الموقع العربي الاول للعبة Silkroad Online - طراطيش كلاااااااااااااااام

طراطيش كلام

بقا حال الدنيا يستعجب منه الانسان
من كتر الحزن أل شافه من الاهل والايام
وسنين المر بيعشها ويكسر جسر الأحلام
ولا جاب شقة ولا أتجوز ولا لاقى شغل كمان
لا لا مش تشغلو بالكو دى طراطيش كلام

وندالة تفاجئ بيها من صاحب عاش ليك زمان
ودلوقتى بقا همة الدنيا ويسيبك ف بحر الاوهام
ويشمت فيك أعداءك وال بيكرهوك كمان
ماهو حال الدنيا مش ثابت وكفايا غدر الخلان
لا لا مش تشغلو بالكو دى طراطيش كلام

وحبيب يبيعك ف لحظة ويسيبك وحدك غرقان
فى وهم عشتة معاه وتتعذب ف نار الفرقه كمان
ما هو من خبتك يا معلم أخلاصك مجاش ع بال أنسان
ف يوم قالك بحبك يا خسارة الحب أل كان
لا لا مش تشغلو بالكو دى طراطيش كلام

وده شاب عايش ف الدنيا بالعرض او بالطول
يسرق وينهب ويخرب ويبوظ باقى العقول
ويعاكس البنات المحترمة وأل مش محترمة كمان
ماهى قلة ادبه زادت ولا اتربى يوم من الايام
لا لا مش تشغلو بالكو دى طراطيش كلام

وتلاقى البينت ف الشارع من الصبح لاحد السحور
تدلع ع الشباب وتتعاكس وتقول : يا سم
ماهو لازم الكل يعاكسنى ده كفايا الحلاوة ولا خفة الدم
ونسيت إن السمعة للبنت أهم وأهم
لا لا مش تشغلو بالكو دى طراطيش كلام

نيجى بقا لعالم الموضة أل لحست العقول
نجلجل الشعر ولا نطولة ولا نسقط البنطلون
طب ألبس جيبة قصيرة وأفتحة فتحة من الجنب
ولا أسيب شعرى او أطلع خصرة ع الخد
لا لا مش تشغلو بالكو دى طراطيش كلام

ده كلام عادى ياريتكم تاخدوه محمل الجد
تخيل لو مت دلوقتى يبقى أيه الكلام يا بوبـ
عندك رصيد من الثواب ولا هتشتريلك كام سهم
بس خلاص شطبنا لان ف دنيتك لم تهتم
لا لا مش تشغلو بالكو دى طراطيش كلام

كلامى كان واضح وسليم
عشان يفهمه العاقل وأل مخه طخيــن
ولو أستهبلتــ وعملت فيها عبيط
صدقنى هتندم لو مش دلوقتى يبقى قدام يا تيتــ

من كتباتى