|
فكك مني بقي في الحوار ده علشان فاكس ....... ايه الاسلوب ده ؟؟؟
http://www.samysoft.net/forumim/slambasmla/54645sd.gif امبارح كنت بفكر في كلامنا ولغتنا اللي احنا فرحانين بيها اوي ومسمينها اللغه الشبابيه مش هعمل فيها بقي اني مش بتكلم بيها بالعكس انا في دايما بتكلم بكلامنا الغريب ده بس حبيت اراجع كده كل كلمه بقولها واشوف ليها معني ولا لا والحمد لله بكل فخر اكتشفت ان مالهاش اي معني :111: http://www.samysoft.net/forumim/fwasel/1/5c1622fn.gif هبدء معاكوا كده بكلام دارج اوي ما بينا وهقول تفسيري عليه نبدء بكلمه فكك مني يعني ايه فكك مني ؟؟؟ كلمه "فك " كنا بنقولها زمان علشان نفك لعبه من بعضها زي الميكانو كده او المكعبات وكانت فعلا بتعبر عن الموقف لكن دلوقتي لو فكرنا احنا بنستخدمها ازاي هنلاقي ان مالهاش معني ومجرد كلمه اتعودنا عليها واناطول النهار بقولها اصلا http://www.samysoft.net/forumim/fwasel/1/5c1622fn.gif تاني كلمه "ياعم ده حوار" التعريف الطبيعي لكلمه حوار انه مناقشه بين اتنين احنا بقي بقدره قادر حولنا كلمه حوار انه كذب وان فلان كذب علي فلان رغم ان المعني الاساسي والصحيح ليها غير كده خالص http://www.samysoft.net/forumim/fwasel/1/5c1622fn.gif الكلمه التالته "اشتغاله " ده بيشتغلك " برضه كلمه مالهاش اي معني لانها تصريف لكلمه شغل يعني لما حد يقول لحد انا كنت بشتغلك يعرف علي طول الطرف التاني ان الطرف الاول اتعامل معاه علي اساس انه ورقه بيشتغل فيها http://www.samysoft.net/forumim/fwasel/1/5c1622fn.gif الكلمه الرابعه "فاكس " اهي دي بقي بجد معرفش معناها بس هي نفس حروف كلمه "فاكس" فاكس الكمبيوتر يعني كلمه فاكس بنقولها علي موضوع بايظ او مش هيكمل يبقي كده بقي احنا بنقول كلام وخلاص مالوش اي معني http://www.samysoft.net/forumim/fwasel/1/5c1622fn.gif الكلمه الخامسه ودي بقي بتجمع بين اكتر من حاجه كلهم ليهم معني واحد "مسقط - فاصل-قاطع شحن" والتلاته دول بنستخدمهم علشان نعبر بيهم اد ايه احنا تعبانين مسقط هتيجي بمعنين مسقط الراس ومعناها المكان الي اتولدنا فيه او مسقط ودي بلد عربيه كلمه فاصل كلنا عارفين معناها انها فرق بين حاجه وحاجه زي الفاصل الاعلاني قاطع شحن بتتقال علي الموبايل بس علشان احنا مختلفين اتملنا مع نفسنا علي اساس اننا موبيلات http://www.samysoft.net/forumim/fwasel/1/5c1622fn.gif "انا بنتش عليك" كلمه نتش يعني كذب بلغتنا بس معناها الحقيقي غير كده يعني مثلا لو حد لابس تي شيرت ومثلا مسمار قطعه بيتقال علي الموقف ده التي شيرت اتنش بس برضه لاننا مختلفين بقي نركب كلام مالوش معني او ده مش مكانه المناسب بنركبه علي اي حاجه وخلاص حتي لو مش لايقه http://www.samysoft.net/forumim/fwasel/1/5c1622fn.gif مش هتكلم بقي علي الواد ده موز والبت دي موزه وروش لان الكلام ده قديم خلينا في كلمه "فحت" كلمه فحت استخدمها الاكتر في مجال البناء المعماري او الهندسه او البترول في حاجه اسمها فحت وردم فبجد يعني ايه نقول علي فيلم مثلا "جامد فحت " طيب جامد يعني شديد وكلمه شديد لوحدها مصطلح برضه شبابي مش بنستخدمه غير علي حاجه جامده اوي اما كلمه فحت فبجد مش لاقيه تفسير مفيد اقدر اوصفها بيه http://www.samysoft.net/forumim/fwasel/1/5c1622fn.gif نفض يامان واحلق وكبر برضه التلاته واحد نفض اللي قدامك بيتعامل معاك علي اساس انك خدام احلق مالهاش اي معني خالص حد مستني يحلق ايه اللروش فيها كلمه زي دي اما كبر دماغك بقي دي معناها ان كل الواحد ما هيكبر دماغه كل ما هيشيل فيها مواضيع اكتر يعني الكلمه دي مضره ليه ومفيهاش فايده بس رخامه مننا بنقولها http://www.samysoft.net/forumim/fwasel/1/5c1622fn.gif "انا كنت بزاولك" تمشي نفس معني بشتغلك رغم ان معنها غير كده خالص لان مزاوله ايام زمان كان بيجي وراها كلمه مزاوله العمل يعني الشغل برضه http://www.samysoft.net/forumim/fwasel/1/5c1622fn.gif في الاخر كده .... بجد احنا بنتكلم كده علشان يبقي لينا لغه خاصه بينا محدش يفهمنا غيرنا ؟ ولا بنتكلم كده علشان احنا تافهيين زي ما بيتقال علينا وبنتاثر باي حاجه ومالناش شخصيه ؟ وكل واحد يقولي معني كل كلمه قولتها من وجهه نظره بيشوف معناها ازاي ؟ http://www.samysoft.net/forumim/fwasel/1/5c1622fn.gif فكك مني حوار اشتغاله فاكس مسقط فاصل قاطع شحن بنتش عليك فحت نفض احلق كبر مزاوله http://www.samysoft.net/forumim/fwasel/1/5c1622fn.gif اضافه بسيطه اللي عنده اي كلام جديد انا مقولتوش ياريت يقول عليه ويقول علي معناه علشان نفيد ونستفيد :111: http://www.samysoft.net/forumim/nehaya/fsdggdfg.gif http://www.samysoft.net/forumim/nehaya/sdfsdfsfsd.gif |
ههههههههههههههه يا عم فكك عاوزين نبقا إكس بنس و اسمع كلامى فاكس الحوار ده و خلينا نتكلم براحتنا
و على فكره انا كنت بشتغلك و بزاولك ههههههههههههههههههههههههههههههههه كنت بهزر على فكره ====================== ولله فعلا بنقول كلام ملهوش اى معنى |
لأ ولله موضوع جامد بس علي فكرة انتا عندك حق و كل حاجه بس دي حجات بقت بتطلع غصب عن
الواحد و مثلاً في حجات ناس تانيه كبيرة و محترمه و تقولك عادي كبر دماغك خليك انتا الكبير دي انا مش شايف فيها حاجه خالص بس صح في الباقي عندك حق انا حاسس الكلام الي فوق كلو المعني الي احنا نقصده بيه هو المعني الحقيقي انا بحس كده لكن لما الواحد بيفكر دي ايه الكلمه دي بيكتشف حجات تانيه خالص عكس الي احنا بنقوله و اسف علي الاطاله :hands: |
-
|
اقتباس:
اقتباس:
|
هههههههههههههههه أنت بجد يا مان كلاااااااااامك جامد فحت :d والله أنا مش عارف معانى كلمات فى لغتنا الشبابية كتيييييير و فى كلمة بتخلينى هتشل كل ما أسمعها (الجو) تلاقى شاب رخم كدة جاى يأولك و أنت أخبارك ايه مع الجو؟؟؟ بيجيلى شلل فورى و توقف عضلة القلب
|
اقتباس:
|
فين الردود يا رجالة
|
عيش اللحظة بقي
ههههههههههههه |
شكرا على مرورك
|
ههههههههه ياعم فكك منى (احلق) :idiot::idiot:
|
افتكاسة حلوة يا برنجى........
|
والله كلامك زى الفل يا باشا وانا هغير لغتى شوف الغه الجديده
(هيا بنا يا رجال هيا بنا يا رجال هيا بنا يا رجال ماتيلا يابنى انت وهوا ) (نأخد من كل رجلا قبيله) (تبا لقد وقعنا فى الفخ) هيا ديه لغه شباب عمرك ما هتعرف تغيرها وانا مش بقلها اصلا انا بكلم عادى جدا زى الناس...^ |
شكرا على الردود الجميلة دى :lol2:
|
هههههههههههههه ياعم خليك كول واشترى من عند البقال فووووول :bash:
|
| الساعة الآن 11:12 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.