الموقع العربي الاول للعبة Silkroad Online - احنا مسلمين صحيح .. و مؤمنين بالله صحيح .. لكن اتضحلى اننا منعرفش مين هو ربنا ..

بسم الله الرحمن الرحيم
و السلام عليكم و رحمة الله و بركاتة

الموضوع بيحمل فكرة كبيره اوى اوى و مهمه اوى اوى ..

و ببساطة شديدة هو موضوع نقاشى الكل يقول رأيه عن ربنا سبحانه و تعالى ..

تخيل اعظم شئ ممكن يحدث فى العالم .. و ننسبه لله سبحانه و تعالى

تخيل مثلا الله سبحانه يقول انه على كل شئ قدير .. لم الواحد يفكر
فى اية من القرءان مثلا (ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير) ..
ازاى كل حاجة مكتوبة قبل ما تحصل .. اكيد دى حاجة غير منطقية
لكن هو ربنا يقدر على كده .. شفتوا قد ايه حاجة عظيمة

يا اخوانا للاسف احنا عقولنا مش بتقدر تدرك العظمة و الحاجات الكبيره دى

و ساعات الشيطان بيبدأ يزرع لينا صور تقلل من عظمة الله ..

مثلا كل واحد مننا ساعات يجيله الشيطان و يزرع له صورة شيخ مثلا و يقوله هو ده ربنا ..؟؟؟؟؟؟؟؟؟؟؟!!!!!!!!!!!!!!
ازاى يا اخونا انت لم تشوف واحد كده و يكون ربنا زيه .. الفكرة دى بتنزل من غير ما الواحد يكون يقصدها .. لكن الكل يراقب نفسه .. لانها ساعات بتحصله .. المطلوب مننا اننا نعرف مين هو ربنا .. مين هو الله

الله يا اخونا قادر انه يهدم العالم و يقيمه من اول و جديد ..

عارفين يعنى ايه العالم .. العالم يعنى 7 سماوات .. عارفين يعنى ايه السموات
يعنى اطلع بالليل و بص فى السماء .. حتعرف ان العالم ده و لا حاجة

ربنا هو اللى خلقه ..
اطلع فوق اعلى مكان و شوف قد ايه الوسع و اد ايه الكون كبير اوى اوى

و اعلم ان ربنا هو اللى خلق ده كله

انتم متخيلين ..

تعرفوا ان فيه حديث بيقول ان السموات السبح و الاراضين السبع فى الكرسى مثل حبة رمل فى صحراء .. و كرسى الله فى العرش مثل حبة رمل فى الصحراء .. انتم مدركين يعنى الله .. امال العرش ربنا ه اللى خلقه ..

يا اخوانا اتمنى تفهمونى ان ربنا عظيم .. و ربنا سبحانه و تعالى لا تدركه العقول لان عظيم جدا جدا .. و اتمنى الكل يفهم ده كويس

و يقولنا هل هو بيخاف من ربنا و بيرهبه من شدة عظمته قد ايه