|
رسالة الي المشيــر طنطـاوي
كما عودنا الرابر المصرى رامى دنجوان " رابر الثوره " باغانيه الشجاعه واشهرها ضد الحكومه التى كانت سبب من اسباب تفجيرت الثوره عاد بأغنيه اكثر من رأعه و هي رساله للمشيــر طنطــاوى [YOUTUBE]iTQw9bXwvOA[/YOUTUBE] http://www.youtube.com/watch?v=iTQw9bXwvOA كلمات التراك سيادة القائد طنطاوي ازيك كيف احوالك بيتهيألي وصلك ان الشعب فاق وجالك وبيطالب بالمطالب اللى طالب بيها من الاول وماحدش فينا فاهم ليه الحق مجاش وطول مطالبنا انت بنفسك قولت عليها مش ممنوعة وطالما متنفذتش يبقى كلمتنا مش مسموعة وبالتالي هنعلي صوتنا عشان نسمعهالك هنقولها باعلي صوت ولو مسمعتش هنعيدهالك فخامتك احنا مش هيضحك علينا تاني عشان اتعلمنا ما نسكتش عظمتك اللي عملها اولاني يعملها تاني لو مطالبنا متنفذتش واللي عملها اولاني سهل يعملها تاني واديك شايف بنفسك الكفه بتقلب فى ثواني خلي بالك مش دايمالك وحط في بالك لو ماعملتش اللي عليك هتلاقي الناس كلها واقفالك انا دم اخويا غالي غالي اوي يا طنطاوي واحنا ما بنتهددش واللي عملها اولاني يعملها تاني لو مطالبنا متنفذتش انا دم اخويا غالي غالي اوي يا طنطاوي واحنا ما بنتهددش واللي عملها اولاني يعملها تاني لو مطالبنا متنفذتش سيادة القائد طنطاوي فين المحاكمات فين حق الغلابه وفين حق اللي مات فين حق البلاد دي اللى اتنهب في سنين سكات فين حق الشهيد اللى اتظلم حتي الممات سيادة القائد طنطاوي الشعب مدبوح وانتا مش بتداوي وكدبك مفضوح واكل قوت الغلابه وابو خايله كدابه انا مش خايف منكم لان قلبي دبابة يكون في علم اي حد حقي انا مش هسيبه والوش الطيب يقلب جد وحقي هجيبه هجيبه مباكولش من الكلام اللي بينيم والطبطبه انا عايز اشوف افعال ده حقي مش منحه يابا واللي عملها اولاني ممكن يعملها تاني واديك شايف بنفسك الكفه بتقلب فى ثواني خلي بالك مش دايمالك وحط في بالك لو ماعملتش اللي عليك هتلاقي الناس كلها واقفالك انا دم اخويا غالي غالي اوي يا طنطاوي واحنا ما بنتهددش واللي عملها اولاني يعملها تاني لو مطالبنا متنفذتش |
جميله جداً جداً جداً
ونظام مبارك مستمر حسبي الله نعم الوكيل |
الأغنية جميلة جدا جدا جدا :giggle:
بس كانت هتبقى أحسن لو مكنتش شفت صورة الأخ ابو حزُنبل ده في توقيعك :mf_trek: |
مهو كل واحد عايز يعمل لنفسو سعر بيمشي مع الموجه
مين قال له ان ال10 الاف الي في التحرير بيمثلو صوت ال 90 مليون مصري انا واحد من ناس كتير شايف ان كل الي بيهتف ضد الجيش اكبر خاين للبلد لأن كل الي ضد الجيش ليهم رغباتهم الخاصه الي انت منهم رغبتك انك عايز البردعي يبقا رأيس و شايف ان ده مستحيل لان جزأ كبير جدا من المصريين مبيحبوهوش و بيكرهوه و ده الي شفناه ايام الاستفتاء |
اقتباس:
الصوره دى فى قلبى صعب اشيلها وعمر ما الناس كلها هتتفق على شخص انت يمكن مبتحبوش لكن غيرك كتييير بيحبوه |
اقتباس:
و لا يجب الاعتماد على الاغلبيه الصامته فى الكلام لان الاغلبيه الصامته هى مع الكسبان و معظمها مش فارق معاها اللى بيحصل و بيرددو الكلام اللى فى القناه الاولى و على فكره حاليا فى مظاهرات كتيره جدا فى اكثر من مدينه مش فى التحرير بس ضد المجلس العسكرى انتا لما تتكلم تقدر تتكلم عن القوى الحقيقه ليك على الارض و تجمعكم على الارض يعنى مثلا حصلت دعاوى كتير جدا اليومين اللى فاتو بمظاهرات فى العباسيه لتأيد المجلس و المفروض انها كانت تحصل النهارده و لحد دلوقتى مش قادرين يجمعو الف على بعضيهم , يبقى الاغلبيه لمين ؟؟ |
استاااااااااااااااااااااذ
|
اقتباس:
نفس الكلام الى كنتو بتقلوه ايام 25 يناير دول 10 الاف و مبيمثلوناش و انا شايف عكس الكلام دا الى عايز المجلس العسكرى عايز البلد ترجع لورا و عايز ظلم و المجلس العسكرى اكبر خايين يقتلو فى المعتصمين .. ؟ يحاكمو النشطاء السياسين عسكرى و مبارك و القتله مدنى.. ؟ و غيره كتيير .... و كلنا نسينا ان مبارك هوا الى كلف المجلس الأعلى لأداره شؤن البلاد و بخصوص البرادعى فا فى حاجه اسمها انتخبات يعنى سواء المجلس موجود او مشى فا لبردعى مرشح للأنتخابات و الشعب هوا الحكم |
اقتباس:
|
thx for the topic bro
|
الواااااااااااااااااااد ده جااااامد انا دم اخويا غالي غالي اووي يا طنطاوي بعيدا عن البرادعي قشطه علييييييييييك
|
ابدااااااااااااااااااااااااع
|
هى الاغنية حلوة
بس انتا جايبها متاخر اوى الاغنية دى نزلت بقالهاا كتير اوى اوى اقتباس:
اقتباس:
سبحان الله ... نفس رأيى برضوا فى حاجة اسمها انتخابات و (الشعب هيحكم ) :laughing1: اقتباس:
Spam lol ! بطل اسبام :) |
بجد كلمات تحفة والله
|
جامدة اوى تسلم على الاغنيه
|
| الساعة الآن 10:56 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.