|
الحج جوجل خمنـــــــــــــــــا
السلام عليكم ورحمه الله وبركاته القصيدة اسمها / الحج جوجل خمنا كلمات الشاعر / هاني قاسم ده كلمات القصيدة عملت بحث عن الثورة عملت بحث عن الثورة وكتبت ثورة مصر وكنت حاسس بالعزه وجوايا روح النصر وقولت بسم الله وقمت دايس سيرش وطلعلي ايه .......؟!!!!!! ماطلعش حاجه يا عمنا وانا قولت جوجل خمنا ازاي يكون عندنا جوه وهو يقول مش عندنا جبت الغلط عندي انا وانا دمي فاير وكتبت جوه البحث تاني ثورة يناير وطلعلي ايه كده بالصلاه علي النبي الشهداء ماخدوش حقهم الشهداء ماخدوش حقهم واللي قتلهم خد براءة حسني فى شرم الشيخ ومحاكمته عيائه تأجيل ورا تأجيل وبلطجه بتمويل والثورة فيها عميل وكله بالتضليل وسرقه وسويقة واللى ناشرين الفساد لسه قاعدين علي الكراسي واللي ناهبين البلاد لسه كلمتهم اساسي واللي هاينين العباد واللي قاتلين الولاد واللي لاعبين فى المواد معروفين بالاسم هما والقضاء نايم وناسي قولت لا كده فيه مؤامرة البحث ده بايظ يا عم يا حج جوجل ايه حصل معقول تكون عمال تخم ومسحت كل اللى انكتب وكتبت تاني نجاااااااح ثورة يناير يمكن يكون لفظ الكلام هو السبب وطلعلي اييييه بعد نجاح الثورة فى مصر لسه التعذيب مستمر لسه التعذيب مستمر النهب لسه مستمر والفقر جوه مستقر والامن ليه مش مستقر فيه فتنه فين انقسام فيه تباطؤ فيه تواطؤ والحال بقي من مر لمر وكتير بقى عايش فى الدور بيفرقنا أبن الوسواسة المجلس ولا الدستور ولا انتخابات الرئاسه والكل لوك لوك فى كلام في الصحافة والاعلام من غير ولا فهم ولا علام والشعب فى ثانية بقى تماام وبيفهم اوي فى السياسة دمي اتحرق معقول تكون الثورة منا بتتسرق معقول يكون حلم الكبير مصر الكبير قدام عينيا بيتشنق ازاي يكون الحال وصل نبحث عن الثورة هنا ونلاقي جوجل خمنا ونلاقينا تايهين في الطرق الثورة منا بتتسرق الثورة منا بتتسرق بس احنا مش ممكن نضحي بحلمنا ويا اللي ضحوا راح نضحي بعمرنا دم الشهيد لساه طري دم الشهيد لساه طري وسايره روحه فى دمنا ابحث عن الثورة فى مكان غير المكان ابحث عن الثورة فى مكان غير المكان البحث كان خاطئ هنا وانا مش جبان وانا مش جبان البحث من قلب الميدان عمر الميدان ما يخمنا عمر الميدان ما يخمنا عمر الميدان ما يخمنا عمر الميدان ما يخمنا عمر الميدان ما يخمنا |
شكراً
|
جامدة أويييييي
|
شكـــــــــــرآ لمــــــــروركم |
قصيده جميله
|
روعه
|
اقتباس:
|
اقتباس:
|
ايوه هو العيب من جوجل :(
|
و انا ققـول ليه التاريخ في الضياع ليه .. أتاري جوجل بيريح ^^
|
جوجل هو اللى خمنا...... بس احنا مين هيهمنا
هنكمل الثورة وشكلنا ........ هنرد كل نقطة اتخدت من دمنا وهقولها كلمة من قلبى ........ دم الشهيد هو دمى ولو حقى راح مجاش ........ يبقى كل شىء راح بلاش جامدة ياض |
رااااااااااااااااااااائع:heart_eyes:
|
لا جامده اوووي دييي الله ينور يا غالي
|
جامد يا مان
|
السلام عليكم ورحمه الله وبركاته شكـــــــــــــــــرآ لمــــــــــــروركم |
| الساعة الآن 09:47 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.