|
أنا عن نفسي مش بحب آخد .. أنت بتحب !!
بقالي كده مدة كبيرة كل أما أمشي في الشارع و أشوف الناس أخدها في وشها و ماشية و لما تبوص لهم تلاقي الواحد مكشر و شبه بيقولك " في حاجة بروح أمك " انا قبلها يا ولاد الحلال كنت بمشي فى الشارع و أفضل اضحك في وش الناس و الناس تضحك في وشي و أهم حاجة محدش فينا يعرف التاني زاي مره كنت ماشي فى الشارع أنا و أخويا و الدنيا زحمة و واحد راكب على فزبة و عمال يهرش في راسه و عدم اللا مؤاخذة أقرع شويه زاي حالات أخويا راح أخويا بصله و قاله : " و أنت ناقص توقع في شعرك يا عم بطل جرب " انا بصيت لأخويا بصة جامدة شبه بقوله : " أيه الهبل ده " و حصل ما لم يكن متوقع الراجل اللي على الفزبة فضل يضحك و سلم على أخويا و قاله حاجة حلوة أوى " ربنا يضحكلك دنيتك زاي ما ضحكتني " وقتها حسيت أد ايه الناس كانت محتاجة تضحك و لغاية دلوقتي محتاجة تضحك كنت بمشي في الشارع و أضحك في وش الناس و الناس تضحكلي دلوقتي حد يقدر يقولي أيه اللي حصل خلى الناس كده !! حيقولك الأخوان طلعوا تيت و عايزين يحكموا البلد و السلفين مكفرين خلق الله .. و حازم أبو أسماعيل ملى الدنيا دعايا .. و عمرو موسى فلول .. و البرادعي عميل .. و حمدين صباحي مش مسلم و ازاي يمسك .. و مفيش بنزين ولا سولار .. و لسه العيش مش حلو و مفيش عيش .. و المايه ملوثه و الصرف ضارب .. و الحاجات بقت غالية على الناس .. و الترام عامل أضراب .. و النقل و المشاريع عاملين أضراب .. و التكاسي بتستغل الفرصة و تدبح الناس .. و البلطجية زادت .. و الشباب مش بيتجوز .. و البنات عنست .. و الناس بتموت من الجوع و الفقر .. انا عن نفسي عايز أقول حاجة واحدة " إنَّ اللهَ لا يغيّرُ ما بقومٍ حتى يُغيروا ما بأنفسِهِم " بعض الناس حتقولي و أيه لازمت اللي انت كاتبه ده حقول حاجة واحدة طبعا عارفين فيلم الدادة دودي و لما الراجل المناضل الثورجي شفها فى قسم الشرطة و حولها لثورجية حد فاكر اسم الحملة بتاعته أيه !! ايوه بالظبط كده كان اسمها " خنقتونا " بس المره دي انا مش بقولها للنظام انا بقولها للناس يا جدع ده " الكلمة الطيبة صدقة " !! و مستني أشوف الكلام الناس معايا ولا ضدي |
العنوان يشد ^^
واكيد انا معاك عشان المفروض نبقى مش كده ده العالم كله بيتطور واحنا محلك سر حتى فى الأاخلاق مافيش حاجه خالص :31: |
ألناس عاوزه كل حاجه تتغير فى يوم ويكون معاها فلوس وكل واحد عايش فى قصر والبركه فى الأعلام خلى الناس تحسبها كده لكن لو استنينا شويه هنبقى أحس الدول يارب يعديها ع خير تسلم يامعلم :mellow: |
مصر اتغيرت بعد الثوره :d
وفعلا مش حلوه التكشيره اللى فى الناس كلها دى ( تبسمك فى وجه اخيك صدقه ) |
بـغـض الـنـظـر أن الـحـالـة زفـت و قـلـق و الـواحـد زهـقـان مـن عـيـشـتـه .. بـس لـمـة الأصـحـاب بـلـيـل ع الـقـهـوة أو حـتـى ع الـمـنـتـدى بـالـدنـيـا والله .. ابـقـى فـاكـرنـى بـس بـالـمـوضـوع ده .. عـنـدى فـكـرة جـامـدة فـحـت :)) عـايـزك مـعـايـا طـالـمـا فـاضـى .. راشـق ؟ :trampoline: |
هوا شعبنا كده ومش هيتغير :trumpet:
|
جاامد اووي
بس من صفة الشعب المصري ايضا دخل من هنا طلع من هنا ^^ |
يا عمـــ ازاى يعنى امشى اضحك ف الشارع زى الاهبل ؟
:angry2::angry2: |
خلاص الطبع في الشعب المصري غلاب
|
اقتباس:
|
اقتباس:
:lulu13: |
بجد بجد انا نفسى الناس كلها تشوف الكلام دا
بجد انتا بتفهم اليومين دول فاضل شويه و لو عديت من جنب حد كان ضربك طلقتين و ييريحك بالمره |
اقتباس:
|
انتا بتجيب الكلام ده منين يا عمر
بس للاسف كلام صح 100 % و لا يوجد به شائبة .....الا غلطة واحدة انتا كان قصدك فيلم "الثلاثة يشتغلونها" :kiss2: and big ║ LiKe ║ |
عندك حق الناس بقت محتاجه تضحك من قلبها تانى فى المرار اللى احنا عايشنوا ده
|
| الساعة الآن 10:59 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.