شرح لعبة league of legends .... تم اضافة تعديلات
 

اولا معلومات عامة عن اللعبة:

1-اللعبة من العاب ال dota وليست كنظام سيلك رود والمتعارف علية بمعنى ان الاكونت نفسة ليفلة بيعلى اما الشخصية فهى ليست واحدة ولاكن عندك اكثر من 80 بطل تقدر تلعب باى حاجة تعجبك فيهم

2- تقدر انك تمتلك اكثر من بطل تلعب بية ( طبعا هتختار الى يدخل مزاجك وتحبة وتحس انةبيناديلك هههههه

3- اللعبة جماعية بمعنى انة فريق اودام فريق وانت وكل فريقك والفريق الى اودامك بتنزلوا ليفل واحد كلوكوا

4- بتعلى ف الليفل جوا اللعب عن طريق انك تموت حد من الفريق الى قدامك يا اما تموت حاجة اسمها ال minions و ال minions دى عبارة عن بوت بيمشى بيطلع من ارضك ومن ارض الفريق الى قدامك كل ما تموتة تاخد علية اكسبرينس علشان تلفل

5- فى جولد ف العبة بس الجولد دا ساعت ما الماتش يخلص الجولد يروح لانك بتستخدمة وقت الماتش بس علشان تجيب بية items زى مثلا HP او attack speed او DEFENCE حاجات تساعد نوع الشخصية بتاعتك

6-طيب دلوقتى انت نزلت ماتش هتعمل اية ؟؟ هتفضل واقف 30 ثانية لحد ما يعلنوا ان ال mionions هتبداء تظهر الى انا لسة متكلم عليها ف النقطة رقم 4 واوعى تروح ارض الفريقالى قدامك لان ف حاجة اسمها towers زى الى ف حروب سيلك رود دى بتضربك لما تقرب بدون ما حاجة تحميك وطبعا لو ليفلك صغير وبتلعب بشخصية ماجيك دمها صغير هتموت بسرعة وول حد جنبك من الفريق اللى بيلعب اودامك ولمسك لمسة الموت الى انت موتها هتتحسب لية

7- طيب تمام كدا انت عرفت ان ف Towres ولازم تدمرها لحد ما توصل للكرستالة الى ف قلب الفريق الى قدامك ولو موتوا الكرستالة الفريق الى قدامك يخسر طيب هنموت البرج دا ازاى ؟ انا هقولك

8- تستنى لحد يا انت تموت اللاعب او اللاعبين الى قدامك علشان تقدر تقرب من البرج وتضربة يا اما تستنى انة يرجع ارضة علشان يروح يجيب items بالجولد الى معاة علشان يعل نفسة وستغل الوقت دا بس خلى بالك متقربش من ال tower الا و ال minions بتاعت فريقك بتضرب فية لانها بتشيل الضرب بتاع التاور عنك لحد ما انت تموت التور الاول والتانى والتالت الى ان توصل للكرستالة الى خى اخر حاجة وتكسب

9- اللعبة بتعتمد على روح الفريق لازم تساعدوا بعض وتنبهوا بعض لو مثلا شوفت حد رايح يموت حد من فريقك بتكتب حاجة اسمها SS يعنى lost champ يقوموا هما يخدوا خذرهم ويرجعوا لو متقدمين ف ارض الفريق المنافس

10- حضرتك لو قتلت شخصية بتاخد 400 جولد صافى ولو حد ساعدك هو كمان بياخد جولد معاك بس انت مش بتاخد 400 بتاخدلك 300 لو واحد ساعدك لو اتنين ساعدوك تاخودلك 250 واقل حاجة 150 جولد لو انت الفريق كلة كان بيضرب معاك ومسكتوا واحد عجنتوة ف النص

11- انت ممكن تلعب ضد الكمبيوتر الى هو ال bot ودول مش ناس حقيقين دول كمبيوتر بيلعب اودامك ودى ف حاجة اسمها Co-op وفى حاجة تانية اسمها PVP وبعدين تحتار calssic دى بقى بينزل معاك ناس وبتلعبوا اودام ناس ودى تلعبها لما تكون ادربت ف االلعب اودام البوت وفهمت النظام علشان متخشش تخسر وتتعقد لان اللعب اودام البوت سهل عن اللعب اودام الناس وف حاجة تالتة بس انا مش بلعبها فى ال PVP برضة اسمها dominion ودى ضد ناس بس نظامها مختلف

ودى شوية صور للكلام الى انا شرحتة اول صورة دى لل towers الى المفروض انك هتدمرها وصحيح نسيت لازم تدافع عن ال towers الى ف ارضك علشان محدش يدخل على الكرستالة بتاعتك ويخسرك والتاور بتاعك لو حد ضربك تحتية التور بيضرب فية وضربتة حلوة لو انتوا ليفل صغير تحت لفل 10 مثلا

و دى صورة للكرستالة الى لو اتدمرت تبقى انت خسرت الماتش ولو دمرت كرستالة الفريق الى قدامك يبقى انت كسبت الماتش

طبعا ف حاجة اسمها IP ودى بتاخدها بعد كل ماتش سواء خسرت او كسبت وبتبقى موجودة ف المكان دا الى ف الصورة ودى بتستخدمها علشان تفتح ابطال جداد او تشترى حاجة اسمها runes

[CENTER]http://www12.0zz0.com/2012/07/15/08/382823967.jpg

طبعا انت بتسال اية ال runes دا هقولك دلوقتى ال runes دى احجار بتشتريها وليها 3 مستوايات مستوى من لفل واحد لحد عشرة ومستوى من عشرة ل عشرين واخر مستورى ليها من عشرين ل تلاتين وطبعا انت هتشترى بعد عشرين علشان دول اجمد رنات تستخدمها اما الى فاتوا دول هتضيع الاى بى الى معاك على الارض وخلاص وكدا كدا لما تعدى عشرين هتغيرهم تاااااانى غصب عنك علشان تجيب الاجمد الرنات دى بتديلك حاجات passive للشخصية مثلا تزودلك الضربة الماجيك بحاجة اسمها ability او تديلك دفينس او تديلك دم تكبرلك دم الشخصية يعنى انت ومزاجك بقى تشوف شخصيتك محتاجة اية وتحطهولها وال runes دى بتتجاب من ال shop عن طريق ال ip الى بتتاخدة بعد كل ماتش


ودى صورتها


http://www12.0zz0.com/2012/07/15/08/769465368.jpg


ودى صورة للشوب الى بتتسوق منة علشان تشترى مستلزمات شخصيتك او ممكن نقول علية ال store ودا بتشترى منة الابطال الى تحب تلعب بيهم وممكن تشترى منة ال runes و ممكن تشترى منة اشكال جديدة لشخصيتك غير الشكل التقليدى بتعها بس الاشكال دى بفلوس حقيقى بتشحن حاجة اسمها RP يعنى riot points و دى زى السيلك كدا بتاع سيلك قرود


http://www12.0zz0.com/2012/07/15/08/270320917.jpg


وف حاجة اسمها spells ودى بافات بتاخد منها اتنين وانت نازل اللعبة علشان تستخدمهم مثلا ف واحد بديلك سرعة واحدة تانية بتديلك دفينس واحدة غيرهم بترجعك من الموت بسرعة مهو خلى بالك لما تموت بتعد كام ثانية على ما تصحى لان لازم كدا علشان لما انت تموت حد ميجلكش بسرعة و تعرف تموت التاور بتاعة وكل ما تزيد ف الليفل الفترة الى بتعدها ف الموت بتزيداخرها 75 ثانية تعد تتفرج على الى بيحصل وانت ميت


دى صورة للspells


http://www9.0zz0.com/2012/07/15/08/357855437.jpg

ولعلمك مثلا انت نزلت اللعبة وف شامبيون عاوز تشترية جربة ممكن تتفرج علية مباشر بيعرضوا ماتشات مباشر SPECTATE LIVE اهو بالمرة تشوف طريقة اللعب وتشوف الشامبيون دا اية ظروفة ومعلومة ليك الشامبيون كلها كويسة ولو خسرت يبقى منك مش لانة وجش ودى حاجة انا متاكد منها مية ف المية واسعار الشامبيون بتختلف ف بسعر بسيط وف حاجات محتاجة منك تلعب مثلا اسبوعين على ما تجمع الاى بى بتاعها بس لعلمك هما غاليين علشان لسة نازلين جداد انما القديم هو الى رخيص بس مفيش ابطال وحشة كلهم جامدين وبيعتمدوا على لعبك انت

2

http://www7.0zz0.com/2012/07/15/22/135204664.jpg

واخيرا دا موقع اللعبة للناس الى لسة هتسجل او هتعملها دونلود

بما انى اول رد يا معلم شرح جامد جدان و اهو انا اربت اجيب ال 30 و نعمل Rank

شكرا لردلك نورتنى :
انا لفل 30 واسمى PEL WOLF ومعايا فرندس حريفة جامد جدا وبنات من اوربا بتلعب احسن من الشباب ههههههههههههههه اة والله بس حريفة اوى اوى ف اللعب بنزل معاهم نادرا ما بخسر ماتش ممكن نجمع لعيبة كويسة ونعمل تيم كويس حتى لو تيم عربى ومندخلش اجانب وسطنا وننزل انا اعرف واحد مصرى لفل 30 جوا معايا ف الفرنس اسمة shine healer بيعرف يلعب وتمام لو قدرنا نجمع اسماء بعض ونضيف بعض ونفتح مايك اللعب هيسخن اوى يبقى تمام

موضوعك جامد انت كدا جبت من الاخر تسلم ايدك :D

بس معلش هتقل عليك ياريت تشرح ال Play

مش ازاى تلعب اصدى ال Play يعنى لو عاوز انزل قدام كمبيوتر بس او قدام ناس بس يعنى حاجات

ال Play اللى موجودة ال custom و ال co op وال pvp وايه ال classic وال dominion بيختلفو فى ايه

معلش تعبتك معايا :))

لا مفيش تعب بص انت بتتكى على كلمة play الى بالاحمر لو عاوز تلعب مع ناس حقيقين ودول بيبقوا ف فريقك والفريق الى قدامك بتختار PVP وتختار classic من gamemode بعد كدا هتلاقى game map هتلاقى تحتها نظامين نظام منهم خمسة ضد خمسة او تلاتة ضد تلاتة وبعديها هتلاقى gameType اول واحدة دى نوع الارض الى هتلعبة فيها العادية والى تحتها معرفهاش علشان مكدبش عليك والتالتة دى الرانك ودى لازم تكون لفل تلاتين والرانك دا بتتقيموا ف موقع اللعبة انك بيبقى ليك رقمك على المستوى العام للعبة علشان يميزوا افضل لاعب

وف حاجة ف البى فى بى ودى اسمها dominion بتنزلوا خمسة ضد خمسة ومفهاش تلاتة ضد تلاتة ودى بتنلزا ف ارض صغيرة و ف اماكن كل ما تسيطر عليها تتلون بلون الفريق بتاعك لازم تسيطر على اكبر اماكن ممكنة وتمنع الفريق الى قدامك يسرق منك الاماكن دى علشان ميفزش عليك بانك تموتة لو امكن او تدافع عن الارض



تحتها ف حاجة اسمها Co-op vs.all ودى ضد الكمبيوتر بس الناس الى ف التيم بتاعك ناس حقيقين اما الى قدامكوا بوت تبع اللعبة مش ناس حقيقية ودى فيها خمسة ضد خمسة الى هو classic او dominion الى شرحتهالك فوق ودى ضد كمبويتر برضة يعنى co-op دى كلها لعب زى الى فوق بس ضد الكموبيتر من الاخر الى هو البوت

تالت واحدة اسمها custom ودى فيها join هيدخلك تدور على جيم حد عاملة وفى Create و دى انت الى بتكريت جيم و تستنى حد يدخل علشان تبداء

واخر حاجة الTutorials ودى تدريب وملهاش اى لازمة ممكن تلعبها مرة بيدربك فيها على اللعب وطريقة اللعب ممكن تعلمك شوية حاجات بس كدا هما دول كل حاجة

عندي اكونت لفل 30 معدي ال 3000 ماتش وشبه عندي كل الchampions لدرجة ان انا زهئت من الgame :111 (9)::111 (9):

شرح جااااامد من شخص اجمد
بجد تسلم
انا كنت بفكر انزلها اللعبه ديه هحاول اجبها وانزل

لا انا بقالى شهر ونص تقريبا ومزهقتش بصراحة لسة ف حاجات عاوز اعملها كتيييير بس مستنى الاى بى يكتر :sleepy:

مجهود رائع

سؤال بئا كدا هيا حكايت ال ali star جامدة بس مفيش زيها لا اى شامبيون ؟

لالا مفيش غير اليستار لما ينزل جديد هعمل موضوع نورتنى يا كبير