|
عاوز أشتغل حرامي ..
http://i.istockimg.com/file_thumbvie...ar_cartoon.jpg
كانت الساعة تقريبا 3 صباحا لما كان عم جميل ماشي في الشارع ولمح احد الاشخاص بيحاول التسلل لاحد البيوت .... قرب عليه بسرعة وسأله : بتعمل إيه هنا ؟ الراجل وهو مرتبك : بعمل إيه يعني ؟ ... بمعملش حاجة .. انا مستني واحد صاحبي . عم جميل : يا عم إنت مرتبك ليه كده ؟ ... هو إنت خايف تقولي إنك كنت عاوز تسرق البيت ده ؟ الراجل : بيت إيه يا عم إنت إلي انا عاوز اسرقه ... لو سمحت سيبني امشي .. عم جميل : إنت فاكرني بوليس ولا إيه ؟ ... إهدى كده ومتوترنيش معاك ... ميغركش شكلي النضيف ده ... انا راجل على باب الله , كل إلي معايا هي الهدمة إلي انا لابسها دي ... أعد ياإبني لما احيكلك حكايتي . الراجل : حكاية إيه يا عم إنت إلي هتحكهالي الساعة تلاتة بليل ... اوعى كده خلينا امشي . لكن الراجل يستسمحه عشان يحكيله الحكاية : معلش ياإبني ... هما كلمتين محشورين في زوري ... يرضيك يعني ما قولهومش وازور ...الصبر حلو يا استاذ ... إبقى إسمع الكلمتين وبعدين روح شوف مصالحك . الراجل ملقاش مفر من سماع الحدوته بتاعة عم الحاج ده : قول يا سيدي وخلصنا . عم جميل : انا كنت شغال شغلانة محترمة وكان معايا فلوس كتير ... لكن ولادي طمعو في القرشين إلي معايا ...... ودلوقتي انا محتكمش على مليم احمر . الراجل وهو متأثر بكلام عم جميل : يا خبر ! ... وانا إلي كنت مفكرك من الناس إلي معاها فلوس كتير ...لأ كمان إفتكرتك من سكان الشارع هنا وخفت لتبلغ عني البوليس ... عم جميل : هههههه ... الله يحظك يا إسمك إيه ؟ ... انا لو معايا عشرة جنيه في جيبي كنت وقفت إتكلمت معاك اصلا ... انا يا إبني دلوقتي خالي شغل ونفسي اشتغل أي شغلانه ... بقولك إيه ما تشغلني معاك مساعد حرامي . الراجل : يا عم هتشتغل إيه بس ؟ .... تعرف إنت إيه عن الإجرام والفساد ؟ عم جميل : خد فيا ثواب وعلمني ... هو انت يعني كنت مولود حرامي ؟ ... ما انت اكيد شربت الصنعة دي على إيد واحد من المجرمين الكبار اوي . الحرامي وهو متأثر : الله يمسيك بالخير يا عم شألطة ... كان اكبر حرامي غسيل فيكي يا منطقة ... كان عارف مواعيد غسيل كل ست بيت في المنطقة وكان عامل بيهم جدول كان بيدرسهولنا في محاضراته .... انا بقى شربت الصنعة منه وطورت شوية في اسلوبي وبقيت بدل ما اسرق حبال غسيل بس .. بقيت ادخل جوه البيوت واسرق إلي انا عاوزه من غير ما حد يحس .... إييييييييه دنيا ..... فكرتني بالذكريات الحلوة يا استاذ .... آه صحيح متعرفناش ؟ عم جميل : محسوبك جميل .... مهندس سابقا .... حرامي حاليا على إيدك إن شاء الله . الحرامي : إن شاء الله هحاول انقلك خبرتي في عالم الإجرام ... بس إنت لازم تكون حويط وواعر اوي زيي كده ... ولازم تعرف يا عم جميل إن الست الوالدة داعيالك عشان إنت دلوقتي شغال مع واحد مترشح يتحط في موسوعة جينس للارقام القياسية كأزكى حرامي على مستوى العالم ....... يا عم جميل .. بينا نقتحم البيت ده . جميل : يلا بينا .... انا عندي خطة كويسة ... انا هروح ارن الجرس وإنت تكون مستخبي ورا الشجرة دي ... اول ما حد يفتح انا هضربه بحته عصايا واشاورلك عشان ندخل .... إيه رأيك ؟ الحرامي : تمام كده .... دإنت ماشاءالله عند ميول إجرامية عظيمة . وفعلا يروح عم جميل يرن الجرس .... ويعمل إلي إتفقو عليه ... بعدها يشاور لشريكه ويدخلو علطول البيت . جميل لشريكه : تعالى ورايا ... دي اكيد اوضة النوم ... اكيد هنلاقي فيها فلوس كتيرة . الحرامي وهو في غاية الإنبساط : جايلك يا ألوفاتي العزيزة . ولكن قبل ما يكمل كلمته ... ياخد ضربه على راسه ويقع على الارض ... اول ما فاق لقى نفسه مربوط و ادامه عم جميل وجنبه شابين . جميل : إتصل يا إبني بالبوليس خليهم ياخدوه ..... ويبص للحرامي وهو بيقول .. نسيت اعرفك بنفسي انا البشمهندس جميل صاحب البيت ده ..... تمت .. |
هههههههههههههه جااامدة اوى
|
هاهاهاهاهاهاهاها
جامد :kiss2: |
ههههههههههههههههه جامدة
|
هههههههههههههههههه لووووووووووووول جامدة :d
|
هههههههههههههههههههههههههههههه جامده اوى
|
هاهاهاهاهاهاهاهاهاهاهاها :)) :wink:
|
ههههههههههههه
بصراحه القصه مش دخله دماغى بس هيه من خيالك او حاجه بس هوا حرامى غبى و عم جميل اغبى منوا و بعدين الحرامى فى المواقف ديه بيتصرف كام تصرف كده لما بيتأفش أول حاجه : بيجرى 2: طايب لو مش قادر يجري علطول يا انت يا هوا لازم يا يموتك يا تموتوا 3: طبعا و اكيد اى حرامى فى الدنيا السرقه ديه عندوا زى المسلسل بيبقى حافظ الدور االى هايقولهولك لما تأفشوا و معلش الدنيا و الدين و العيال و المره حامل و معرفش ايه و مره انا اصلان شفت حرامى و حبيت اعمل معاه الصح و انا عارف و شفته و هوه بيسرق ضربنى و لما الناس اتلمت علينا قال عليا حرامى و كنت بسرقه |
اقتباس:
|
ههههههههههههه |
هههههههههههه انا عايز اشتغل حرامى
|
looooooooooooooooooooooooooooooool
شلل بس حلوة Thnxxx |
ههههههههههههههههه جامده بس عم جميييل ده بااارد اوووي ما الراجل كان ماشي وقال بلاش سرقه النهارده يصمم برده يمسك اهله
|
مبالغ فيها حبه بس الصراحه تجيب شلل ^^
|
الحرامي كدا مش هيدخل جينيس
دة هيدخل يطرقعلة جوا السجن حبتين |
| الساعة الآن 06:51 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.