|
امتحـــــــــــان ميكانيــــــكا ابـــن ميكانيــــــــــكا
بسم الله الرحمن الرحيم
انهردا يوم مش عارف هو عامل ازاي كان عندي امتحان ميكانيكا انهردا اه ميكانيكا فيها ايه عادي ما الدنيا كلها عندها ميكانيكا بدأت اللجنه بالصلاه ع النبي كدا كنا 4 ف اللجنه كل واحد ف زاويه استلمت الورقه ولله الحمد بدات الامتحان يخلي اي حد ينسي هو بيحل ازاي اصلا بعد ربع ساعه من الوقت بقيت لوحدي ف اللجنه ايه يا جماعه ايه اللي حصل ال3 اللي كانو معايا بالصلاه ع النبي قطعوا ورقه اجابتهم اه ماتبصليش كدا قطعوها و عملوا المحاضر بقي و كانت هيصه لوحدي ف اللجنه طب و العمل دا امتحان ابن ميكانيكا زي ما قولت اتوكل علي الله بقي كملت حل بقي بس كنت بجيب الاجابه اول حاجه تخطر علي بالي كانت بتكون ف الورقه اصله مافيش اجابات تانيه اصلا تيجي و فجأه المدرس بيقولي فاضل خمس دقايق ببص ف الساعه لقيت فاضل 10 دقايق اتنجنيت قومت و قولت للمرائب و انت مال اهلك انت يا كداب فاضل 10 دقايق بيقولي بتشتم مين قولتله بقولك ايه هي مش ناقصه جنان مافيش غيرنا احنا التلاته ف اللجنه المراقب التاني قالي اقعد يابني معلش و حل قولتله احل !!!!!!!!!!!! دا انا مستقلبي ضاع يا حج قالي يابني ماتخافش ان شاء الله هتدخل الكليه الللي انت عاوزها مش عارف ليه كدا سمعت صوت في وداني صغير اوي بيقول هندسه و كان في صدي صوت كدا هندسه هندسه هندس قولت لنفسي و ال96 اللي جبتهم ف تانيه دوول ايه راحو و خلاص مفيش هندسه كنت سرحان اه ساعتها فوقني صوت مراقب الطرقه لما دخل اللجنه لقيته بيقول في ايه انتو مالمتوش الورق ليه يلموا الورق ؟؟؟؟ احييييييييييه رجعت للامتحان :no: اعمل ايه دا فاضل 5 دقايق قلت طيب اراجع طيب جيت اراجع قام المراقب ابن المره شادد الورقه و انا لسه براجع قولتله حسبي الله و نعم الوكيل فيك الهي يا رب تجيلك ف عيل من عيالك يجيلوا نفس امتحان الميكانيكا الفاخر يخلص عليه نزلت بقي من المدرسه و طلعت برا قابلت الرجاااااااااله لقيت كميه ضحك اكنهم بيتفرجوا علي البيج شو بيلعب في يورو 2012 بالفانله الحمالات بتاعته بقولهم ها يا رجاله عملتو ايه قالولي هتيجي معانا تجاره ولا؟؟؟؟ ضحكت انا كمان بقي و قولتلهم تجاااره دي بقت حلمي و طموحي طبعا لما مشينا بقي عرفت ان في كمان كام واحد قطعوا ورقهم جينا بقي نراجع كل واحد جايب اجابه شكل و لما تلاقي واحد قال اجابه واحد تاني ع اول الشارع سمع نفس الاجابه ياللهوووووووووووووووووي اكن مصر كسبت كاس العالم و اللي حل نفس الاجابه دي هو اللي جاب الاجوان ادعولنا يا رجاله و معلش بقي علي طريقه كتابه الحوار و اللغه اللي فيه معلش اصل انا كدا بقالي بتاع ساعه الا ربع و اللي رياضه 2 هنا يبقي يطمنا علي نفسه بقي |
:fisch: ربنــا يوفقكم ان شاء الله |
ههههههههههههههههههههههههههههههههههههههههههههه
انا لبست اكبر خازوق فى حياتى احمد بهجت الثانوية بنين خارجه كلها تعيط ! يا اما تضحك للركب من الامتحان :music: |
انا كمان كان عندى ميكانيكا .... ربنا يستر علينا الامتحان كان تقيل اوى ده اصعب من امتحان 2008 وربنا يستر على امتحانين الرياضه اللى جايين وميكونوش كده |
اموت واعرف ايه الـ دخلكم ثانوى ؟؟؟ تخيلو لما تتخرجو هتشتغلو ايه ؟؟ انا فى 3 سياحه وفنادق وان شاء الله طالع معهد 4 سنين وهيكون معايا بكاليروس وقبل كل ده كنت بشتغل فى 2 ثانوى فنى فى فندق وباخد كل شهر 1500 ولسه مكنتش اتثبت ولما اتثبت ماوصل لـ 2000 ولما يكون سنى 24 سنه بوصل لـ 4000جنيه !! ياعنى اى حد فيكم هيدخل هندسه طب مش هياخد حتى نصهم :tongue: |
اقتباس:
معلش لما تيجي تتقدم لواحده دكتوره ولا مهندسه ولا صيدلانيه هتقولها معاك شهاده ايه ؟؟؟؟ و يا تري هي هترضي بيك ؟ |
اقتباس:
ههههههههههه حلو اوى معايا دكتوره معاك شقه ؟؟ .. لا طب مهر .. لا طب جاى لى !! عشان معايا دكتوره ياحجه ياحلاووووووه :roll1: من الأخر أسأل مجرب وكمان هى الشهاده دى الـ هتحسن مستوايا ؟؟ طب انا واحد معايا شهاده برمجه و icdl :sneaktongue: مدام انا تفكيرى كبير وانا وهى فهمنا بعض يبقى خلاص حتى لو رحت اتقدمت لوحده وقالت انا عاوزه شهاده هبقى برضو انا الـ كسبان !! وكمان اكيد هجوز بنت اكون انا وهى بنحب بعض بس من الاخر انت لو مش معاك شقه ولا اى حاجه يبقى مع السلامه يابابا :graduated: |
اقتباس:
|
اقتباس:
|
ربنا معاكو و تعدوا السنة دى على خير
|
على فكرة أى واحد لو فتح عيادة أو مكتب هيجيب ال 4000 جنيه اللى انت بتقول عليهم دول فى 10 أيام بس شرط غن يكون واثق من نفسه وعنده خبرة أكيد |
انا الحمد الله ربنا مكرمنيش فى تانيه ثانوى وجبت 82% روحت محول قالولى فى البيت كمل يا بنى وتدخل كليه خاصه بس انا قولت حرام الى الفلوس الى هتدفعها تمام وبحمد ربنا تانى انى حولت ادبى كان زمانى منفوخ زى مانتو منفخوين كدا ربنا معاكو ومعانا
|
ربنا معاك
|
اقتباس:
بص يابنى اتعلم دنيا وتعالى اتكلم انتا آخرك هتشتغل فى فندق زى ما بتقول وفلوسك فى إيدك بس المستوى الاجتماعى ونظرة الناس للطبيب او المهندس حاجة تانية واقولك على حاجة كمان طلعت او نزلت ومهما فلوسك كترت ، هيقولو سياحة ونادق يعنى لامؤاخذة مش ناجح فى التعليم النظامى ونظرة الناس ليك برضك مش هتبقا زى الطبيب او المهندس وغير كده لما تكون سياحة وفنادق هل ليك فرصة تاخد ماجيستير او دكتوراه؟ لما تكون سياحة وفنادق هل ليك فرصة تسافر تتعلم فى اى دولة اجنبية لما تكون سياحة وفنادق آخرك هتتجوز واحدة مستواها التعليمى آخر هزيك او عالأقل كلية عادية او معهد لكن فعلا مستحيل طبيبة او مهندسة او حتى خريجة علوم تتجوز واحد سياحة وفنادق وحتى لو حصل نظرتها ليه دايما هتكون من فوق لتحت ومع اول خناقة هتقوله احمد ربنا وانتا سياحة وفنادق وانا طب او هندسة واهلى طفحو الدم عشانى ولييا قيمة فى المجتمع انما اللى سياحة وفنادق العشرة منهم بقرش على كل ناصية متزعلش منى بس هى دى الحقيقة المرة مهما كانت فلوسك اللى بتكسبها المجتمع لا يقدر غير الدرجة العلمية ! |
يا جماعة استهدوا بالله كده انتوا مابتفكروش ما كلامكوا الهايف ده هو اللى جايبنا ورا
الرجال افعال و ليس اقوال على حسب فهمى للمقوله دى و بعدين البنات كتيرة و لسة هتكتر و الحمد لله |
| الساعة الآن 07:53 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.