امتحانات السفاره المصريه
 

بسم الله الرحمن الرحيم


قولنا سلامنا نبدأ كلامنا وكلامنا كالتاتى
دلوقتى انت هندى او تايوانى بلاش انت مش مصرى يعنى اسكندرانى او دمياطى او ااسوانى
وعايز تبقى مصرى
من الاخر واحد عايز يبقى مصرى !!!:confused:
ممكن يكون بيحب البهدله او ماعندهمش افران عيش ولازم اللى يقف فى الفرن يبقى مصرى
تعالى نشوف الاختبار هيكون ازااااااااااااااااى



يشترط لدخول الامتحان ان المتقدم يكون معاه كل أدواته اللازمة : قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة)
في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح) :mad:

السؤال الأول:اختار من بين الأقواس الكلام الصح:

1- حنان ترك اتحجبت يعني............ (لبست جزمة - لبست ساعة - لبست ايشارب)

2- اللي بنى هرم خوفو............ .(طلعت مصطفى - المقاولون العرب - مقاول أنفار - خوفو)

3- اللي بنى..بنى مصر كان في الأصل......(حلاق - نجار - تاجر مخدرات - حلواني)

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه برنامج..صباح الخير ............ (يا ماما - يا بابا - يا خالو - ياريس - يا مصر)

5 - مصر هى أمي نيلها جوا...........(عبي - بطني - رجلي - جيبي - دمي)

6- رئيس مصر القادم السيد......(جمال مبارك - جمال مبارك – جمال مبارك - كل ما سبق)

7- ابو تريكة هو ....(مدرس - تاجر شكاير اسمنت فاضية - لاعب كرة - تاجر مواشي)

8- يا حضرة العمدة ابنك حميدة حدفني بالـ .... (معدية - السفندية - المية المعدنية - المهلبية)

9- اشهر مغني مصري هو عبدالحليم .... (دياب - حافظ - سموزين - فؤش)
السؤال الثاني:أكمل الجمل الآتية بكلام م الآخر:

1- انتبه من فضلك السيارة ترجع إلى............ ......... ...

2- ماما زمنها............ ......

3- من خلال تجاربك السابقة...البامبرز استيك منه............ .

4- طلعت أدّب نزلت أدّب لقيت الدب بيأزز............

5- اسم والد اللاعب وائل جمعة الحاج............ ..

6- دا شاب هيهي ، بيروح و ......



السؤال الثالث:ضع علامة صح أو علامة غلط أمام الكلام الجاي:

1- بابا فين؟؟ ..بابا هنا..قوله مين؟؟ قوله عمو ( )

2- الشرطة دائما في خدمة الشعب ( )

3- أذان المغرب في رمضان بصوت 'طارق نور' ( )

4- شاي الجوهرة حتة سكرة ( )

5- ميلودي تتحدى الملل فعلا ( )


السؤال الرابع : التعبير الحر
اكتب فيما لا يزيد عن 3 سطور تعليق على اخر متش للاهلي و الزمالك

السؤال الخامس : علل1- مازالت كرة القدم هي اللعبة الشعبية الاولى برغم ان احنا ملناش فيها2- ذكاء الشعب المصري الخارق برغم من اعتماده على الفول كغذاء اساسي3-وجود السحابة السوداء برغم ازالة جميع اكشاك البطاطا المتحركة

بجد رائع
انت ملكش حل
هههههههههه

تقريبا الموضوع منقول من جروب فى facebook

المفروض ان احنا نجاوب صح؟؟؟

روعة يا محمد


مع إن الاسئلة صعبة بس عرفت اجاوب علي نصفها بس الاكمل صعب اوى ^^

مشكور يا كاتو

هههههههههههه
جامد اوي يا مان


وعايز اقول حاجة للي بيقول منقول من جروب في facebook

يا مان لازم الموضوع يكون منقول يعني كاتو هيعود باليل ييألف الكلام دة و يجي يقولوا

اكيد لأ و كل المواضيع الي موجودة في المنتدى منقولة من منتديات تانية عادي يعني طبعا مش الشرح و البرامج و الفيديو و كدة
و المفروض انك كنت تشكرة علشان هوا بيعود يدور على مواضيع تضحكنا

جاااااااااااااااااااااااااااااااااامد اوى اوى اوى مواضيعك جامدة جدا شكرا على الموضوع

اللي بنى..بنى مصر كان في الأصل......(حلاق - نجار - تاجر مخدرات - حلواني)
ونا مالى ونا كنت جوز امة؟

مش هرد عليك عشان انت مش بتشلرك برد
انت بتشارك باحباط:mad:

:d يا سلام عليك يا وله
ايه الثقافه و الحلاوه دى

مش عايزك تخاف خالص
ان شاء الله الموضوع الجاى هنزل الإجابات بتاعه الأسئله :p

والله يا باشا انت باشا
والله يا برنس انت برنس
والله يا نجم انت نجم
ايه الكلام التمام أوى ده:)

thx