الموقع العربي الاول للعبة Silkroad Online

الموقع العربي الاول للعبة Silkroad Online (https://silkroad4arab.com/vb/index.php)
-   القـسـم الإسـلامـى الـعـام (https://silkroad4arab.com/vb/forumdisplay.php?f=94)
-   -   حملة ازاي ربنا يحبني !!! (https://silkroad4arab.com/vb/showthread.php?t=428235)

babyface 12-05-2012 02:00 AM

حملة ازاي ربنا يحبني !!!
 
السلام عليكم ورحمة الله وبركاته

حملة ازاي ربنا يحبني عايز تعرف ازاي لازم تقرأ الموضوع كويس جدا و لا تنسوني في الدعاء اختكم في الله
:13:


"إِنَّ اللَّهَ يُحِبُّ الْمُحْسِنِينَ " (195) البقرة.
"إِنَّ اللَّهَ يُحِبُّ التَّوَّابِينَ وَيُحِبُّ الْمُتَطَهِّرِينَ " (222)البقرة.
" وَاللَّهُ يُحِبُّ الْمُطَّهِّرِين" (108)التوبة.
" إِنَّ اللَّهَ يُحِبُّ الْمُتَّقِينَ " (4) التوبة
" وَاللَّهُ يُحِبُّ الصَّابِرِينَ " (146) آل عمران
"إِنَّ اللَّهَ يُحِبُّ الْمُتَوَكِّلِينَ " (159) آل عمران.[
"إِنَّ اللَّهَ يُحِبُّ الْمُقْسِطِينَ " (42) المائدة
"إِنَّ اللَّهَ يُحِبُّ الَّذِينَ يُقَاتِلُونَ فِي سَبِيلِهِ صَفًّا كَأَنَّهُمْ بُنْيَانٌ مَرْصُوصٌ" (4)الصف.






الله يحب ... الله يحب




يااااااااااااه ربنا جل شأنه يحب
يعني ممكن ربنا يحبني دا أنا أغلى أمانيه في الدنيا رضاك يارب عليا
انتم حاسين معنى الكلمه
حاسين معنى أن ربنا يحبك



يااااااااااااه لو ربنا حبني هينور لي طريقي
لو ربنا حبني هيسهل لي كل الصعاب
لو ربنا حبني هيعني على طاعته ..
لو ربنا حبني هيمنع بصري إنه ينظر للحرام
لو ربنا حبني هيوفقني ويعني ويثبتني ويرزقني ويسخر لي قلوب الناس


والدليل بالحديث القدسي الرائع


"ما يزال عبدي يتقرب إلي بالنوافل حتى أحبه ، فإذا أحببته : كنت سمعه الذي يسمع به ، وبصره الذي يبصر به ، ويده التي يبطش بها ، ورجله التي يمشي بها ، وإن سألني لأعطينه ، ولئن استعاذني لأعيذنه ، وما ترددت عن شيء أنا فاعله ترددي عن نفس المؤمن ، يكره الموت وأنا أكره مساءته " صحيح



ياااااااااااااااااااااااااااه إنتم حاسين قد أيه نعمة حب الله لينا





نفسك ربنا يحبك ؟؟؟؟
أكييييييد طبعا وهو دا سؤال
كل واحد فينا نفسه إن ربنا يحبه ويرضى عليه
علشان ربنا يحبك
امشى فى طريقه
انت مشيت فى كل الطرق الا طريق ربنا
عايز ربنا يحبك ازاى وانت ماشى فى الطريق المعاكس
عايز تبقى مشهور وعندك فلوس وكل ما تتمنى خلى ربنا يحبك
أنت عارف إن ربنا لما بيحب عبد بينادى جبريل إنى أحب فلان فيحبه أهل السماء


عن أبي هريرة عن النبي- صلى الله عليه وسلم- قال: "إذا أحب الله عبدا نادى جبريل ان الله يحب فلانا فأحبه فيحبه جبريل فينادي جبريل في أهل السماء إن الله يحب فلانا فأحبوه فيحبه أهل السماء ثم يوضع له القبول في أهل الأرض"…
شفت ازاى بقيت مشهور فى الملاء الاعلى
وكمان بين أهل الأرض
يعنى اللى يشوفك يحبك كده لله فى لله علشان ربنا أحبك





والسؤال هنا ؟؟؟؟



انت بتحب ربنا ..؟؟!!



ازاى ماحبوش ؟؟؟؟
ازاى ما أحبوش هو انا ليا مين غيره ؟؟
مين بيحبنى زيه مين بيكرمنى زيه مين بيعطف عليا زيه !!





مع انى ما أستهلش اى حاجة بس هو الكريم ....
كل شوية بيمن عليا بمنن جديدة رغم قسوة قلبى..
رغم ذنوبى
من عليا بالإسلام
يااااااااااه كتير قوى كان مش مسلمين وبيتمنوا انهم كانوا يتولدوا مسلمين ..





من عليا بالستر ستر ذنوبي وأخفاها عن الناس اللي لو عرفوها عني عمرهم ما كانوا هيكلموني ...





ازاى ما أحبوش وانا الكون كل من حواليا بيحبه وبيذكره بس انا اللى غافل
عمرى لو قعدت أكلم ما هقدر أوفيه جزء صغير من فضله عليا بس فى الأخر أقول


بحبك يا رب









لكن ان ربنا يحبك ....؟؟!!



الموضووع سهل متخافش خليك معانا علشان عايزين ربنا يحبنا
واحنا هنضع ايدينا مع بعض وندورعلى
الحاجات اللى تخلى ملك الملوك الله يحبنا







"علـشان ربنــا يحبــكـ "




هنأخد لربنا خطوة خطوة بكل ثقة خطوة نقول فيها
يارب راجع لك يارب ... أقبلني
وربنا أكيييد مش هيكسفك أبدااااا وهيقبلك


وليه لا وهو القائل



" : أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملأ ذكرته في ملأ خير منهم ، وإن تقرب إلي شبرا تقربت إليه ذراعا ،وإن تقرب إلي ذراعا تقربت إليه باعا ، وإن أتاني يمشي أتيته هرولة"
صحيح







والآن أقولك إن ربنا بيحبك ؟
بيحبني أنا !!!
آه
لو ماكانش بيحبك كان سابك غافل وضال الطريق
ماكنش بعتالك رسايل علشان ترجعله
ربنا يبعتالى رسايل ؟؟ انا ليه ؟؟!!
اه رسايل ممكن الموضوع ده يكون رسالة من ربنا ليك
اشمعنى وفقك انت عشان تقراه وما وفقش غيرك
هنتعلم مع بعض نقرا رسايل ربنا المهمة وانذاراته لينا
في حملتنا هنا هنناقش المعاصي اللي بنقع فيها





الحملة هنا هتبدأ من الصفر
هتبدأ من الشاب والفتاة اللي تاهوا في بحور الدنيا ومش عارفين يرجعوا لربنا
الشاب والبنت اللي في الجامعة وبيسمعوا أغاني لازم يتبعونا
الشاب اللي بيقول مش عارف أكون مع ربنا ازاي
نفسي أرجع لربنا نفسي أكون ملتزم ومش عارف
بإذن الله هنبدأ الطريق إلى حب الله سويا



علشان ربنا يحبك
حط ايدك فى ايديا
:gossip:
معا لطريق الجنه (اختكم في الله) :thumb_yello:


Halim 12-05-2012 02:11 AM

بارك الله تعالى فيك وثقل ميزانك بما تفعله من
مجهود في الدعوة لحب الله تعالى
تقبل مني مرورا متواضعا
وأسأل الله تعالى أن يجازيك علي عملك هذا خير الجزاء


No_Rules 12-05-2012 02:23 AM

روعه والله وموضوع جميل ومفيد جداً

babyface 12-05-2012 02:34 AM

ردك هو اللي روعه شكرا ليك

ALEX_MOON 12-05-2012 03:02 AM

الحمد لله حبى فالله خلانى اعمل حاجات ياما مكنتش قادر اعملها او اخد قرار فيها بقيت بصلى الفرض بفرضه و بطلت اسمع اغانى او اتفرج عالتلفزيون الا طبعا الحاجات المفيدة ربنا يقدرنى و اقدر اكمل اللى بعمله تسلم ايدك

MịηaTσ 12-05-2012 03:11 AM

جزاك الله خيرا

babyface 12-05-2012 03:15 AM

اقتباس:

المشاركة الأصلية كتبت بواسطة alex_moon (المشاركة 4142879)
الحمد لله حبى فالله خلانى اعمل حاجات ياما مكنتش قادر اعملها او اخد قرار فيها بقيت بصلى الفرض بفرضه و بطلت اسمع اغانى او اتفرج عالتلفزيون الا طبعا الحاجات المفيدة ربنا يقدرنى و اقدر اكمل اللى بعمله تسلم ايدك

الله عليك ربنا يثبتك علي حبك لله وطاعتك لله وادعلنا كده بالهدايه

اختك في الله


اقتباس:

المشاركة الأصلية كتبت بواسطة ™_mostafa_™ (المشاركة 4142885)
جزاك الله خيرا

جزانا و جزاك الله

SnipZz 12-05-2012 03:27 AM

قريت موضوعك كلوا يللا نبدأ ... انا نفسي ربنا يهديني ...

babyface 12-05-2012 03:48 AM

ربنا يهدينا جميعا ابدأ بنفسك و البدايه من انهارضه ان شاء الله

omar34 12-05-2012 04:16 AM

شكرا على الموضوع
بس أسلوبك يشبه أسلوب داعية شاب بييجي على قناة اقرأ
عرفت أقصد مين؟

babyface 12-05-2012 04:20 AM

شكرا عمر علي ردك بس مش عارفه مين

Alone iN The Sky 12-05-2012 01:10 PM

يهدى الله ما يشاء

الهداية بتيجى للناس اللى ربنا يختارهم .. وبتيجى للناس اللى بيطلبو من ربهم ويلحّو عليها

وهى ممتازة.. بيوم وقعت فى قصة سودت حياتى بأكملها من نصف 2009 لحد أواخر 2011 كنت صابر وانا بقمة الحزن والضيق اللى بالدنيا

والحمد لله إن الله مع الصابرين .. لا اتصرف تصرف خاطىء او متهور وربنا حلها من عنده حلول غير متوقعه ابدا الحمد لله

ودعيت يهدينى والحمد لله ختمت القران ومن كتر ما بقيت اسمعه واقراه من غير ترتيب اظن زمانه اتختم 3 مرات واكتر الحمد لله

الاغانى مابقاش ليها طعم . بحس انه كلام مش مفيد وبالعكس الاغانى بتعمل ضيق اكتر للانسان ..وبتحير الواحد - لكن ممكن سورة قرآن يجيب مشكلة ويحلها باخر السورة وتريح الانسان فا بقت متعتى القرآن وقت النوم والشغل والخروج

يلا الحمد لله ربنا يديمها نعمة علينا

اللهم اشرح لى صدرى ويسر لى أمرى واحل العقدة من لسانى يفقه قولى .. واهدينى .. اتا ومن أراد الهداية ويحبو يجربوها أمين .~

جزاكى الله خير عالموضوع

babyface 12-05-2012 04:11 PM

اقتباس:

المشاركة الأصلية كتبت بواسطة alone in the sky (المشاركة 4143181)
يهدى الله ما يشاء

الهداية بتيجى للناس اللى ربنا يختارهم .. وبتيجى للناس اللى بيطلبو من ربهم ويلحّو عليها

وهى ممتازة.. بيوم وقعت فى قصة سودت حياتى بأكملها من نصف 2009 لحد أواخر 2011 كنت صابر وانا بقمة الحزن والضيق اللى بالدنيا

والحمد لله إن الله مع الصابرين .. لا اتصرف تصرف خاطىء او متهور وربنا حلها من عنده حلول غير متوقعه ابدا الحمد لله

ودعيت يهدينى والحمد لله ختمت القران ومن كتر ما بقيت اسمعه واقراه من غير ترتيب اظن زمانه اتختم 3 مرات واكتر الحمد لله

الاغانى مابقاش ليها طعم . بحس انه كلام مش مفيد وبالعكس الاغانى بتعمل ضيق اكتر للانسان ..وبتحير الواحد - لكن ممكن سورة قرآن يجيب مشكلة ويحلها باخر السورة وتريح الانسان فا بقت متعتى القرآن وقت النوم والشغل والخروج

يلا الحمد لله ربنا يديمها نعمة علينا

اللهم اشرح لى صدرى ويسر لى أمرى واحل العقدة من لسانى يفقه قولى .. واهدينى .. اتا ومن أراد الهداية ويحبو يجربوها أمين .~

جزاكى الله خير عالموضوع



جزانا الله خيرا جميعا و انت خير مثل نعتز بيه في المنتدي و ادعلي بالهدايه و ربنا يثبتك يا رب و ينور وجهك بنوره

ahmedtarek90 12-05-2012 06:46 PM

وموضوع جميل :punk:

babyface 12-05-2012 11:54 PM

شكرا جزيلا اخي :no2:


الساعة الآن 01:57 AM.

Powered by vBulletin® Version 3.8.11
Copyright ©2000 - 2025, vBulletin Solutions, Inc.