|
مـــ ,,,,ـــــستـــورة
الحمد لله مستورة و ماشية بس مقطورة و الأعمى شايف الصورة الكل بيدفع فى فاتورة للى نهب و اللى ارتشى و اللى بالأسرار فشى و سابنى ابات من غير عشا و قاللى مات اللى اختشى صبحت فاصل من الفيشة و شاطر العن العيشة و اللى على راسهم ريشة خلعوا البرقع و البيشة بفساد يكسر الهمـة و خيـل بيجرى فى الذمـة و مجـلس لابس العمـة فالتطوير بقى وش جير و التنمية رصف و تشجير و الطب حنة و زيت جرجير و اليافطة بيع و مفيش تأجير بيع لدواعى السفر باعها الشيطان اللى كفر دول معروفين بالنفر بس معاهم شيخ غفـر و طالبين تعيين سجانين و ترزى و طباخ و عجانيين و رؤساء تحرير للجرانين اللى ضحوا بالأم لأجل الجنين و لو انتى شاطرة و الأولى طب ليه ايديكى مغلولة و فاضية و عنى مشغولة صبحتى امنا الغولة فبعتى الناس الكسيبة الرقاصات و اللعيبة و رجال الأعمـال حبيبة شيـاطين بسبحة و زبيبة ادونى حزن من غير كرب حبة شتيمة شبعت ضرب لو نص كفتة و ربع طرب انا اروح فداكوا بس فى حـرب عـالأقـل اموت شهيد زهقت من سوق العبيد من غير لا خبط ولا تهبيد ما ترشونا بأى مبيد هى السياسة اعلانات كلمونا بلاش رنات مش عايزين تكسبوا حسنات ؟! ماعندكوش اخوات بنـات ؟! سرقتوا منى المحفضة و جيوبى فاضية منفضة لو زعلانين من الفضفضة يبقى انتو خلق من الفضـا |
ما شاء الله عليك .. مبدع انت الي كتبتها ؟
|
جامده جامده أوى
والقافيه جميله أوى |
سمعتها في فيديو قبل كدة :character38::character38:
|
تسلم يا حبى
الفن شىء جميل |
دى قصيدة الفيديو بتاع مرشح الجمهورية بس جامدة
|
جامد اووووووووووووووى تسلم ايديك بجد
|
تسلم
|
شغال
|
:character38:
تسلم |
شكـرا عـالردود الجميـلة يـا شبــاب :)
|
انا شفته فى الفيديو بتاع مرشج رئيس الجمهوريه ده قبل كده بس والله جامد تسلم ايدك |
أصلـــــــ،،ــــى
|
تسلم على الكلام الجميل ده و ارجو انك تسمع الاغنيه الى فى توقيعى
|
تسلم |
| الساعة الآن 10:08 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.