|
اضرب يا صحبى ولا يهمك !!!!!
اضرب يا صحبي ولا يهمك [IMG]http://dc02.***********/i/01523/xl5wrbta3mlx.jpg[/IMG] 1 اضرب يا صحبى ويا اخويا وابن بلدى اضرب بكل عزمك ده ضربك ولا ذره فى ظلمهم لينا ماجاتش على ظلمك قالولك اضرب وهتبقى شاويش ويعلقو الشرايط على كمك صحيح انت ماتعرفنيش لا تعرف اسمى ولا اعرف اسمك بس احنا ياما وقفنا انا وانت فى طابور العيش ولحمى لازق فى لحمك ياما اتحشرنا سوا فى الاتوبيس والعرق طافح على جسمى وجسمك اوعى تقولى مش فاكر وانت بستخبى زى حالاتى فى القطر ممعكش حق التذاكر [IMG]http://dc02.***********/i/01523/x6ulruzpvqae.jpg[/IMG] 2 اضرب يا صحبى ولا يهمك كان زمانك قاعد تحت شجره التين بتشرب الشاى اوان العصر جابوك من الغيطان والطين قال ايه لاجل تخدم مصر هم برضو بيخدموها يا صحبى فى قصورهم وشاليهاتهم فى مارينا وفى المكاتب تحت التكييف وانا وانت بنزحف على ايدينا تحت وهج الصيف لاجل هدمه للعيال ولاجل رغيف وبنندهس وننطحن علشان انبوبه وهما يا صحبى معيشينا فى غيبوبه وبيخدعونا بوعود وكلام معسول وادى وش الضيف [IMG]http://dc02.***********/i/01523/9yov3i2ovoje.jpg[/IMG] 3 اضرب يا صحبى ولا يهمك انا جاى شايل فوق كتافى همى وهمك جاى اقول لا للى مصو دم ابويا وابوك زمان واتدايرو النهارده على دمى ودمك جاى اقول لا للى عايزين يبيعو فى سوق النخاسه اخواتى واخواتك ولاد عمى ولاد عمك 4 اضرب يا صحبى ولا يهمك عارف يا صحبى لو شفت امى فى الشارع هتفتكرها امك نفس السمار والوش الحزين والملامح اللى حفرها وجع السنين ورسمتها على ايديها فرن الخبيز وماجور العجبن 5 اضرب يا صحبى ولا يهمك عارف ايه اللى حازز فيا ومزعلنى مش انك بتضربنى انهم بيتفرجو علينا واحنا زى الكلاب بناكل فى بعضينا 6 اضرب ياصحبى ولا يهمك وصدقنى لو وقعت من طولك مش هتلاقى غيرى يرفعك ويسندك ويضمك مش هتلاقى غيرى يا صحبى واضرب يا صحبى ولا يهمك |
جامده اوي شكرا
|
هههههههههههه
ههههههه ههههه هه ه شكرا |
ايه ده يا عم و الله اعيط ;);););)
|
حلوه اوى شكرا ولكن هدفك ايه من الموضوع دا ؟ نروح نضرب الحكومه ^^ تقبل مرورى |
معلش ممكن سؤال
انت تعرف لية مثلا هو بيضرب ولا دي مجرد صور انت جبتها من الانترنت قلت تالف عليها وخلاص انا معاك ان دة افتري و اكثر من الازم بس في ناس تستحق الي بيحصل لها لية مثلا الناس الي ماشية في الشارع دي مابتضربش لو الحكومة مفترية اوي كدة و ما بتسبش حد في حالة اكيد الي بيضرب دة عمل حاجة غلط |
جامد والله كلام زى الفل
بس سؤال رفيع : انتا اللى كاتب الكلام دا ؟ اصل بصراحة كلام رائع ومش مكتوب ولا منقول ولا بقلمى ؟ |
والله كلام زى العسل يا معلم
|
روعة جداً فنان يبني والله
|
هههههههههههههههههههه
|
شكرا
|
كلمات جامدة جداا
|
هو ايه المضحك فى الموضوع عايز افهم علاشن الاعضاء تضحك
|
موضوع مميز تسلم ايدك
|
اقتباس:
انت كل موضوع تدخل تفقع فيه رد رخم و تمشى ؟:p:p:p:p ياااااااااه انا نسيت انك معاك عضوية خالد :eek::eek::eek: حبيبى يا وديع اعمل الى انت عايزه ايه العثل ده يا اخويا :rolleyes::rolleyes::rolleyes::rolleyes::rolleyes: |
| الساعة الآن 12:49 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.