|
!*()*()*()*()*()*()*()*() و بحبك يا بلدي ()*()*()*()*()*()*()*()*!
على اسم مصر التاريخ يقدر يقول ما شاء أنا مصر عندي أحب وأجمل الأشياء باحبها وهي مالكه الأرض شرق وغرب وباحبها وهي مرميه جريحة حرب باحبها بعنف وبرقة وعلى استحياء واكرهها وألعن أبوها بعشق زي الداء واسيبها واطفش في درب وتبقى هي ف درب وتلتفت تلقيني جنبها في الكرب والنبض ينفض عروقي بألف نغمة وضرب على اسم مصر. مصر السما الفزدقي وعصافير معدية والقلة مملية ع الشباك .. مندية والجد قاعد مربع يقرا في الجرنال الكاتب المصري ذاته مندمج في مقال ومصر قدامه اكتر كلمة مقرية قريتها من قبل ما اكتب اسمي بإيديا ورسمتها في الخيال على أبدع الأشكال ونزلت أيام صبايا طفت كل مجال زي المنادي وفؤادي يرتجف بجلال بان البلد ماشي زي النمس في الأسواق بالفلاحين ع المداخل من بعيد وقريب بالأرنؤوط بالشراكسة بكل صنف عجيب مترصصين سور رهيب مزراق في ريح مزراق كأنهم لا بشـر ولا خلقـة الخـلاق ومصر فلاحة تزرق بين رقيب ورقيب من غير أبو الهول ما ينهض ناهضة شايله حليب والصبح بدري الجبرتي ينام وقلمه يسيب على اسم مصر. مصر الرمال العتيقة وصهدها الجبار والنيل كخرطوم حريقه وحيد في وسط النار في إيدين بشر نمل رايحه وجاية ع الضفة فيهم مطافي وفيهم كدابين زفة وفيهم اللي تعالى وقال أنا حكمدار وكل باب م البيبان مقفول على اسرار وكل سر بحريقة عايزة تتطفا من أهلي تندهلي وتقوللي تعا اتدفا أنا اللي عمري انكتب إلى يوم ما اتوفى على اسم مصر. مصر اللي عمر الجبرتي لم عرف لها عمر وطلع لقاها مكان مليان عوام وزعر جعيدية غوغاء يجيبوا تملي وجع الراس وخليط أفارقه هنادوة روم ملل أجناس والترك في القلعة والمماليك خدودهم حمر كان عمرها ستلاف سنة .. كلها سنين خضر بس الزمان يختلف زي اختلاف الناس ناس تبني مجد وحضارة وناس بلا احساس وناس تنام لما يزحف موكب الأحداث على اسم مصر. النخل في العالي والنيل ماشي طوالي معكوسة فيه الصـور .. مقلوبة وانا مالي يا ولاد أنا ف حالي زي النقش في العواميد زي الهلال اللي فوق مدنة بنوها عبيد وزي باقي العبيد باجري على عيالي باجري وخطوي وئيد من تقل أحمالي محنيه قامتي .. وهامتي كأن فيها حديد وعينيا رمل العريش فيها وملح رشيد لكني بافتحها زي اللي اتولدت من جديد على اسم مصر. مصر .. التلات أحرف الساكنة اللي شاحنة ضجيج زوم الهوا وطقش موج البحر لما يهيج وعجيج حوافر خيول بتجر زغروطة حزمة نغم صعب داخلة مسامعي مقروطة في مسامي مضغوطه مع دمي لها تعاريج ترع وقنوات سقت من جسمي كل نسيج وجميع خيوط النسيج على نبرة مربوطة اسمعها مهموسة والا اسمعها مشخوطه شبكة رادار قلبي جوه ضلوعي مضبوطة على اسم مصر. |
http://tbn0.google.com/images?q=tbn:.../244Sphinx.jpg قطعوا الأغاني وطارت نشرة الأخبار دارت على كل دار في الكوكب الدوار يا حاضرين اعلموا الغايبين بأنه في مصر اتغير الاسم منذ الآن فأصبح .. مصر ضحك التاريخ ضحكته المشهور بها واندار ودخل مناقشة مع الجغرافيا عما صار هل نعترف بالبيان اللي أذيع العصر أم ننتظر مصر تطرد اسرائيل بالقسر وساعتها تحصل بكل جدارة يوم النصر على اسم مصر. http://jacekphoto.com/egypt/alexandria27.jpg والمس حجارة الطوابي وادق بكعابي يرجع لي صوت الصدى يفكرني بعذابي يا ميت ندامة على أمة بلا جماهير ثورتها يعملها جيشها ومالها غيره نصير والشعب يرقص كأنه عجوز متصابي إنهض من القبر احكي القصة يا عرابي يطل لي رافع الطهطاوي م التصاوير شاحب ومجروح في قلبه وجرح قلبه خطير وعيونه مغرورقين بيصبوا دمع غزير على اسم مصر. مالك سلامتك بتبكي ليه يا طهطاوي قال لك عرابي .. انكسر بسلاح أوروباوي وسلاح أوروبا ماهواش المدافع بس ده فكر ناقد مميز للثمين والغث قلناها ميت ألف مرة ألف مرة بصوت جهير داوي http://www.al-hakawati.net/arabic/Ci...es/egypt1k.jpg بس الحماقة لاليها طبيب ولا مداوي ولا حد م الخلق بالخطر اللي داخل حس الغفلانين اللي خلوا العقل صابه مس قالوا الخطر هو فكر أوروبا لو يندس على اسم مصر. http://www.patdq.com/egypt/images/gallery/8.jpg هل مصر موميا جميلة صورتها فوق النعش يعشقها مجنون ينادي عليها ولا تطلعش هل مصر نار صفصفت والنفخ فيها محال والأرض نشعت على رمادها استحال أوصال سألت أنا الرافعي كان عجٌز ولا بيسمعش لكن عينيه كانوا يحكولي قصص ما اشبعش يقولولي ماتخافش مصر بخير وعال العال مصر الجبرتي ومصر الرافعي حال غير الحال انظر محمد فريد أعظم وأرقى مثال على اسم مصر http://www.megsworld.net/archives/ca...ht%20small.JPGhttp://www.viproyal.com/egypt/cairo2.jpg القاهرة في اكتئاب والأنس عنها غاب من عتمة تدخل لعتمة كأنها ف سرداب أو قرية مرمي عليا ضل هجانة الحظر م المغربية بأمر مولانا ومصر في الليل بتولد والبوليس ع الباب صبية ولاٌدة يابا ولحمها جلاب طلع الصباح زغرطت في السكة فرحانه على كتفها مولودتها لسه عريانه وف لحظة كانت جميع الدنيا دريانة على اسم مصر. على كتفها مولودتها وتجري وتنادي ياولادي من يوم ميلاد الأرض ياولادي ينهض لها امحتب بدواه يقويها وبنتاؤر ينشد الاشعار يهنيها وسعد زغلول يكح يزلزل الوادي وعرابي يهمس ومصر ترد بتمادي تقوله آه برضه ثورة جيش وح احميها بالدم بالروح بكل حياتي ح افديها اما الأسامي معنديش غير اسمها على اسم مصر. http://www.m5znk.com/uploads/288543e629.jpg محلول مركز من السكر في كباية وف قلبه خيط يتلضم حباية حبايه سكر نبات بللورات الماظ بتضوي ضي وتفضل الألماظات تكبر شوي شوي لحد ما العقد يبقى في الجمال غايه ده الحزب في الشعب نضرب به المثل آيه الصلب والسايل الاثنين سوا ياخي تنظيم محمد فريد في كل قريه وحيٌ بللوره بتشع بالثورة اللي يومها جيٌ على اسم مصر |
شكرا على مجهودك الجبار اتمنى نتقدم بجد :mf_popeanim: |
قوميتنا وطنيتنا ,,,, حمادة امام حمادة امام
هههههههههههههههه جميل أوى يا شريف شكرا يا صاحبى و تحيا مصر |
بحبك يا بلدى
:111 (26)::111 (26): |
مشكور علي المجهود الجبار
موضوع رائع |
بص أنا مقرتش بس الصور بأمانة خلتني أقشعر أرفعلك القبعة ( على الصور :naughty: ) :lulu13: |
تحلف علي المصحف انك مش صميده :schnauz: :schnauz:
وتحلف كمان ان الكلام ده جلو بتاعك ؟ وانتا كتبته وانتا مع المزه في الزري اصدي الرشبشن...بهزر معاك الواحد بس بيهيس شويه شكرا ليك |
ايه الجمال ده فنان ولله
|
مش عويدك يعني تعمل مواضيع زي ديه
موضوع جميل كدا احبك:wiggle: |
مصر هيا امى نيلها جوا دمى
|
اقتباس:
ههههه عندك حق __________________ بس إستمر على كدة :lulu13: |
الف شكر موضوع رائع
|
شكرا علي المرور يا جماعه
و ربنا يخلكم لمصر و تحيا مصر و الفول و الاهلي يا عم |
100 100 وتحيا مصر يا عم :111 (4):
|
| الساعة الآن 09:28 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.