الموقع العربي الاول للعبة Silkroad Online - .•°•.ܔ• [ الــــشــــاطـــــر و الـــــفـــــاشــــل ] •ܔ.•°•.

- بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)

.•°•.ܔ• [ الــــشــــاطـــــر و الـــــفـــــاشــــل ] •ܔ.•°•.

بسم الله الرحمن الرحيم

.•°•.ܔ• [ الــــشــــاطـــــر و الـــــفـــــاشــــل ] •ܔ.•°•.

في الموضوع ده ححاول أوريك علي قد ما اقدر الفرق بين " الفاشل و الشاطر "

الفاشل " زي و زيك و زي ناس كتير " :

ليه نوعين :

1 - نوع عارف أن هو فاشل " سواء هامه أو مش هامه "

2 - نوع تاني مش عارف ان هو في مدارس اصلا :))

و برده الشطار ينقسمو الي نوعين :

الشاطر " الي فاهم " و دول من الأنواع المنقرضه , يكثر تواجودها في المرحله الابتدائيه , و ينعدم تماما في الاعداديه , و ينقرض خاااالص في الثانويه :))

و الشاطر " الي حافظ " و دول مرطرين في كل حته , تقريبا بنستوردهم من الصين :))

-----------

عقليه و تفكير

- الأولاني , انا فعلا موهوب , ممكن اسافر بره " عند أمك طبعا " و أدرس هناك و اشتغل حاجه محترمه , علاقتي بصحابي كويسه جدا " الفاشلين الي زي حالتلي " , بطولات في البلايستيشن , مثقف جدا , و ليا انتماء سياسي كمان , فني محترف و بشوف افلام اجنبي من غير ترجمه كمان :)) لكن للأسف دايما ناقص 5 درجات في أمتحان المستوي الرفيع , و التخين , بقري روايات عالميه , لكن للاسف ضايع مني درجه سؤال القراءه في العربي , باجي ببنطلون خارجي " أو شاكلو حلو بمعني اصح " , لأن الي لامؤخذه " مخيط " بنطلون المدرسه , مخليه ايا كان وزنك أو شكلك يخليك نسخه من شوال البطاطس , و بعدين انا مش شايف اني لو غيرت في لبس المدرسه شويه مش هيأثر علي مستويا الدراسي يعني " الي هو في أنحدار اساسا " استاذ تاريخ , قاري عن حروب و بلاد يمكن الي حاطط الكتاب نفسه ميعرفش عنها حاجه , لكن للأسف درجه التاريخ محصله بقيت صحابها :)) , للأسف محدش عارف عني حاجه , و كلهم فاكرني الفاشل الي مبيفهمش , محدش فكر يتكلم معايا , يشوفني بفهم فـ أيه , كلهم مؤمنين اني معنديش موهبه , و انا مؤمن اني معنديش فرصه , بفكر اسيب بصمتي في العالم , اعمل حاجه الناس تفتكرني بيها , ميهمنيش اجيب كام في امتحان الفيزاء بتاع بكره , الهيافه الي بناخدها ديه , بالنسبه للبنات بقي , أحم أحم , عايش و مقضيها , مصاحب , و ليا بدل البنت عشره , دمي خفيف و بيحبوني , انا صايع و ضايع

-----------

- التاني , انا متميز , و الي يقول عليا غير كده يبقي حاقد مني و من شطارتي , حبيب المدرسين , اي حوار معاهم , اشي شيل شنط , و شيل كتب و تنضيف كراسي , قاعد في الصف الأول عشان القاعده التاريخيه الي بتقول (( القاعد في ألاول بيشوف كويس )) " مع ان التجارب اثبتت انك هتشوف من اي مكان في الفصل لو بطلت بحلقه 24 ساعه في الكتب " غش .. انا اغش في امتحان , انا بتأكد بس " الامانه لله في نوع منهم مبيغشش خالص " , لبس خارجي .. انت عبيط ولا ايه , لبس المدرسه , ابقي طالب ملتزم و بأحترامي , لابس جرافته 24 ساعه حتي في الفسحه , الي طبعا باكل فيها , امال اكل من تحت الدسك ولا ايه , بحط نفسي علي السيلنت في الفصل , الا طبعا مع المدرسين , ممكن اخد و ادي معاهم بالساعات , اصل المدرس ده رسالته عظيمه " ابو 475 جنيه و ميستحقهمش و بيدرس منهج أهبل رسالته عظيمه " , بالنسبه بقي للكومبوتر و الالعاب بقي طبعا قاعد علي الكومبيوتر , ساعه يوم الخميس , بلعب طبعا نييد فور سبيد " مع الاحتفاظ بحته البلستكه قدام الشاشه عشان نظرك " :)) بعون الله الأول علي مدرستي , مين يهمه حافظ ولا بدح ولا مش بدح , ده اسمه اجتهاد و معرفه , العبره بالنهايه , الـ80% مش هتدخلني طب ولا هندسه ( حلم أي اب و أم ) , بالنسبه للبنات بقي , أحم أحم , طبعا معايا كل يوم قبل امتحان , بنراجع سوا , ان شاء الله ابقي دكتور

-----------

عرفتو بقي مين " الشاطر و الفاشل " ,الموضوع مش مضحك , الموضوع مبكي :disgust:

أريحك من 30 سنة أتلغت حاجة أسمها الشاطر أو من الأوائل بقا أسمها الأول داه ألي بيجيبل 97% في الثانوية العامة مش لاقي ولا جامعة تقبلو داه ألي كان بيخش طب من 50 سنة كان أكتر مجموع بيتجاب 70-80%
يعني ألي مش الأول خايب و أبشرك أنا أولهم ^^

بردو يا عم شريف دة مش منظور نشوف بيه لمستويات للتفوق

يعني مش شرط إنه يلبس الزي المدرسي أو يكون حبيب المدرسين بس عندة أخلاق طبعا

أة و مش لازم يقعد علي الجهاز ساعة واحدة أو يحط بلستكة ع الشاشة عشان عينة

انت بتتكلم فى حاجه تغم الصراحه

يعنى مثلا انا زى ما انت قلت فى ابتدائى كلهم بيقولوا عليا كنت مبدع عشان كنت فاهم حاجات هيفا

جيت فى الأعدادى نص نص جيت فى الثانوى مش عارف اذاكر كمياء عشان ايه كلها حفظ

مفيش فهم وعاوزينى اجيب مجموع وحاجه قرف والكمبيوتر بالنسبه ليهم وباء مش عارف فيه ايه

وحاجات كتيره تغم وكل شويه

ذاكر احفظ

مفيش افهم خالص

ده انا بسأل المدرس يقول ليك كده وخلاص هيا كده

اقتباس:

الشاطر " الي فاهم " و دول من الأنواع المنقرضه , يكثر تواجودها في المرحله الابتدائيه , و ينعدم تماما في الاعداديه , و ينقرض خاااالص في الثانويه :))

ينقرض ايه بس يا معلم مش بينقرض ولا حاجه

و حلوه البلستكه دي و النبي مين دلوقتي بيحطها ؟

:sweatdrop:

لكل مجتهد نصيب يا عم شريف

انا لعلمك مبزكرش غير قليل اوى و بروح بلبس مخالف و لعلمك كمان مبروحش بقميص المدرسة و كل يوم بعد المدرسة فى البلاى ستيشن و فى الاخر بجيب 90% - 95% و من غير غش يا عم انا اللى قاعد ورايا فى الامتحان و القدامى بيجيبوا فى حدود ال 60% - 70% طول عمرى بعد جنب ناس فشله بس لعلمك برغم اللى بعملوا انا مش فاشل فى الاخر بجيب مجموع برضوا اه صح نسيت اقولك انا بعد ورا خالص :mfr_lol::mfr_lol:

لكل مجتهد نصيب

المشكلة ان الواقع انك لازم تحفظ مش تفهم و لو انت محفظتش هتلاقى نفسك جايب درجة نيلة
و كدة هتلاقى نفسك ضعت

انا حاسس اني بكلم اطفال والله :))

بص انا هقولك على حاجة انت عندك حق انا مش هتكلم عن نفسي عشان كلوا بيقول بتألف وهيحاول يكدبني بأي طريقة _ المهم ان التعليم بقى كده ولو خلينا التعليم قدام الطالب مش حفظ وبس هنلاقي مواهب كتيرة وناس ذكية فعلا بس الموضوع موضوع تعليم وبيئة اجتماعية بس كل دي احلام طبعا :cheezy:
وبالنسبة لموضوع ان انت بتقول انك بتكلم اطفال ليه بقى يا حضرة ؟؟؟؟؟؟؟؟؟؟؟؟؟

لكل مجتهد نصيب

اقتباس:

وبالنسبة لموضوع ان انت بتقول انك بتكلم اطفال ليه بقى يا حضرة ؟؟؟؟؟؟؟؟؟؟؟؟؟

عشان الي بيقول " لكل مجتهد نصيب " يبقي معداش ابتدائي , أو في مدارس أنترناشونال , أو عايش بره
و عشان انا في المنتدي ده بقالي كتير , بقول انها أول واحده :)) , مع أحترامي للأ طفال طبعا :))