|
سؤال يا رجالة من فضلكم ؟ وخصوصا للى دخلو الجيش وارجو الاهتمام
السلام عليكم ورحمة الله وبركاته من فضلكم يا شباب حاليا انا بالجيش قوات جوية ولسه مخلص مركز التدريب يعنى لسه الضوابط مش فاهمها كويس وبكرا ان شاء الله رايح كسفريت الاسماعيلية ... وقالو لازم اركب القطار الحربى وانا عايز اركب ميكروباص ... وبالتدريب قالو لو اى شرطة عسكرية شافتك وانت راكب ميكروباص هتتمسك وممكن يسجنوك وسمعت انها سجن سنة واصحابى يقولو بنمشى قصادهم ومافيش مشكلة وانا عندى سفر يعنى فى نقاط تفتيش كتيرة واكيد هقابل شرطة عسكرية بالطريق .. وماينفعش اتغيب وإلا هتسجن برده ايه الحل يا شباب ؟ لو ينفع تفيدونى للى عنده خبرة |
طيب خليك فى المضمون و السليم أحسن
و اركب القطر الحربى |
اقتباس:
ده غير شفت رد واحد عالنت بيقول ربنا مايكتبها لحد ويركبه الميكروباص افضل بس الامان ليا ايه ؟ |
بص انا اعرف 3 فى اماكن مختلفة منهم واحد فى القاهرة (مركزية)
كلهم بيركو مواصلات عادى .. انت اول مرة بس خليك رسمى واعرف النظام وبعد كدا ابقى قضيها ذى مانت عاوز الشرطة العسكرية مش بتعمل حاجة .. فى حاجة ثانية ا*** اسمها م.خ ودول مش بيرخمو غير لما يحبو يرخمو ربنا معاك وان شاء الله تقضى الخدمة على خير |
اقتباس:
أحسن ما تتمسك و تحصل مشاكل زى ما بتقول ممكن توصل لحبس , خليك فى المضمون |
اقتباس:
انا بسأل عالقانونى عشان لو شرطة عسكرية ماعندهمش ضمير - هيمشوها ميرى وهتغم فا بعمل حذر وانا مش خدمتى هناك .. رايح مدرسة المعركة والامداد للقوات الجوية اسبوعين تدريب لكن خدمتى فى مطار الماظة الحمد لله فا ماعرفش حاجة هناك- وشكرا لمساعدتك اقتباس:
وانا بقيت افكر بالقطر . على بكرا ان شاء الله اكون خدت القرار ويارب الافضل ان شاء الله شكرا لمساعدتك واهتمامك |
انا من الاسكندرية وجيشى كان فى برانى كنا بنركب باص بتاع الجيش من سموحة يوصلنا الوحدة بتاعتنا وكان فى ناس بتحب تركب الحربى عشان اللمة والصحبة ومفيش رتب كتير وبقضوها هزار ولعب لحد ما يوصلوا اكنها رحلة بالظبط نصحتى قضى جيشك بشكل ملتزم هتستفااد كتير انا مخلص جيش من 20 سنة يعنى من عمرك كده افضل وقت قضيتة فى الجيش اهم حاجة عيش الفرصة الى انت فيها وحاول تتعلم وشيل من دماغك موضوع حكم النفس على النفس والاهانة اللى الشباب مليه بيه دماغ بعض دى فرصة صدقنى انك تكون شخصيتك ومهارتك وقوة تحملك وربنا معااك وان شاء الله هتكون اقوى مما انت عليه الان بعد ان تنتهى فترة التجنيد |
قريبى فى الجيش كل لما بينزل بيقول بيكون فية شرطة عسكرية عند المناطق هناق وبيطلو الكرنهات وكدة ولم مش لقين لبسين الهدوم حس وال والحجات دى
ولو انت من اسكندرية احصلنك اركب القطر عشان بيكونو موجدين بلهبل عند المواقف بتاعت المشريع وبيقفشو فى الفراخ |
ملحوظ مغلش الاقطر كامن عشان ببتوزعو ولازم تكون مع بعض ومينفعش يكون كل واحد فى حتة
|
اقتباس:
وان شاء الله اقضيها سعيدة انا كمان . ومن حيث التحمل فا انا شفت اسوأ تعب بحياتى 30 يوم اللى مضو بالتدريب لكن الحمد لله على كل حال ويارب الجاى افضل اوكى هركب القطار وتوكلت على الله شكرا ليك يا غالى اقتباس:
اقتباس:
شكرا لاهتمامك |
اقتباس:
منتا عــارف انه قطـــر معفـــــن .... ورحته ..... ( ناس واكله في بي ) :111: بلاش يبــــني الحربي .... حرام عليك نفســـــك |
بص انا جيشي كان في براني بردو انا لسه ومخلص من سنه
وطبعاً لو قانوني لازم اركب القطر الحربي بتاع المنطقة الغربيه وطبعاً القطار بيكون زحمه موت ده غير اني كنت بركب من 3 بليل وبوصل الوحده بتاعتي الساعه 5 العصر تاني يوم وهوا الطريق لو اخدتو دريك بعربيه مش هياخد 5 ساعات مكدبش عليك انا في أول جيشي كنت بركب الحربي لاني مكنتش اعرف مواصله غيره قعد ع المنوال ده 3 شهور وكنا بردو بنتمسك في مدرسة المعركة وفرع الشرطة ختاته بعيد عنك لحد ما زيملي في الوحده دلوني ع الطريق بالظبط وكنا بننزل بالملكي الى هيا الهدوم العاديه عشان لو شرطة عسكرية او اي حد منتقفش وبتعدي :13: في المضمون دلوقتي بما انك لسه مستجد خليك ع القطر الحربي واسأل زميلك في الوحده وشوف مين الى بينزل وبيرجع ملكي وظبط معاه وشوف هل هما بينزلو بالهدوم الملكي او بالميري وربنا معاك ويعدهملك على خير ويا بختك بجد انا ياريت الوقت يرجع بيا لورا عشان اكون في الجيش تاني الى كنت في يوم من الايام هموت وخرج منه تصدق |
اقتباس:
ربنا يستر ومايكنش زحمة احسن اسمع الناس بتقف عالباب كتيرة وانه بيتأخر بالساعات ومش هقول يارب ارجع الجيش . عشان انا ماشفتش فيه غير مركز التدريب بس .. يعنى مستحيل اقول يارب الايام دى ترجع تانى وايام الخدمة جاية ان شاء الله ويارب تكون من احلى ايام حياتى .. وبرده مش هقول يارب ترجع عشان عايز اتجوز :) :whistling1: والحمد لله انك خلصت على خير بالتوفيق بحياتك ان شاء الله |
توكل على الله و اركب القطار
|
| الساعة الآن 09:15 AM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.