|
@)(@)(@ بخصوص عزلى من اشراف بعد 4 سنوات... @)(@)(@
بسم الله الرحمن الرحيم
وبعد اخوانى فى القسم الاسلامى و بعد انا لا اعلم لما تم عزلى و من دون سابق انذار ... مع العلم باننى توليت اشراف القسم فى وقت لم يكن هناك مشرفين فى القسم و كان ذلك لمدة 4 سنوات و اللحمد لله ساهمت فى مساعدة ناس كثيرة و استفادت كثيرا من طرح الاخوة من مواضيع مفيدة وطيببه فى الدين و تعاليمه و اخيرا يتم عزلى بدون اى كلمة و بدون سبب مع العلم انى بدرس و بشتغل .. و لكن بحاول بقدر الامكان ارد و اتابع هنا فى القسم و دى امانة و بحاول اؤدى دورى فى الدعاية الى اظهار الحق حتى ارضى وجه الله وحده ومع العلم و بشهادة الكثرين هنا فى المنتدى انى و الحمد لله راضى جدا على ما قدمت هنا ولا اعلم من هو صاحب قرار عزلى و من هو المنفذ و لكن احب ان اقول له جزاك الله خيرا... و فى رعاية الله و امنه اخوكم فى الله محمد الوكيل |
Bekoman2 مٌقصر فى شغله فى القسم ومفيش اهتمام منه ... |
الـكـل مـقـدر مـجـهـودك والله .. و أنـت ع عـيـنـا و ع رأسـنـا أكـيـد .. أنـت قـصـرت فـى حـق الـمـنـتـدى فـى الـفـتـرة الآخـيـرة بـصـراحـة و أكـيـد أنـت حـسـيـت بـكـدة .. و زى مـا أنـت عـارف أن أى مـشـرف مـقـصـر بـيـتـم عـزلـه لـحـيـن رجـوعـه لـنـشـاطـه .. اقتباس:
مـا هـو حـضـرتـك مـش مـتـابـع مـعـانـا قـسـم الـمـشـرفـيـن اللـى هـو مـكـان تـجـمـعـنـا و بـيـحـصـل فـيـه الـتـحـذيـرات و الـقـرارت الـمـهـمـة .. بـس أكـيـد لـو رجـعـت لـنـشـاطـك مـش هـنـلاقـى مـشـرف أنـسـب مـنـك للـقـسـم ده :) أنـا بـصـراحـة الـقـسـم الـديـنـى كـان بـيـتـمـثـل فـيـك و فـى KingOfFruits والله .. أن شـاء الله تـرجـع و الـحـيـاة تـبـقـى زى الـفـل .. مـع فـائـق حـبـى و احـتـرامـى .. عــضــو :hideingbhindcurtian |
لأ انا بجد اتصدمت و مش مصدق :((
|
وعليكم السلام ورحمة الله وبركـاته ..
انا اللى عزلت حضرتك يا استاذ محمد .. حضرتك فى الفتره الاخيره مكنتش متابع المنتدى ولا كنت بشوف حضرتك عشان كده قررت بعزلك ومش حضرتك وبس والله لو كنت متابع كنت هتشوف ناس كتير اتشالت بسبب التقصير .. معلش حضرتك مقدمتش موضوع انك عندك ظروف وهتغيب لمده عشان استناك واصبر عليك إنما الاقى حضرتك مقصر ومفيش اى خطوه منك انك تقول مثلاً محتاج اجازه عشان عندى ظروف او حتى تبعتلى رساله تعرفنى بس انا لقيت ان حضرتك مخدتش الخطوه دى فإضطريت اعمل كده .. بس انا معنديش اى مانع انك ترجع :) انا عارف انك كويس وشغلك كويس |
الفسم الديني هنا فالمنتدى يعني انتا .. و بصراحة أنا حزين إنك إتعزلت لو حتى قصرت شوية .. و 4 سنين مش شوية بردو ..
اقتباس:
على ال4 سنين مش شوية .. و ممكن تعتبرها كاميرا خفية علشان بس تصحصح معانا شوية :d مبروك رجوعك مقدما إن شاء الله :)) |
ربنا معاك يا محمد و الله أتمني ترجعلنا في الإشراف
|
اقتباس:
اقتباس:
اقتباس:
اقتباس:
كان ظروف و الاعتراف بالحق فضيلة ... كيد انا قصرت بس واللهى زى ما انتا عارف القسم هنا صعب جدا جدا متتفتكرش مثلا ان الموضوع اللى بيكتب هنا من اى عضو بسهل كدا يعدى .. و هتحاسب على كل حاجة بتتكتب هنا و على عدم تحرى الدقة لان ده كلام فى الدين فا مفيش اى موضوع بيعدى من غير ما اقرا الى الاخر عشان اشوف لو فى كلام مغلوط او سهو... و اسال الله ان يساعدنى على ذلك ...و انا لما تشرفت و توليت قيادة القسم من فترة طويلة .. عشان الامانة و افادةالناس و اجاوب على الاستفسارات على قد المقدرة حتى اوصل المعلومة الصح و مع العلم القسم هنا خطير جدا ... انا كتير جدا حاربت ناس بتحاول تعمل فتن و اكاذيب و بلبله .. و الحمد لله على كل شى و بالنسبة لخطوة انى لم ابلغك برسالة .. دى عندك حق فيها ... بس الظروف ان اخوايا الكبير كان هسافر السعودية و طبعا كنت بخلصو ورق و كدا .. عشان هو كان بيشتغل و انا بخلص الورق .. و مع العلم انا فى كلية التجارة بردو بحضر المحاضرات ..و بنزل شغل و غير كدا كمان كنا بنشطب شقة و النت كان مش مظبوط و جبت فنى السنترال و كنت بدرس كورس انجليزى .. يعنى كانت العملية صعبة شوية ... و دلوقتى كمان انا عندى امتحانات من 2/1 الى 26/1... يعنى معايا ربنا .. لازم اذاكر ... عشان دى سنة الاخيرة و ربنا يسهل و اجيب تقدير باذن الله اقتباس:
راجع باذن الله .. و على العموم دى هتكون اخر سنة ليا الا فى حالة لو اخدت تاجيل من الجيش فى شهر 10 القادم ^^ اقتباس:
ربنا يخليك و حتى لو مرجعتش انتا ربنا يعينك على هذه المسؤليه .... و اللهى بدعيلك ربنا يسترها عليك من الفتن |
عادى يا محمد انت يعتبر ماكنش ليه نشاط الا فى موضوع الاستفسارات وكل فين وفين, بس على كل حال خلص ظروفك ونشط نفسك تانى واشتغل وساعتها هاترجع من غير ماتطلب حتى ^^
|
واحد يامحمد مفيش مشكله
الوقت اللى هتقولى فيه انا فضيت وكله تمام هو اليوم اللى هيبقى فيه رجوعك وانا عند كلمتى |
المادة 77 المعدلة تنص على ان فترة الرئاسة 4 سنوات و ممكن التجديد متخفش ههههههه:tongue2: ترجع بالتوفيق ان شاء الله و نشوف مجهود اكبر فى الفتره القادمه |
كلنا نعرف جيدا شغلك يا محمد و طريقتك السليمه في التعامل مع القسم ومواضيعه فعلا حضرتك من الناس اللي شغاله بدون صوت او حركه شغاله للقسم بتاعها ولوجه الله فقط كلنا بنقدرك وبنحترمك ومنتظرين عودتك :) |
انا سعيد جدا بكلامكم ده و دى ثقة غالية ...
و ادعو الله ان يثبت قلوبكم على ذكره و شكره و حسن عبادته .... ... و الله المستعان |
طب ايه مش قادر اشوفك فى حاجه غير القسم الدينى بجد انت انسان محترم وخلوق ربنا يزيدك يلا قول im rdy عشان تشيل المسئوليه وتكسب ثواب فالقسم الدينى ليس كغيره من سائر الاقسام وربنا يهدينى وابقى اخش اشوف المواضيع:sigh: |
| الساعة الآن 07:40 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.