمعت حد بيقول دى راحت فى سابع نومه علشان رايحه بكره الشغل شغل ايه هو فى شغل عندها غيرى

- شويه و حسيت انى عايز ادخل الحمام هيهات عموما اتصرفت فما كان من الداده الا ان القت بى علىوجهى وجابت حاجه عرفت ان اسمها كادليز و كتفتنى جامد لدرجه ان اتخنقت و قلت عمرى ما اهعمل كده تانى

حاجات كثير غريبه حاصلتلى بس انا مضطر استأذن دلوقتى علشان قررت اعيط شويه يمكن ارضع طبيعى

على فكره ده خيال يمكن يغير شئ من الواقع بس لازم اكافح علشان اعيش

.