|
تهويش ,,,
وبيعلنوا القصف واول مدينه هتتقصف ذاتنا كوباية القهوه اللي مابين صوابعي بتترعش حزن هيوحشها التماسي ترجي الشفايف تديها كام ساعه قبل انفصال الواقع المحسوس عن الحياه وبيبتدي ذهولي واستعارتي للنواح من بين شفايف الامهات لحظة وداعهم للامل وبيرتجف ضوء القمر ويشك في امانه المفتعل ف يفرق المراسيل للعاشقين حضن الحياه الحقوا لموا كل المشاعر في الالم صدقوني هتحتاجوها في الساعه دي كان وقوفي للمشاهده هو ده الشيء الطبيعي وانتظاري للحدث معرفش ايه نوع الحدث بس متأكد ان فيه زنقة حياه هتبعتر الاحياء هتخلي كل الكائنات تبقي بشر يتخانقوا علي البيع بيع الخطاوي الطيبه ف حضن الوطن بيع الحكاوي الاغنيه بين الضلوع بيع مش بكام ولا مين بيدفع التمن بيع للتخلص منهم واحشاهم اللذه القدره علي القرارات جايز غلط جايز غلط بس احتمال ان دي اخر نهايه بيكتبوها بخطرهم كل البشر بعض البشر فاتحين ضلوعهم للذخيره الاتيه علي قد شوقهم للحقيقه الكامنه خلف الستار جهل منهم فين يكون مهد الدمار مين يكون اول وداع بس الغموض بين سطور الاحجيه لساه مقالش ولا بيان فاتخيلوا المشهد ناس تدهوس علي الغيطان وبيخلعوا ضل النبات يسقيهم الضلمه اللي احيانا تساعد انهم يتسرسبوا وناس تعري ضهرها لاجل الوشوش متتكشفش وناس بخوفها وعجزها بيجمعوا الانفاس وبينبشوا القبر في محاوله منهم للحياه واللي يتبرع بروحه لاجل اما تنبت صخره هتساعد الجنس الرقيق يبني بيوت يتداري فيها لاجل يبقي همه واحد وبيبتدي سيناريو منافي للواقع منافي للاعلان كان السيناريو فكرته انه يجرب طعمنا بعد انتظارنا للفراق او بعد موت الابريه لحظة خناق |
روعة روعة
|
روعة :flag_italy:
|
جميل :( |
كلام جميل يا واد
بس محتاج شوية تنسيق :laughing1: |
والله شديده اوي اوي..بس نصيحه:المره الجايه حطلي ترجمه :mf_rudolph::mf_rudolph:
بس بجد جامده |
:rm_fish::rm_fish:
جامد الكلام يا واد تسلم |
كلام جميل
تسلم |
أحبك و انت بالتوبيكات دى :icecream:
شكـراً يا معلم |
شكلك فاهم يانصة:icecream:
جامد بس مش فاهم دة شعر ولا نثر:flex: |
نثــر
مشكــورين يـا شبــاب ^_^ |
شكرا للكلام ده
|
روعة يا واد
بس و حيات عنيك تنسقة عشان شكلة يبقى حلو |
روعة :)
|
تسلم
|
| الساعة الآن 04:46 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.