|
حتي لا يحتار المشتري ... الفرق بين ddr3 , ddr2 ram ... شرح بالتفصيل
http://img412.imageshack.us/img412/1...479542083b.png كلنا عارفين ان زمان اوي من حوالي 9 او 10 سنين علي ايامنا احنا الرام اللي كان منتشر كان DDR ايام الرام ال128 و ال256 و تقريبا النوع ده من الرامات انقرض و لكن مع تطور التكنولوجيا من 5 او 6 سنين ظهرت رام DDR2 اللي كانت بتتوافق مع البروسيسورات الحديثة اللي كانت طالعة ايامها " البانتيوم و الكور " و مع البوردات اللي كانت في الايام دي بس قريب ظهر نوع جديد من الرامات اسمو DDR3 عشان يتوافق مع احدث ما تقدمه التكنولوجيا في ايامنا دي Core i7 و Core 2 Extreme و ما شابه ذلك و طبعا ظهرت خلافات اللي يقول رام الDDR2 افضل و اللي يقول الDDR3 افضل انا ان شاء الله حوضح الفرق بين الرامتين عشان نقطع الشك باليقين و هقارن بينهم من حيث كذا جهة زي الاداء و السرعة و التكلفة و ... و .... الشرح مبسط علي الاخر و باللغة العربية و مرضتش اجيب كلام معقد و مصطلحات صعبة عشان اي حد ممكن يفهم حتي لو معلوماته عن التقنية سطحية جدا http://gadgetophilia.com/wp-content/...s-ddr2-ram.jpg http://img338.imageshack.us/img338/8...1218888115.gif بسم الله الرحمن الرحيم اولاً : DDR2 vs. DDR3 من حيث سرعة ترردهم MHz :- ملحوظة : كلما زادت سرعة تردد الرام زادت كفائتها DDR2 : بدأ ظهور هذا النوع من الرامات في سرعات 333MHz و توالت السرعات حتي ظهرت الرام 1066MHz و 1250MHz DDR3 : ظهرت هذة الفئة في سرعات 1066MHz ,1333MHz و 1600MHz و تتوالي سرعات تردد هذه الفئة في ازدياد مستمر اكيد الفرق واضح رام DDR3 تفوقت علي DDR2 من حيث الكبر في سرعات ترددها http://img338.imageshack.us/img338/8...1218888115.gif ثانياً : DDR2 vs. DDR3 من حيث وقت الاستجابة Latency times :- ملحوظة : كلما صغرت مده Latency times زادت كفائة الرام DDR2 : لها اوقات استجابة صغيرة مثل DDR2-1250 : 5-5-5-15 و DDR2-1111 : 4-4-4-12 DDR3 : لها اوقات استجابة كبيرة نسبيا بالنسبة الي اوقات استجابة DDR2 مثل DDR3-1333 : 9-9-9-24 اكيد الفرق واضح ان DDR2 تفوقت علي نظيرتها في اوقات الاستجابة و ان DDR3 لها اوقات استجابة طويلة مما يدل علي ان الفئة دي من الرام لها بطء نسبي في حاجة كمان رام DDR2 1250MHz تقارب في سرعاتها الكلية رام DDR3 1333MHz "لاحظ الفرق بين سرعة ترددهم" كمان رام DDR2 1066MHz ممكن تتفوق بسهولة في سرعتها الكلية علي DDR3 1066 وكل ده بسبب البطء في وقت استجابة رام DDR3 عن DDR2 http://gadgetophilia.com/wp-content/.../dominator.jpg http://img338.imageshack.us/img338/8...1218888115.gif ثالثاً : DDR2 vs. DDR3 من حيث خازنات المعلومات الداخلية Internal Banks :- ملحوظة : كلما زاد عدد الInternal Banks زادت كفائة الرام DDR2 : يوجد في هذا النوع 4 خازنات داخلية DDR3 : يوجد في هذا النوع 8 خازنات داخلية اكيد رام DDR3 تفوقت علي نظيرتها DDR2 في الحكاية دي لان الزياده في عدد الخازنات الداخلية بتعطيها سرعة نسبية و بكده تكن قللت من تأثير البطء بسبب طول مده الاستجابة عن DDR2 " تم الحديث عنه سابقا " http://gadgetophilia.com/wp-content/...ddr_memory.jpg http://img338.imageshack.us/img338/8...1218888115.gif رابعاً : DDR2 vs. DDR3 من حيث سحبها للكهرباء Memory Voltage :- ملحوظة : كلما قلت كمية الكهرباء المسحوبة زادت كفائة الرام DDR2 : تعمل في 1.8V +/- 0.1 فولت DDR3 : تعمل في 1.5V +/- 0.075 فولت من الملاحظ هنا ان DDR3 افضل من DDR2 من حيث استهلاكها للكهرباء http://img338.imageshack.us/img338/8...1218888115.gif خامساً : DDR2 vs. DDR3 من حيث السعر :- DDR2 : سعرها رخيص كما انها منتشرة في ايامنا دي بس للاسف مش معايا الاسعار بالظبط و لكن لو عاوز تعرف الاسعار روح لاقرب محل كمبيوتر ليك و هو هيفيدك اكتر مني ان شاء الله DDR3 : سعرها اغلي من DDR2 ممكن يوصل الضعفين كما انها مش منتشرة الانتشار بتاع DDR2 http://img338.imageshack.us/img338/8...1218888115.gif سادساً : DDR2 vs. DDR3 من حيث عملها علي اللوحات الام Motherboards و المعالجات Processors :- DDR2 : غالبية البروسيسورس و البوردات تدعمها و تعمل عليها زي البانتيوم و بروسيسور Core 2 Due DDR3 : البروسيسورس و البوردات الحديثة تدعمها زي Core i7 كمان الرام دي معمولة اساسا للتشغيل علي البوردات و البروسيسورات الحديثة المستقبلية "رام المستقبل" ملحوظة : هناك بوردات و بروسيسورات تدعم النوعين من الرام DDR2 , DDR3 احذر : يجب الحرص عند شرائك اي من النوعين DDR2 , DDR3 اذا كان نوع البروسيسور و البورده لديك تدعم واحده ولا تدعم الاخري يعني من الاخر متروحش زي الشاطر تجيب رام DDR3 و البروسيسور و البورده بيشغلوا رام DDR2 بس و مش بيشغلوا DDR3 و العكس http://gadgetophilia.com/wp-content/.../dominator.jpg http://img338.imageshack.us/img338/8...1218888115.gif سابعاً : DDR2 vs. DDR3 من حيث كيفية استهلاكها للطاقة Power Consumption :- DDR2 : تستهلك الطاقة باستمرار DDR3 : لا تستهلك الكثير من الطاقة باستمرار كما ان لها انظمة مدمجة بها لحفظ الطاقة من الواضح ان DDR3 افضل من DDR2 من جهة استهلاكها للطاقة http://img338.imageshack.us/img338/8...1218888115.gif اخيراً لكل شيء مزايا و عيوب و انا - بفضل الله - تقريبا ذكرت خلاصة الموضوع عن الرامات واي شيء تاني انا في الخدمة المصدر الرئيسي هناك مصادر اخري مشتتة متنوعة قرأتها و فهمتها و لخصتها لك بس المصدر الرئيسي لامم خلاصة المعلومات تم بحمد الله غير منقول |
شكرا يا باشا على الموضوع الجميل دة و المجهود الرائع |
اقتباس:
|
شكرا لييك
|
مشكور يا باشا على تعبك في الموضوع عندي بس بعض اضافات بسيطه اولا دي مهنتي وفي المهنه دي بالذات التجربة خير دليل انت عملت مقارنه بصراحه اكتر من رائعه بس في حاجه زياده اولا انا رأي ddr2 احسن من ddr3 حاليا اي حاجه لما بتنزل في الاول مش بتبقى واخده حقها اوي بمعنى اصح لسه قدامهم فتره على ما يطورا ويتجنبوا العيوب الي لسه هتظهر.... دي مثلا نظرية بس حاليا الرامات الموجوده في مصر نوعية رديئة ... مشاكلها كتير وناس كتير بتشتكي منها كما انها بتقرفنا واحنا بنجمع الاجهزه وبتعمل اعطال غريبه ملهاش حل ولو اتحلت بتتحل بالصدفه ليه بقه!!!!!!!!! انا اقولك ليه المستوردين هنا في مصر بينزل مثلا الصين بيجيب اردء حاجه تقدر تقول كده فرز تالت ورابع لدرجه انه ممكن يروح المصنع يشتري الرامات الي كانت راجعه ضمان مثلا واتصلحت عشان يعرف يوفر ويكسب كويس ..... في الفتره الي فاتت الرامات ddr3 نزلت وخدت سيط خفيف كده في الاول بس مكنش عليها اقبال قد كده لسببين ان معظم الناس عندها مازر بورد مثلا g31 ودي بتشغل دي دي رام تو فعشان يجيب ddr3 لازم يغير البورده ودي طبعا تكلفه ملهاش لازمه تاني سبب احنا كشركات كمبيوتر ومراكز صيانه بننصح المستخد انه يتأنى في اختياره لرامات ddr3 عشان احنا عارفين انها بتعمل مشاكل والمشاكل دي بتتعبنا اولا واخيرا زي مثلا الرامه راحت اشتغلت شهر ورجعت ضمان تشحنها القاهره ومصاريف ومش عارف ايه وممكن تلاقي المستورد بيستعبط وبعد شهر يبعتلك الرامه البايزه ويقولك اصل ده سوء استخدام يعني من الاخر سكة لحد دلوقت لسه مش مظبوطه وطبعا لو حد متابع الاسعار هيلاقي ان المستوردين عملوا حركه وحشه اوي عشان يجبروك انك تستخدم ddr3 لو نفتكر من كام شهر كده كان تمن الرامه kingstone ddr2 وصل لحوالي 100 جنيه وفجأه كده رفع بقى واقف علينا جمله ب 285 يعني كانت بتتباع ب 305 وبعدين رجعت نزلت شوية دلوقتي بنشتريها جمله علينا 235 طب ايه السبب؟ انت ملاحظ انها اضاعفت المستورد خلى سعرها قريب لسعر الدي دي رام ثري بحجه انها معدتش هتنزل تاني عشان كده سعرها عالي وفي نفس الوقت بيخليك تستقرب انك تجيب الرامه الحديثة الصنع الي هيه الدي دي رام ثري الي هيه كفائتها مش مستقره زي الدي دي رام تو انا متوقع انها لازم هتاخد وضعها بعد فترة وده المصير الحتمي بس لحد دلوقت لسه مخدتش وضعها طبعا مش معنى كلامي ان كل الرامات ddr3 الي في السوق بايزه ولا حاجه انا كل الي اقصد اعطالها كتير نسبيا للرامات ddr2 عذرا للاطاله وبصراحه موضوعك جامد جدا بالتوفيق |
مع أن انا مش بفهم فى الرام أوى بس مشكور اوى
|
الddr3 نزلت بس لسة مجربتهاش
هي عمتا أول ما بتنزل بتبقى غالي و بعدين بترخص أوي و الddr2 هتغلى أوي لحد متنزل الddr4 علشان سعر الddr3 يعلى تاني :serenade: شكرا على المعلومات |
شكرا على الموضوع الروعه
|
اقتباس:
معــــاك فى كل كلمة انتا قولتها + 1000 شكر لصاحب الموضوع وبأذن الله هايبقى بينا مناقشات حول مواضيع الكمبيوتر دى |
شكرا
|
اقتباس:
بسم الله الرحمن الرحيم اولا شكرا علي المرور الكريم ثانيا الله ينور عليك وضحت حاجات مهمة بردو مكنتش علي البال ثالثا حضرتك كلامك كلو عن الرامات اللي نازلة مصر اللي المستوردين جابوها من الصين "مصر و صين" اعتقد الناس فاهمه :mf_dggb: و انا كان قصدي علي original مش المضروب بتاعنا ده و حضرتك قلت ان DDR2 من DDR3 حاليا و ده فعلا كلام مظبوط منطقي بس كنت لازم تكتب جمبها "في مصر" يعني مثلا انا اعرف ناس عمرها ما تشتري هاردوير من مصر بتطلبها من امريكا او دول الاتحاد الاوروبي و تدفع بالدولار او اليورو و رأيي ان هو ده الصح و زي ما حضرتك قولت برضو كل حاجة بتنزل في الاول مش بتاخد حقها بس انا كاتب ان دي رامة المستقبل يعني مثلا بعد سنتين تلاتة اما واحد يحب يجيب جهاز جديد و يبدع فيه بروسيسور و بورده و رام و فيجا اكيد متتطلبات الجهاز دي كلها حاجات حديثة لسه نازلة و الحاجات دي كلها اكيد بتتطلب لتشغيلها DDR3 هيعمل ايه؟ مش هيبقي قدامه حل غير الDDR3 وانا متوقع زي ما الDDR انقرضت و معدتش بتنزل ال DDR2 كمان هيحصلها نفس الحكايه و مشكور لي المرور مرة تانية نورت الموضوع تقبل مروري |
اقتباس:
اقتباس:
مشكور علي المرور و تقبل تحياتي اقتباس:
مشكوووووور علي المرور و تقبل تحياتي اقتباس:
مشكور و تقبل تحياتي اقتباس:
ان شاء الله هتكون المناقشات مشكورو تقبل تحياتي اقتباس:
تقبل تحياتي |
اقتباس:
انا بس اتكلمت عن الرامات الي نازله مصر من منطلق اسم الموضوع الي هوه اوله "حتى لا يحتار المشتري" فاكيد بنسبة 90% المشتري ده من مصر وهيشتري من مصر :hat: وعندي ايضاح برده هوه الي عندنا مش مضروب بس الفكره ان احنا عندنا بيشتروا فرز تاني وتالت ورابع وساعات خامس وبالنسبة للنقطه الي انت قلت اني كان المفروض اكتب جمبها في مصر حضرتك تقريبا مخدتش بالك من الحته دي اقتباس:
اقتباس:
وده لسبب ان الاجهزه القديمه كتير اوي منها بيتباع تقطيع وده بيبقى اكسب وافيد لشركات الكمبيوتر يعني ممكن تصلح بجهاز تقطيع خمس اجهزه من نفس مواصفاته وملاحظه بسيطه للاعضاء ان كل ما ما الرامه الي انت عايزها قدمت سعرها اعلى يعني مثلا احنا بنبيع الرامه 512 sd ram بتاع الاجهزه البانتيوم 3 ب 100 جنيه وفي نفس الوقت بنبيع 512 الي هيه ddram1 مثلا من خمسين لسبعين جنيه وطبعا الحاجات دي مفيش منها جديد كله مستعمل هيه المعادلة صعبه شوية بس السبب في كده انها قليله في السوق والحاجه كل ما كانت قليله ومطلوبه كلما زاد سعرها واخيرا مشكور جدا لتقبلك اضافتي بصدر رحب والي زيك في المنتدى هنا قليل والله كان ممكن غيرك ينفسن ويفكرني بتفلسف عليه الى الامام دائما ومنتظرين جديد مواضيعك |
اقتباس:
مشكور علي التوضيح و الله ينور عليك و علي فكرة انا مش مختلف معاك في اي حاجة انا معاك في كل كلمة انت قلتها انا بس كنت بوضح لفكرة اكتر عشان توصل للاعضاء مشكور مرة اخري و تقبل تحياتي |
الف شكر على الافادة يا جميل تقبل مرورى |
| الساعة الآن 09:01 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.