|
تقرير عن الانتخابات المصريه 2010
" اهلا بيكم اعزائي المشاهدين " " احم احم احم مشاهدين ايه يا حجه ده موضوع مكتوب " " اه صحيح اعتذر اعزائي المستمعين " " كح كح كح ياستي ركزي شويه " اهلا بيكم اعزائي القراء .. نقدم لكم التقرير الاول ويمكن الاخير عن يوم الانتخابات المصريه الفظيع . في البدايه .. ومع تطور التكنولوجيا الحديثه الفظيع برضه فلابد وانكم كلكم شاهدتم ما حدث لحظه بلحظه ولاحظتم التناقض الفظيع ايضا في نقل الاحداث بين القنوات المصريه والقنوات الاجنبيه ففي حين قالت القنوات المصريه ان كله تمام وان العمليه الجراحيه قصدي الانتخابيه تمت بنجاح تام وباقبال غير مسبوق من قبل الناخبين قالت القنوات الفضائيه ان العمليه فشلت وتقريبا كده اضطرينا نضحي بالام والجنين عشان الدكتور يعيش وان الاقبال كان اقل من العادي ( ولعلك حكمت عقلك عزيزي المشاهد ولاحظت الصناديق الفاضيه التي حرص المسؤولون علي نقلها من مقار اللجان الي المقار العامه للفرز وللامانه فقد كان هناك عدد من الصناديق بها حوالي صوتين ) ومن المثير للجدل موضوع مقتل ابن احد المرشحين المستقلين والذي بررته القنوات المصريه علي انه لا علاقه له بالانتخابات حيث كان الشاب يقوم بتوزيع دعايه انتخابيه لوالده – يوم الانتخابات الصبح – وعاكس شقيقه احد الاشخاص فقتله ؟؟؟!!! " يعني الشاب نازل يعمل دعايه لوالده فانتهز الفرصه عشان يعاكس البنات. ده طبعا بخلاف انه اكيد عاكسها بطريقه غير مسبوقه ادت باخيها لقتله فورا " ومع بدايه اليوم تفاوتت الرشاوي الانتخابيه – التي انكرتها القنوات المصريه – مابين كيلو لحمه او خمسين جنيه الي الف جنيه وموبايل بكاميرا بشرط ان يصور المنتخب نفسه بالموبايل وهو يدلي بصوته لصالح المرشح . ومع رفض الحكومه المصريه للرقابه من اي نوع او جنسيه – مصريه قضائيه منظمات مجتمع مدني وحقوق انسان او اجنبيه علي اساس ان كل واحد رقيبه ربنا – تمت الانتخابات بصوره اكثر سهوله نتيجه الحب المتبادل بين الحكومه والشعب حيث داومت الحكومه علي التسهيل علي الشعب حياته فقرر الشعب التسهيل علي الحكومه كل حاجه وقعد في بيته – رغم ان القنوات الرسميه بتقول العكس – وبذلك سهل علي الحكومه فرز الاصوات الكثيره لانها كده كده عارفه مين داخل مجلس الشعب المره دي . وكل انتخابات وانتم طيبين اشوفكم فى الاعادة :sad1::sad1: |
اشطا يا ابو نسمه
مستنيك فى الاعاده :bleh::bleh: |
ههههههههههههههههههه جميل ولله
وحشنى يا ابو نسمه:inlove: |
ههههههههههههههه
تصدق فقعتهالي .. انا كنت فكرك بتتكلم جد .. |
شكــلك فـاهم يـابو نـسمه :yes:
|
ههههههههههههه يا تقاريرك
|
انا ماسك لجنة فى الانتخابات عندك حد نصوت علية
|
هههههههههههه
|
هههههههههههههههه
مستنيك في الاعاده .. يا ابو نسمه |
كود بلغة HTML:
اشوفكم فى الاعادة |
مش من الغريب إن يكون الإخوان المسلمين كانو واخدين 135 مقعد في المجلس إللي فات و المرره دي ولا مفعد؟ !!!
انا ملاحظ إن الإخوان المسلمين هما الصح و هما التمام ... انا لمما اجي اكلم ناس على الإخوان يقلولي دول معاهم اسلحه و إبعد عنهم !! .. إيه الهبل ده ! انا عن نفسي هتكلم عن إنتخابات المحله الكبرى عشان دي بلدي .. و دي كانت تاني اسخن إنتخابات على مستوى الجمهوريه ...............>...................>.............. .....>..................> المفروض إن إحنا لما نيجي نعمل مؤتمر للمرشح لازم ناخد تصريح ... اخدنا التصريح جينا بليل لقينا المكان مترشق امن مركزي و سيارات مصفحه و ظباط بالهبل و مخبرين بالعبط...و مخلوناش نعمل المؤتمر... طيب ليه؟ ..عشان الناس متسمعش و تعرف إن دي هيا الناس الصح و هوا ده إللي كان بيعمله كفار فريش ^^... كانو بيمنعو الرسول إنه يتكلم عشان هوا الصح المهم... عملنا مسيره إحتجاجا على لغي المؤتمر.. الحمد لله طول المسيره إحنا كنا واخدين طريق و الامن المركزي كان بيجري عشان يمنع المسيره و إحنا نجري لغايه لمما وصلنا لمكان بعيد ضربو علينا رصاص مطاطي و قنابل مسيله للدموع و ضرب عادي بالعصا...(انا كلت ضررب) :) مع إنهم عمرهم ما يعملو كده مع مرشح حزب وطني و دا حصل في مسيرات كتير و يوم الإنتخابات والله لمما عاشرت الناس دي عرفنا إن هما الصح إللي عايز يشوف إللي حصلنا يخش على ال YouTube و يكتب كده : sehosiny2010 و شوفو المهزله و ده كمان موقع الغربيه : http://www.gharbiaonline.com يا رت إللي يخش و يشوف يرد على ردي دا و لكم جزيل الشكر |
يا عينى عليك يا دانس سوورد .. مش كده بردوا مش احمد عز الحرامى الاخوان احسن مليون مره كفاية انهم بيخافوا من ربنا مش الحرامية اللى مش مؤنمنين بوجود اله اصلا ..
|
| الساعة الآن 11:31 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.