الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   قـسـم الـ SroKing Bot (https://silkroad4arab.com/vb/forumdisplay.php?f=110)
-   -   مشكلة كبيره اوى اوى ممكن حد يساعدنى (https://silkroad4arab.com/vb/showthread.php?t=367612)

الشاب كوكى 18-07-2011 09:10 AM

مشكلة كبيره اوى اوى ممكن حد يساعدنى
 
يا اخوانا انا عندى مشكلة انا طالب فى ثانوية عامه و المصيبة اللى عملها موقع مصراوى
انك تعرف النتيجة بالاسم مأزمانى ازمة كبيره اوى انا بجد قلبى بيوجعنى و مش عارف انام من الخضة

دلوقتى اى حد ممكن يعرف نتيجتى حتى قرايبى اصل احنا مش قايلين لقرايبنا و قايلين جايبين مجموع عالى اوى
بس انا جايب 80% .. مجموع وحش

فكده ممكن يعرفوا و يقولوا علينا كدابين

ممكن حد يساعدنى فى المشكلة دى انا بتكلم بجد لان انا متأزم ازمة كبيره

انا راسلت الموقع ستميت مليون رسالة و لسه محدش رد عليا
اعمل ايه ارجوكم ساعدونى

Tau 18-07-2011 09:20 AM

مفيش حل غير انك تهاجر :d

مفيش حل يا صحبي

الشاب كوكى 18-07-2011 09:34 AM

انت بتهزر ده انا بعيط بالدموع

الشاب كوكى 18-07-2011 09:37 AM

اللى ميقدرش يساعدنى يدعيلى ربنا انا بدعى من امبارح ده عذاب من ربنا كبير اوى

EmptySentinces 18-07-2011 09:45 AM

أسمع منى مفيش أحسن من الحقيقة متستاناش لما هما يعرفوا روح أنتا قلهم و ربنا هيسهلها معاك أن شاء الله و متعملهاش تانى و أديه درس أنتا أتعلمته الكذبة لازم تتكشف فى يوم من الايام و ربنا معاك أرجو أنك تحاول تاخد بنصيحتى

الشاب كوكى 18-07-2011 09:52 AM

انا مكذبش امى هى اللى بتسحبت من لسانها و كذبت و المصيبة اضطريت اكذب عشان ادارى كذبها ..
و انا دلوقتى فى بيتى و حاليا مشفتهمش من فترات طويلة و ممكن بقيت عمرى مشفهمش تانى ..
بس انا حزين

Tau 18-07-2011 09:53 AM

اسف لاكن انت الي حطيت نفسك في الموقف دا
ان شاء الله هتلاقي مستقبل مشرق
متقولش انك فشلت و خلاص انتا لو عايز تبقي حاجة هتبقي خلي املك كتير

ربنا معاك

الشاب كوكى 18-07-2011 09:55 AM

اقتباس:

المشاركة الأصلية كتبت بواسطة nuker_man (المشاركة 3667376)
اسف لاكن انت الي حطيت نفسك في الموقف دا
ان شاء الله هتلاقي مستقبل مشرق
متقولش انك فشلت و خلاص انتا لو عايز تبقي حاجة هتبقي خلي املك كتير

ربنا معاك

انت بتقطم فيا ارجوك حس بيا و الله انا بعيط بالدموع و مش عارف انام ساعتين على بعض من كتر الخضه و الخوف
هم ممكن ميدوروش بس ممكن يدوروا

انا خلاص من يوم ما اتولدت و انا الدنيا بتلاعبنى مصارعة و عمالة تغلب فيا انا من كتر ما تعبت فى حياتى بقيت بقول يا رب موتنى و خلصنى من الدنيا و لو ليا جنة عشان بصلى و بقل لا اله الا الله مش عايزها بس ارتاح:elvis:

ahmedmazin 18-07-2011 02:24 PM

لو الكذب بينجي الصدق احسن بكتير

™~BlackSpeeR~™ 18-07-2011 02:33 PM

بوص هما عشان يجيبو درجتك لازم يكتبو اسمك زى مل لنت كتبو فى الورقة ..


ف لو انت مطول فى الاسم مش هيعرفوا يجيبو الدرجة

U Are Mine 18-07-2011 03:34 PM

أولـاً مـبـروك

ثـانيـاً روح قـول الحـقيقـه لـقـرايبـك أحسـن

ثـالثـاً ليـه كـدبت عـادى مـفهاش حـاجه و الله

ربــنا مـعاك

ahmd2010 18-07-2011 03:59 PM

بص الكدب ملهوش رجلين
وبعدين مكسوف من النتيجه ليه ده نصيبك وربنا كاتبلك المجموع ده
و اعترفلهم و اتاسف و قولوهم انك اتحرجت تقولهم على المجموع و بعدين مش هيموتوك

Mr.V.I.P 18-07-2011 06:40 PM

يابرنس مافيش حل وبعدين مين قالك ان 80% دة وحش ؟؟ دة في ناس بتحفي علشان تجيب 50% بس بالعافية

انسي بقي هم الثانوية وبص لاجازة و انشغالتها وأرمي دة كله وراء ظهرك وبعدين مش هم لزم يكونوا عارفين رقم الجلوس علشان يجيبوا النتيجة من الموقع ؟


الساعة الآن 04:33 PM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.