الموقع العربي الاول للعبة Silkroad Online - >>>>> إنــــــــــــــت مـــــــش عــــــــارف أنــــــا ميـــــــن <<<<<

http://img46.imageshack.us/img46/2586/22786065.gif

مذكرات شاب مش عارف هو مين

"يوم فى حياه واحد مش عارف هو مين "

صحيت بدري اوي اليوم ده على الساعة 1.30لبست الحتة اللي عالحبل

وضربت شعري باخر حبة جل في العلبة ونزلت بسرعة وانا في الاسانسير

بصيت في المراية ايه ده ايه الجمال والروعة دي ايه الوسامة دي شعري

منعكش وهدومي مكرمشة ومت**** (مع انها مغسولة من شهرين بس)

والجزمة بقها مفتوح باين عليا حاجة ابهة بصحيح وايه الريحة الجميلة دي اه دي ريحة شرابي المعفن

طلعت من الاسانسير ولقيت صوت غريب قاعد يزعق ويقولي حرام عليك انا لسة ماسح الارض

اااااه عرفت ده عم عبده البواب بصتله من فوق لتحت وقلتله انت يا بني ادم

انت مش عارف انت بتكلم مين وسيبته ومشيت غالبا كان بيشتم واحد ويقوله

كلام غريب زي انت اتهبلت ولا ايه

اش حال اما كانت هدومك مقطعة وشرابك معفن

المهم مشيت ودخلت على اول محل فول وطعمية ايه الزحمة دي هما مش

عارفين ان انا جاي ولا ايه قعدت ازعق واشتم في الواد بتاع الفول ازاي

يقوللي انا استنى في الطابور

المهم اني لقيت نفسي برة المحل اه لو اعرف مين اللي رزعني الشلوط ده

ناس مش عارفة بتكلم مين يل بلاها فطار النهارده

بعد ساعتين فقط من الانتظار ركبت ميني باص في طريقي للكلية وبمنتهى الصفاقة(التي لا اعرف معناها)

سمعت اللي بيقوللي خش ورا يا كابتن العربية فاضية ورا وانا مش شايف

اي مكان فاضي بعدين ازاي الحمار ده يقوللي يا كابتن هو مش عارف بتكلم

مع مين يكونش فاكرني بلعب معاه في الشارع

قمت قايله بعلو صوتي مفيش مكان ورايا وبعدين اتأدب وانت بتكلم معايا انت

مش عارف انت بتكلم مين ولا ايه

رد يقوللي يعني هكون بتكلم مع السفيرة عزيزة

سفيرة عزيزة ايه يا قليل الادب ياصايع يا

لقيت نفسي في الشارع كترت الشلاليط النهارده ناس مش عارفة بتكلم مين

المهم كلها ساعة ولقيت ميكروباص فاضي ركبت وناولته ربع جنيه وقلتله الجاممعه ياسطى

لاقيته يقوللي الجامعة ب50قرش يا استاذ

عجبتني استاذ دي فاديته كمان ربع جنيه وبعدين العملية مكانتش مستحملة كمان شلوط

كلها تلات ساعات ووصلت الكلية الظاهر ان احنا بقينا بالليل باب الكلية

مقفول هما مش عارفين اني جاي ولاد ال.........

رجعت البيت في زمن قياسي تلات ساعات ونص لقيت ابويا بيشخط فيا ويقوللي اتاخرت

ليه يا بأف قلتله ياريت تكلم بأدب انت مش عارف انت بتكلم مين

انا عالسرير متكسر ابويا مبيكتفيش بشلوط الظالم ضربني علقة ولا كأنه
عارف بيكلم مين

هو انا مييييييييييين .....؟

http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif http://dvd4arab.maktoob.com/smile1/mdr.gif