عاوز اتعلم السواقه
 

السلام عليكم ورحمه الله وبركاته


انا اخوكم خالد من اسكندريه انا كنت عاوز اتعلم السواقه بس مش عارف اروح فين انا من اسكندريه

ممكن الى يعرف يقولى فين وبكام وشكراً

لا مش هينفع انا عاوز اخود شهاده مهاره بعد ما اخلص الدوره تعليم القياده

انزل شارع جمال عبد الناصر عند النفق بتاع 45 هتلاقي هناك شركة تعليم قيادة جنب واحد بتاع سندوتشات اسمه لماضه

طب حضرتك اروح ازاى

يا جميل مفيش حاجه اسمها شهادة خبره فى السواقه

حضرتك بتتعلم عشان تاخد رخصه وتبقى مؤهل انك تركب عربيه وتقدر تسوق وسط الزحمه وتعرف تتحكم فى العربيه ومع الوقت والممارسه هتبقى خبره فى السواقه

اوكى انا عاوز اى شركه تعلمنى

طيب قولي انت ساكن فين وانا هقولك تركب ايه

انا مش من اسكندريه انا من امبابه

تيجى امبابه اوديك مركز تعليم ؟ :)

بس صحيح انت كام سنه ؟

انا ساكن فى العامريه واعرف العصافره كويس انا خالى ساكن هناك بس معرفش بصراحه سيدى بشر

انا اركب محطه مصر ومن المحطه سيدى بشر بحر ؟ ولا عصافره 45؟

انا 16 سنه بس هشترى عربيه كمان سنه ونص ان شاء الله اول ما ادخل الكليه ان شاء الله فا انا فى 2ثانوى عام

فا عاوز اتعلم من دلوقتى يعنى

هتدفع فلوس علي الفاضى لأن السواقه ممارسه انصحك خليك مع حد من قرايبك الفتره دى لحد ماتجيب الـ 18

عشان تتعلم وتطلع رخصه وتطيح فى البشر بقى وتموتلك 20-30 واحد :)) :mf_popeanim:

لا بلاش حكايه القرايب انا عاوز شركه احسن

بص يا باشا هتركب عصافره من العامريه وهتنزل شارع 12
او اركب عوايد واركب عصافره من هناك
انت هتقول للسواق اروح شارع 12 منين
هتمشي شوية لغاية النفق وتسأل هناك على شارع جمال عبد الناصر
اول ما تحط رجلك هناك هتسأل على لماضه بتاع الساندوتشات وهتلاقي الشركه لازقه جنبو

بس استناني بكره هرد عليك اقولك اذا كان في شركه جنبكو او حتى في البرج تبقى اقربلك والشوارع هناك واسعه وفاضيه وسريعه تاخد راحتك وانت بتتعلم