|
يوميات شاب ملتزم (الحلقه السادسه)
http://www4.0zz0.com/2011/07/03/20/175925220.gif
بدون مقدمات وصل صاحبنا المستشفى ودماغه كالعادة ستنفجر من الأسئلة وذهب إلى رقم الحجرة التى أخبره بها الطبيب فى التليفون فوجد الطبيب يخرج منها عبد الرحمن : إيه أللى حصل يا دكتور ؟؟؟؟؟ الطبيب : أنت عبد الرحمن عبد الرحمن : أيوه أنا إيه إلى حصل ؟؟؟؟؟ الطبيب : تعالى معايا لو سمحت دخل كل منهم حجرة الطبيب ثم الطبيب : أنا آسف جدا لكن أنت لازم هتعرف للأسف ثلاثة من أصحابك أللى كانوا راكبين العربية أعتقد أن اسمائهم محمود ، طارق ، رامى للأسف كانوا سايقين بسرعة جنونية وأعتقد أنهم حاولوا يتفادوا أحد بيعدى الشارع لكن العربية أتقلبت بيهم وأدى لنفجارها ولحسن الحظ محمود قدر أنه يخرج من العربية قبل ما تتحرق لكن حصله نزيف داخلى حاد واضطررنا لبتر يده وفقد دم كثير عشان كده كلمتك لأننا لم نجد معهم ما يدل على أهلهم وطارق فى العناية المركزة وحالته خطرة لكن للأسف رامى لم نستطع إنقاذه إنا لله وإنا إليه راجعون لم يقاطع عبد الرحمن كلام الدكتور طوال حديثه لا يعرف ماذا يقول وماذا يجيب منذ ساعات فقط كان معاه كان بيسمع صوته بيهزر ويضحك لكن فجأة يموت يموت ولا يعلم عنه شىء يموت بهدوء بدون كلام بدون مقدمات عاودت التساؤلات إلى ذهن عبد الرحمن ثانية ياترى لو كنت معاهم كان إيه إللى هيحصل؟؟؟؟؟؟؟؟ ليه سبتهم ؟؟؟؟؟؟ ربنا نجانى ؟؟؟؟؟ ليه رامى بزات أللى مات ؟؟؟؟؟ ليه محمود إللى يده تتقطع أشمعنا مكنتش أنا ؟؟؟؟؟؟؟ قطع أفكار عبد الرحمن قول الطبيب : أنا آسف لكن هذا قضاء الله لكن أحنا محتجينك ضرورى لأنقاذ محمود ممكن تيجى معايا لتتبرع بالدم عبد الرحمن : أه طبعا وعاد يفكر قدر الله ............ يعنى هو أللى مخطط لكل ده هو إللى مشانى ........... هو إللى قدر لرامى أنه يموت طب أشمعنه أنا إللى أنجو من بينهم ذهب صاحبنا للتبرع بالدم وأعطى الدكتور أرقام تليفونات كل واحد منهم وبعدها عبد الرحمن : طب يادكتور إحنا ممكن نزورهم أمتى الطبيب : محمود ممكن بكره أو بعده لكن طارق على حسب حالته عبد الرحمن : طيب أنا ممكن أروّح البيت دلوقتى وآجى أزوره بكره إن شاء الله الطبيب : قصدك تيجى النهارده الفجر ناقص عليه خمس دقائق نظر عبد الرحمن فى ساعته فهو لا يعرف متى يؤذن الفجر نزل صاحبنا من المستشفى وإذا بصوت لطالما غفل عنه لطالما تجاهله صوت الأذان الله أكبر ........ الله أكبر الله أكبر .......... الله أكبر أشهد أن لا إله إلا الله .......... أشهدُ أن لا إله إلا الله أشهدُ أن محمداً رسول الله .......... أشهدُ أن محمداً رسول الله حىّ على الصلاه ......... حىّ على الصلاه حى على الفلاح .......... حىّ على الفلاح الله أكبر ........... الله أكبر لا إله إلا الله هل سيدخل عبد الرحمن أم سيعود لينام كما نام من قبل أم كانت اليقظه هذه المرة أكبر من ذى قبل الأحداث تلتهب |
الأحداث تلتهب
انتا هتقلى هيا تلتهب و احنا نلتهب و انتا تقف تتفرج علينا |
إيه التشويق ده يا معلم
بس هو أكيد هيدخل يصلى وفى إنتظار الجزء السابع |
والله انا حتجنن
|
:icecream::icecream:
ما تكمل ياض علطول :teehee: |
مشوقة اخر حاااااااجة
|
ماشى
|
بتشوقنا يا عم :icecream:
جامد اوى دى بس متنزلش بالجزء السابع النهارده عشان انت عملت ال 3 مواضيع خلاص :D |
العفو
|
يابني كل حلقة في يوم علشان يبقي حلو
|
مش هاقول غير عاوزين السابع يا اما.......................:icecream::icecream: انتا فاهم
|
روعة
|
يابنى حرام عليك كل مرة تسيب الحلقة كداا انت معندكش اخوات بلستيك :icecream::icecream:
على فكرة اذان الفجر بيبقى فية الصلاة خير من النوم مش بيبقى زى بقيت الاذانات |
| الساعة الآن 08:55 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.