|
للقلش و التهييس......بس!!!!..اتفضل معانا
أنا النهارده جايب لكم توبيك تحفه يواكب تطورات العصر التوبيك متوقف على كلمه (قلش) الكلمه اللي ظهرت في الفتره اللي فاتت وللي ميعرفش معناها القلش هو الحاجه اللي مبتضحكش خالص وانت بتقولها علشان تخنق ع اللي قاعدين معاك وغالبا بتبقى في صوره نكته بايخه او فزوره سهله جدااا او تعليق سخيف على حاجه تافها وكده ،اتمنى تكونوا فهمتوا قصدي !!!!!!! التوبيك دة هيبقى لاى حاجة ليها دعوة بالقلش..الفقع..التهييس...الدماغ الضاربة واحد يخش يكتب اى قلشة ع بالو التانى يقلش عليه مثلا ممكن تكتب حتى حاجة ملهاش معنى اصلا و واحد يقوللك يااااااااه معقول؟؟ احنا عايزين محدش يضحك ممكن لو عايز تكتب (نكتة رخمة)...(فزورة رخمة)....او حتى (قلشات بس) (من غير ما تكون ف نكت او فوازير حقيقيه) ناخد مثال واحد مثلا هيقول فزورة فيها قلش زى دى مثلا ليه بتوع مانشيستر يونايتيد بيناموا بدرى؟؟ الحل..عشان عندهم سكولز مثال تانى لواحد عايز يهيس بس.. يقول مثلا مش الواد عبد الجليل اللى ساكن ف العمارة اللى قدامنا خطب امبارح؟؟ تلاقى الرد...ايه دة والله؟؟ الفين مبرووك محدش قاللى يعنى..بس مكنتش هاجى بردو..انا هاجى ع نفسى..خطب ف انهى جامع بقى؟؟؟ ..كل واحد و دماغه كدة يطلع اى هبل ف دماغه عادى و هكذا.... و ده البيدج بتاعنا على الفيس بوك http://www.facebook.com/Akwa.2alsh |
خدوا شويه قلش كده ع السريع !!!!
س: ايه الشبه بين الجرنال والشمس ؟؟ ج: الاتنين بيطلعوا الصبح س: ايه الشبه بين التفاح والكمثرى ؟؟ ج: الاتنين مش جوافة س: ايه الشبه بين الصعيدي الذكي وسوبر مان ؟؟ ج: الاتنين خيال علمي س: ايه الفرق بين الصحراء.. وايام الاسبوع.. وموس لورد ؟؟ ج: الصحراء مفيهاش حد ايام الاسبوع فيها حد واحد موس لورد فيه حدين س: واحد وقع من الدور العاشر لقى ايه ؟؟ ج: لقى حتفه س: دكتور أسنان ارتكب جريمة يسجنوه فين ؟؟ ج: في سجنال تو [ س: ايه هي قمة الادب ؟؟ ج: انك تخبط على التلاجة قبل متفتحها س: ايه هي قمة الدهشة ؟؟ ج: حد يفتحلك فعلا س: إيه وجه الشبه بين القمر وصينية البطاطس ؟ ج: الإتنين ميتعملوش عصير مانجو |
اه احنا في رمضان :lookaround:
|
| الساعة الآن 04:59 AM. |
Powered by vBulletin® Version 3.8.11
Copyright ©2000 - 2026, vBulletin Solutions, Inc.