كيف اجعل حسابى بريميم ؟ كيف استطيع الدخول بسرعة للعبة ؟
 

معلش يا جماعة انا دخلت على السايت بتاع سرو كتير بس برضه ما قدرتش افهم اوى يعنى..

انا عايز اعرف ازاى اقدر اجعل الحساب بتاعى بريميم و سؤالى كمان هو : مش البريميم ده يجعلنى قادر على الدخول للعبة فورا ؟

انا اسمع من اصحابى انه فيه ناس فى مصر بتشحن سيلك او حاجة زى كده...معلش انا مش فاهم كل الامور دى..يا ريت لو حد يوضح لى ببساطة الواحد بيعمل ايه عشان يبقى عنده حساب عشان ادخل بسرعة...يعنى انا بس همى كله انى ادخل بسرعة..ما هى اقل تكلفة تجعلنى ادخل بسرعة؟

و شكرا مقدما يعنى :)

بص يا سيدي
اللعبة فيها حاجة اسمها اموال افتراضية
اللي هيا السيلك
والسيلك دا بيتشحن بكروت
في منها فئات 50 و100 و هكذا
لما بتحشن السيلك دا تقدر تشتري بيه الحاجة اللي انت عايزها من ietm mall
كل حاجة وليها سعرها
لغاية كدة تمام
بالنسبة للبرميم
دي بقى عبارة عن اداة بتساعدك في اللعب
وفي كذا نوع منها وكل نوع بسعر محدد وليها خواص محددة
انت عايز الاكونت بتاعك يدخل بسرعة.. يبقى انت محتاج تشتري برميم
البرميم بيدخلك السيرفرر بتاعك في اي وقت لمدة شهر والمدة دي هيا مدة البرميم
لما تخلص المدة بتشتري برميم تانية لو حبيت
ولو عايز تجيب برميم باقل تكلفة يبقى تجيب اقل نوع من البرميم ودي ب 150 سيلك
50 سيلك = 30 جنيه مصري
والسعر دا ثابت في كل محافظات مصر تقريبا
يا رب اكون افدتك
ولو محتاج حاجة قول وان شاء الله نقدر نجاوبك
تحياتي وبالتوفيق

متشكر اوى يا هشوم على الافادة
طب انا فى القاهرة يا ترى باشحن السيلك منين؟؟؟

هقولك
انا بتعامل مع ناس قمة في الاحترام والزوق
ومفيش احسن من كدة
http://www.silkroad4arab.com/vb/showthread.php?t=158051
دا لينك الموضوع بتاعهم
والناس دول سمعتهم سابقاهم ما شاء الله
تقدر تكلمهم على الايميلات اللي موجودة وهما هيفهموك ازاي تقدر تشحن سيلك
بالتوفيق ان شاءالله

تمام يا hashoooom
وبالتوفيق

طب يا هشوم سؤال كمان؟
هل فعلا بتفرق انى ابقى بريميم؟ يعنى بادخل فعلا بسرعة؟ انت جربتها؟ بسرعة قد ايه يعنى؟
اصل انا النهاردة دخلت فضلت فاتح الجهاز فوق ال10 ساعات عشان ادخل..وبرضه مادخلتش بعدها بشوية كده حاولت تانى و دخلت بعدها بساعة و نص..
هو ليه السيرفرات زحمة اوى كده!
حتى دلوقتى زحمة مع انى كنت باعرف ادخل فى الوقت ده كده :( بجد حاجة غريبة...

بقت حاجة مقرفه والله الجولد زفت دة
السيرفر فيه حوالي 3000 gold bot
و 500 شخص بس بيلعبو

مش فاهم انا يعني هاك شيلد وهاك هباب وجوي ماكس عاملنا فيها رئيس جهاز المخابرات وعمال يرزع بلوكات للناس الغلابة لو فتحو لودر ولا بوت مرة واحدة
لكن الجولد بوت اللي مخلي الناس مش بتدخل اللعبة باليومين والتلاتة ورا بعض سايبه عشان بيستنفع منه
الموضوع ذاد عن حده اوي بقت حاجة تخنق والله

فعلا حاجة فظيعة انا فاكر على فكرة كل مرة تحصل لى كده بالذات بعد لما فيرجن جديد ينزل و يثبت مع الناس...اول لما ينزل بيبقى فاضى و حلو عشان يشدك..بس بعد شوية تبدأ بقى الزحمة طول اليوم دى...و كل شوية ازهق و اقول انا مش هالعب سرو تانى! :(
انا فعلا كده مش لاقى حل غير انى اصرف على اللعبة 80 جنيه شهريا و لا 85 تقريبا! :( عشان ابقى بريميم و اعرف ادخل!

صحيح يا joe انت بريميم؟؟

حتى لو السرفرات فاضية
الريميم يتفيد في الexp ,sp
وشوية المميزات الي معاها
يعني برضو هتحتاجها

لما تجيب البرميم انت بتخش من اول مرة
مفيش انتظار ولا ثانية واحدة
بتكتب البيانات بتاعتك ...هوووووب .. تلاقي نفسك في الجيمxD
بغض النظر عن نوع البرميم
اي برميم بتجيبه بتدخل على طول ومفيش انتظار حتى لو السرفر مليان على عينه

بالتوفيق

لا انا مش بريميم :o:o

من الناس اللي بتشحن سيلك و جولد محترمين جدآ

علي السيد و فادي سمير ( هتلاقي إعلاناتهم فوق ) ;)