|
القصيدة رقم (2) و يهمنى رأى كل واحد فمتبخلش عليا برأيك
بسم الله الرحمن الرحيم على فين رايحين يا شعوبنا العربية استكفيتوا اهانة و بهدلة ولا بتحلموا بالحرية لاكن هتيجى منين الحرية عمرهم معلمونا فى المدارس ازاى نطلب حقنا ولا اتعلمنا ازاى ندافع عن حلمنا طول عمرنا بنتعلم ان نكون طوع ارادتهم والا نخرج من طوق عبائتهم طول عمرنا بنتعلم ازاى نكون ساكتين و نترعب من السياسة لنبقى مجرمين بقى احنا الى مجرمين طب الى يزرع فى ولادة الغباء ويقتل افكارهم يبقى احنا بردوا الى مجرمين طب و الى يضعف عزيمتهم و يقتل احلامهم يبقى احنا برضوا الى مجرمين والله دة يستاهل دفنة فى الطين يبقى متزعلوش لما نثور على النظام و نردد هتافات ضد الحكام ماأنتوا لو كنتوا علمتونا ازاى نتفاهم ازاى نتناقش كان بقى فى بنا حوار مانتوا الى سبتونا جهلين ماهمكوش نبقى متعلمين او متحضرين ما دمنا بعيد عن كراسيكم و مابنتكلمش عن بلاويكم و بنرضى بمن ايديكم يبقى متفرقش جاهلين ولا متعلمين عايشين فى تخلف ولا متنورين ما انتا لو علمتة ازاى يثور على الفساد مكانش خرب و كسر و خلى البلد رماد نسينا كلام الشعراوى لما قال الثائر الحق من يثور على الفساد ثم يبنى الامجاد لاكن هتيجى منين الامجاد لما شعب يثور على حاكم فسدان ويرحب مكانة بالامريكان ولما شعب يثور على اهل السنة و الاسلام ويطلب من الشيعة حكام و لما شعب يمشى ورا قرارات اولاد مينفعش معاهم تفاهم و مصرين على العناد و نسيوا جيشهم الى بشهادة المصطفى خير الاجناد و تقولى نبنى الامجاد منين تيجى الامجاد و شعوبنا غرقانة كل ما تفوق تلقى نفسها فى دوامة لعرفت تبنى ولا عرفت تعمر ولا عرفت حتى من نفسها تغير لسة وسط الزبالة عايشين وعلى طباعهم مكملين ولا عمرهم فكروا ان يجى اليوم و يتغيروا سأترك قلمى و اكف عن كتابة الاشعار حتى تغير الشعوب من نفسها لاعود و اكتب تاريخ جديد لها و لامجادها . و الله العظيم يا جماعة القصيدة من تاليفى و مجهودى الخاص و ياريت الكل يقول رأية بكل صراحة لمشاهدة القصيدة الاولى من هنا |
احب اكون اول واحد رد بجد انت موهوب بس ملحوظه : في السطر التاسع من القصيده : و نترعب من السياسة (لبقى) مجرمين اعتقد انك كان قصدك تكتب ( لنبقى ) ! |
:angel_not:
جميل والله تسلم ايدك |
اقتباس:
اولا بجد شكرا ليك على ردك الجميل و ياريت متكونش مجاملة ثانيا ملحوظتك عندك حق ودى فعلا غلطة و انا بكتب و جارى تعديلها |
جامد
|
تسلم يا عسل
|
لو شلت كلمت ( ان ) من السطر السادس او حطيت مكانها اننا
وفي السطر السابع ( والا نخرج ) بدالها مانخرجش يكون افضل بس انت موهوب لكن عايز تمرينات كتير |
تسلم
|
القصيدة جيدة ولكن يفضل ان تستخدم اللغة العربية الفصحى حتى يكون لشعرك معنى جميل.الموهبة داخلك و لكن بقى عليك حسن توظيفها
|
فنان يا باشا ^^
|
بجد با جماعة انا مبسوط من الردود و التعليقات جدا و ان شاء الله فى واحدة تانية قريب
|
تماموز
|
شكرا يا مان
|
فنان
|
بجد مبدع .. بس أكييك أكييد أنتا بتسمع لـ هشام الجخ كتير ^.^ مش عيب أنك تاخد منو كلمات أو طريق بس حاول متكترش منها بس 5 نجوم برضو |
| الساعة الآن 07:36 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.