|
ما اكبر امل لمجموع 51 % فى التانويه العامه 2
اولا دا مش مجموعى دا مجموع بنت خالتى انا جايب 96.8 %
الغريبه انى كنت براجع معاها بعد كل امتحان وكان ساعات انا الى ببقا غلطان وهى صح وفى الرياضه كان كله عندها صح وجايبه 6 ونص من 50 وهتدخل بيه دور تانى انا والله مش عارف اعمل اى من ساعتها زعلان جامد كنا متفقين مع بعض انا طب نساء اولد وابعت الاطفال عليها لانها هتبقا طب اطفال متفقين على كدا من 2 اعدادى علشان كدا حبيت استعين بخبراء المنتدى علشان يقولولى اى احسن حاجه المفروض تتعمل دلوقتى مع احتمال ان ورقها متبدل |
احسن حاجه تعيد السنه ,,, لو نفسها تخوش طب بجد ,, انا مش بحبطك انا بقلزك الحقيقه ,, ولو عندك شك روح قدم تظلم للوزاره
|
فى نظام الثانويه العامه الجديد ؟
|
تقريبا اه لو عادت السنه هتاخد تانيه نقل و 3 شهاده .. لو ممكن الاتنين شهاده باين مش عارف والله
|
مع واحده كانت بتذاكر 24 ساعه وفى الاخر ورقها يتبدل مستحيل لو انا مكانها افتح كتاب تانى اصلا
بس العمل اى فى البلد بنت ***** لازم وسطه جامده علشان الموضوع ده حد يهتم بيه |
خاص بقى وخلاص بس لو رحت عملت تظلم هيعقد كتير
|
كده يامعلم كل سنه وانت طيب .. ولو رحت الأداره هتدفع فلوس وهيلفلفوك الصنيه وهتطلع انت كمان الـ خسرران .. :stun: |
بلد بنت ***** لو اسرائيل دخلت دلوقتى انا اول واحد هرشح نفسى ابقا جاسوس
|
بص انا هقولك ع حاجة وياريت تحطها ف دماغك وتفكر فيها لو قريبتك دى زى ما بتقول كانت بتزاكر كويس وبتراجع معاك ومفيش غلطات يعنى ع الاقل كانت جابت فوق ال 90 لكن مش 51 ماهو مثلا لو كان اللى بيصحح دا متخلف اكيد مش هتوصل بية الغباوة لكدة الحل بقى هتعمل زى ما انا عملت زمان هتطلع تعمل تظلم ع الخمس مواد المادة = 100 جنية ومش خسارة 500 جنية بس عشان قلبكوا يرتاح وهتطلع ع اسكندرية ف مدرسة جنب كلية الهندسة هناك وهتدخل هيدوك الورق بتاعك وكمان نموزج الاجابة بتاع الوزارة وورقة التظلم وتكتب فيها الى انت عاوزة ولو طلع عندك بس ربع درجة ال 100 بترجعلك تانى دا الصح ودا اللى المفروض يتعمل متسمعش كلام اى تافهه ومتغلطش ف الدولة بتاعتك وحوار التظلم دا بيتم ع اكمل وجه واسال مجرب ------------- |
الكلام دا لو ورقتها فيها غلط
لكن دا اكيد 100 % ورقتها متبدله ساعتها اى العمل ؟ |
على فكره الاخ chetoos داخل يهرج انت عارف يا حبيبي 51% يعني ايه يعني نص المجموع ده معناه ان في مواد ممتحنتهاش او ورقتها اتبدلت طبعا تروح تكشف لازم ولو ملقتش حاجه تعيد السنه وكنت عايز اقولك حاجه في الجزئيه دي
لو عادت السنه الوزاره بتخيرها بين النظام القديم او الجديد زي ما هيا عايزه يعني هيا اللي هتختار انا راي اكشفوا الاول ولو منفعش تعيد السنه ده مستقبلها يا جدعان مش سنه نقل يعني وارجو اكون افدتك |
اقتباس:
بص يا حبيبى وافهمنى مفيش حاجة اسمها الورقة تتبدل الورقة ليها رقم جلوس ورقم سرى شيل الاحتمال دا من دماغك ولو كان حصل اصلا الكنترول كلة بيتحول للتحقيق وبتوصل للفصل النهائى ودا قرار وزارى فكر وقولهم بس اللى انا قولتهولك وربنا يوفقها باذن الله |
يا ريت مندخلش فى مناقشات ملهاش علاقه بالموضوع يا رجاله اللى يقدر يفيد الراجل يتكرم ويفيده يا ريت منعلقش على كلام حد بكلام مستفز :111 (9): |
يا جدعان علشان خاطرى متقفلوش الموضوع
انا لسه متصل بيهم والمشكله الكبيره دلوقتى ابوها حالف انه مش هيعمل حاجه من دى وبيقولها اعودى فى البيت ارجو من الاداره الصبر شويه على الموضوع |
هغلق لما حضرتك تطلب خد وقتك متقلقش :) ـــــــــــــــ يا رجاله مش كل ما ادخل الموضوع امسح مشاركات يا ريت نهدى بقى |
| الساعة الآن 07:08 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.