| pepopnd2010 |
29-07-2008 12:05 PM |
اسئلة ذكية طحن؟!
فيه اسئله بديهيه مالهاش اى لزمه فى الدنيا بنتعرض ليها كل يوم من كل الناس خلونا نشوف امثله:
-انت فى اوضتك .. على السرير وطافى النور ومتغطى
يجي اخوك الظريف ويفتح الباب عليك ويقول:
ايه ده انت هتنام ولا ايه ؟؟؟؟ ((اظن ده مش وضع الرقص!!!!! واضح ان انا هنام))
-انتم معزومين عند ناس ورحتو لبيتهم واول ما فتحولكوا الباب يقول ابنهم الصغير:
انتوا جيتواااااااااااااااااااااا؟ ((لا لسه))
-والعكس انت لابس هدومك ومتانتك وعلى سنجه عشره وريحه البارفان واصله لاخر الشارع...
وخلاص بتفتح باب الشقه،، يجى حد من اهلك وينادى بصوت عالى:
انت خارج ولا اييييييييييييييييييه؟ ((لا دا دانا لسه راجع))
-مثلا ماسك سماعه التليفون وقاعد تضغط الارقام يجي حد من اهلك ويقولك:
انت هتتكلم فى التليفون؟ (( لا بتفرج عليه))
-ولا تعالوا شوفوا قنواتنا واسئلتهم البديهيه البايخه
برنامج اهداءات يتصل واحد يطلب اغنيه ترد عليه ست الكتكوته(المذيعه) بكل خفه ورشاقه:
انت بتحب الاغنيه ديه ولا ايه؟ (( لاء .... طالبها اخنق على نفسى))
|
