تهريج بيحصل في المنتدى
 

السلام عليكم ورحمة الله وبركاته
انا لاحظت ان في المنتدى مواضيع يعني ممكن تكون مكررة او منقولة عادي لو مكرر ممكن صاحب الموضوع ميكونش عارف.
المهم اللي يغيظك ان يجيلك واحد داخل بالعرض ويقولك
مكرر
يغلق#

او
مخالف
يغلق#
احب اقوله:حضرتك مشرف؟
حيقولي: لا
اقوله: طب طلاما حضرتك مش مشرف بتعمل الحركة الباردة دي ليه انتا يا تقول رد حلو يا تسكت
يقولي: منظر القسم و....و....
اقوله: انا عارف ان معظم الناس بتعمل كده عشان تعمل نفسها منظمة ولما ترشح نفسها للإشراف الناس تقول عليها كزا وكزا وبعد ما يبقى مشرف تلاقيه منفض للقسم خاااالص
واقوله تاني: مش في برضه في كل قسم موضوع مثبت للإبلاغ عن المشاركات المخالفة
يقولي: اه طبعا
اقوله: خلاص روح بلغ عن الموضوع او كلم اي مشرف وهو يتصرف مع صاحب الموضوع لكن حضرتك متعملش نفسك كبير والكلام ده ده انا حذفت مواضيع بسبب الحركة اللي بتغيظ دي
حيقولي ايه بعد كده
ما اظنش انه يقول حاجة حيسكت
فأرجوكم يا جماعة متدخلوش بالعرض زي ما قلت وتقول الكلام ده
يا اما تبلغ عن الموضوع او تكلم المشرف
لأن حضرتك مش مشرف لما تبقى مشرف يبقى تيجي ونتفاهم مع بعض
ارجوكم بطلوا الحركة دي
وشكرا