|
ماتزعلش ... ده وده ( زي حالاتك )
http://www7.0zz0.com/2012/06/25/13/926292579.png
لما يبقي عندك امتحان والامتحان جه سقع وانت مش عارف تحل حاجه خالص وطالع من الامتحان مخنوق زهقان مانتاش طايق نفسك طب لما تطلع وتتكلم مع صحابك وتلاقي الكل (متلطشله) زي حالاتك طبعا حالتك بتبقي احسن وبتهدى الخنقه شويه طب ليـــــــــــــــــه لان الامتحان ماجاش صعب عليا لوحدي صعب علي الكل .. عليا وعلي غيري .. وهي دي طبيعتنا ان البني ادم بيقل احساسه بالهم لو حس انه مش لوحده فيه زي ما الخنساء قالت في موت اخوها ولولا كثره الباكين حولي ...علي اخوانهم لقتلت نفسي وما يبكين مثل اخي ولكن ... اسلي النفس عنه بالتأسي حد يسألني بقى , كل الكلام اللي انت قولته فوق ده علاقته ايه بالموضوع !! هقوله للاسف اي حد لما بتقابله مشكله بيتهيأله انه لوحده فيها ومفيش حد حاسس بيه مفيش حد يستحمل اللي هو فيه لكن الحقيقة انك "مش لوحدك" اي ان كان الظرف اللي انت فيه دلوقتي غريب ▬ محرج ▬ مؤلم في ناس كتير عندها نفس مشاكلك وظروفك اقولك علي سر لما عقلك يقولك انك لوحدك في الهم ده اعرف انه بيضحك عليك عشان تفضل تنكد علي نفسك يعني لما تقعد تعيط لوحدك وتقول ليه بيتنا بس اللي فيه مشاكل !! ليه انا بس اللي فى الهم ده لوحدى !! ليه انا بس اللي مرضي مابيفارقنيش !! انا بس انا بس لوحدي لوحدي لوحدي ياعم انت مش لوحدك ... الحج سيد جاركم اللي فوقيكم ممكن يكون عنده مشكلتك وانت مش عارف البت اسماء اللي عامله فرحانه ممكن تكون عندها مشكلتك وانت مش عارف احمد اللي معاك في الشغل ممكن يكون عنده نفس مشكلتك وانت مش عارف اللي لازم تعرفه انك مش لوحدك اللي عندك مشاكل او اللي عندك المشكله دي غيرك كتير عندهم نفس المشكله وانت ماتعرفش لانهم مستحملين هما مش احسن منك وتقدر تستحمل انت كمان واحمد ربنا انه مابتلاك بمصيبه اشد . |
لـفـة نـظـري لـمشـاكـل كـنـت مـعـتـقـد ان انـا لـوحـدي فـيـهـا
|
عندك حق
|
اقتباس:
|
طمنتنى شوية
تسلم |
اقتباس:
اقتباس:
|
أهم حاجة الواحد يرضى و يقول الحمد لله أى نعم الواحد فى مشاكل بس لو بصيت فعلاً حواليك ممكن تلاقيك انت أقل ابتلاء مثلاً تسلم صوابعينك والله |
موضوع جميل جدا وفعلا انت مش لوحدك ... تسلم |
تسلم والله انت طمنتني واهم حاجه الواحد يقول الحمد لله :)
|
عندك حق
احنا عالم معقدة |
| الساعة الآن 02:35 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.