ما هى فائدة الـ Guild ؟ و مننين اعمله - شرح كامل للجليد والعصابات
 

أنا هجيبهالك من الأخر عشان تفهم
جيلد يعني عصابه ... شله عايشين علي الحلوه و المره سوا
والمفروض إنهم بيكونوا ماشيين علي المثل إللي بيقول ... يانعيش عيشه فل يا نموت إحنا ااكل

بيبتدوا بأصغر ما يكون .. وهو طبعا لفل 1 ... يعني لسه .. نشالين صغيرين .

وطبعا البدايه بيبتديها المعلم الكبير ... إللي هو بعد كده هيكون رئيس العصابه .. بيغرم من جيبه 500 ألف جولد .. عشان يسجل إسم العصابه في اللعبه .


العصابه في أول لفل مش بتشيل أكتر من 20 نفر ... بالمعلم الكبير طبعا .. والمطلوب منهم إنهم يلعبوا "يقتلوا وحوش يعني " عشان يقدروا يجمعوا نقط مهارات SP , Skill points .... المهم في الموضوع بالنسبه للعصابه نفسها مش إنهم يجمعوا SP المهم إن مع كل SP كل عضو في العصابه بيجعها ...العصابه نفسها بتاخد نقطه واحده .... وبيكون إسمها GP ... يعني نقطه للعصابه نفسها



ويفضلوا يعلبوا ... لحد ما يكملوا ال 100% في اللفل بتاع العصابه نفسها ....


وهنا لازم رئيس الصعابه ..يتسحلب و يتدحلب ويجمع مع أفراد العصابه كل واحد مبلغ محدد ... عشان يقدر يكبر العصابه للفل 2 ... إللي بيتكلف 3 مليون جولد ... ويبتدوا يجمعوا تاني عشان يخطوا اللفل إللي بعده ... وهكذا ..



لما أفراد العصابه يكون لفلهم كويس ... يعني من 60 - 80 ... يقدروا يعملوا تجاره من مدينه لمدينه ... أو حتي يسرقوا مع بعض .... وأهي لقمه هنيه تكفي 100 ....



الفوائد إللي بتعود عليك من إشتراكك في العصابه لا تعد ... منها
1- إنك بقيت في عصابه ...
2- إنك بقيت تحمل إسم العصابه
3- إنك بقي عندك إسم فوق إسمك ..إللي هو برضه إسم العصابه
4- إنك هتدفع كل مره العصابه تترقي من لفل للفل
5- إنك لما العصابه تطلع تسرق هتسرق معاهم ولما يطلعوا يتاجروا برضه هتكون معاهم
6- هتكون صداقات كتير .
7- ممكن لو إنت فرد كويس في العصابه ... أفراد العصابه يحبوك ويبتدوا يسلفوك حاجات قديمه عندهم
8- هتلاقي حد تسأله ... أعمل ده إزاي وأعمل ده إزاي .. ويعني إيه تابلت ويعني إيه SOSUN
9- هتتعلم إزاي تبني شخصيه مضبوطه ..
10 - لما العصابه تعمل حرب مع عصابه تانيه .... هتاكل ضرب لما تقول يا بس ... أو هتضرب لما تشبع (علي حسب لفلك )



أما بالنسبه للفوئد إللي بتعود علي الزعيم .. اقصد يعني زعيم العصابه
1- إنه بقي زعيم
2- إنه هيتحكم في خلق الله
3- إنه هيكون هيشيل هم كبير ومسئوليه في أغلب الأحيان مش بيكون قدها
4- إنه بعد لفل 3 بيقدر إنه يستعين بحاجه لو إتزنق ... إسمها Mercenry .. هنسميها إحنا الحرس الخاص بتوع رئيس العصابه ... دول هديه كده فوق البيعه للزعيم ... أول ما يتزنق في سرقه أو في تجاره .. يروح مشغل الحرس بتوعه ... الحرس بيتكلفوا لميون جولد لكل مره الزعيم يطلبهم + 10000 GP إللي هي نقط العصابه
وأي حد يقرب من الزعيم .. طبعا أي حد يمكن يكون عدو ... يعني مثلا لو هو حرامي يبقي اي صياد أو تاجر
الحرس الخاص ... بيشتغلوا علي طول ....
5- في أغلب الأحيان بيدفع هو كل لفل المبلغ المطلوب لرفع لفل العصابه




ده بالعربي الفصيح كده شرح العصابه .....أقصد الجيلد .

هيهيهيهيهيهيهيهي مشكور

موضوووووع جامد جداً جداً
مشكووووووووور

ههههههههههههههه
اللع يفتح عليك وكل سنه وانت طيب

مشكور يا مان اوى

شكراا يا باشا

مشكور يا مان

thnx

هههههههههه فل عليك

thnx

انت راجل عسل

حلو يا مان

قشطه يا حج

مشكوور علي الردود

هههههههههههههههههههههههههههههه


جامده اوى الشرح


هههه وبطريقه فل اوى