وصل صوتك للمشرفين
 

الموضوع ده انا عملته عشان نناقش فيه اوضاع القسم كل واحد مننا يكتب ملاحظاته عن القسم وايه اللى مش عاجبه فى القسم ويطلب تعديله من المشرفين

انا هبدأ ان شاء الله

انا ملاحظ فى القسم ان مواضيع كتير جدا بتغلق عشان ليها موضوع موحد مثبت خاص بيها مثلا زى

1_ الكوميدى : انا مش حابب الموضوع ده بحس ان الموضوعات الكوميديه اتلغبطت وصاحب النشر فى الموضوع الكوميدى مش بياخد حقه فى الردود

2_ طلبات الاعضاء : الموضوع ده مغلق واى حد يطلب حاجه المشرف يقوله فى موضوع مثبت لطلابات الاعضاء والموضوع مغلق اساسا

انا شايف دلوفتى ان معظم المواضيع فى القسم مقتصره على الاخبار والقصص والروايات ولو المشرفين عملوا موضوع موحد ليهم يبقى مش هنشوف موضعات خالص غير اللى فى المواضيع المثبته



انا بقترح ان اللى عاوز يعمل موضوع كوميدى يعمله واللى عاوز يطلب حاجه يعمل موضوع ويطلبها وده هيكون اسرع ان شاء الله من المواضيع المثبته

كلامك جميل
بس لو عاوز رأيى
خلى النقاش ده ف ىقسم الشكاوى
او فى الموضوع المثبت :whistling2:

انا ممكن اكون معاك في حوار الكوميدي ده انما موضوع الطلبات علي ما اعتقد انهم لو عملو زي ما انت بتقول كل يوم هتلاقثي زوربيح من المواضيع عن الطلبات ومش هنعرف نعمل مواضيع تانيه فا انا من راي انهم يشغلو موضوع طلبات الاعضاء وخلاص

هههههههههه انت استاذ المشرفين هنا عايزين الشغل ليهم والردود ليهم لو خدت بالك 90% من المواضيع المثبته للمشرفين مش للاعضاء =))

أنجم ممكن يكون واكيد ليك حق
بس راجع قوانين القسم وفي قوانين للمشرفين ماشيين عليها
واكيد ممكن يكون في تعارض بس يكون احسن لو نقلت الموضوع للاقتراحات النقاش هناك هيكون احسن :lulu16:

طيب منا لو حطيت الموضوع فى موضوع الشكاوى محدش هيشوفوا وهيروح زى مكتير مواضيع راحت قبل كده

طيب ماهو هنا في القسم هيعدي وهينزل وهيتقفل :icon4:

انا واحد من اعضاء القسم مش بدخل على موضوع شكاوى واستفسرات الاعضاء خالص
وانا عامل الموضوع ده عشان اخود رأى الاعضاء فى تصرفات المشرفين
ولو عملت الموضوع ده فى قسم الشكاوى مش هيشوفوا الى المشرفين وقله من الاعضاء لاكن كده اظن ان الاعضاء هتشارك اكتر

ده باماره ايه ان المشرفين مثبتين مواضيعهم ده هما حايلله 4 مواضيع
الاولانى بتاع القوانين تحب نخلى عضو ينزلك موضوع القوانين هو ولا ايه
الثانى طلبات الاعضاء وهو منزله من قبل مايكون مشرف اساسا
الثالث الشكاوى تحب اخليلك انا العضو هو اللى يحل المشاكل ولا ايه ؟؟
الرابع الاستفسارت عن النت والكمبيوتر وكده وده برده اللى عمله مراقب والاول كان اللى عامل الموضوع ده عضو ومثبت برده

خامسا مافيش خامسا ^^ :bye1:
سادسا ياريت المشرفين يعملوا مواضيع اساسا بجد
العجله بتاعت المراقبين والمشرفين نايمه اليومين دول
مكتفيين ب اننا نراقب فقط

سابعا يا حسن انطر من هنا :taz:

اعمل مواضيع عن البيييييييييييييض والكتاكيت البتبييييييييييييييييييييييييض وابئى اثبتهالك ان شاء الله

لو في نصيب


اما بالنسبة للموضوع

الموضوع نفسة كويس جدا وياريت من فترة لفترة تعملوا كدة وهثبتلك الموضوع ده عشان الاعضاء كلها تشوفوا وتشارك فيه


بالنسبة لافكارك :-

الكوميدي انا عارف انوا مش ملبي الغرض او مش ممتع زي العادي بس انت لو تعرف كان في فترة كنت تلاقي الصفحة الاولى كلها نكت وفيديوهات مضحكة وابه تلاقي حاطللك 5 نكت في موضوع وماشي وكله يدخل يقولك ههههههههه وخلاص
وهكذا لدرجة ان النكت اتمنعت اساسا

لحد ما ضغطنا وحاولنا ووصلنا للموضوع ده حل وسط ولا منعنها اوي ولا سيبنها سداح مداح

ـــــــــــــ

بالنسبة للطلبات طول ما الموضوع مغلق انا سايب المواضيع والله مش بقفلها

لكن الموضوع ده بالذات مينفعش يتقفل غير انوا لامم القسم ومظبطة هوا مرجع للطلبات التانية

يعني ممكن عضو داخل يطلب طلب يلاقي طلبة اتجاب فيسهل علية الحكاية


قولوا اي حاجة تانية بتفكروا فيها او افكار او انتقادات

واحنا تحت امركم

:cupidarrow:

فى موضوه مثبت اعمل فيه الكلام ده و عالبرك

انا عندى راى
بالنسبه لموضوع الكوميدى اى حد بيبقى عايز يعمل موضوع ويشوف ردود وتشجيع فلما يعمل موضوعه فى رد فى موضوع محدش بيدخله فهيجيله احباط

ممكن مثلا نحدد عدد المواضيع فى اليوم مثلا 3 او 4 واى حد قبل ما يعمل يبص كام موضوع موجود علشان موضوعه ميتمسحش

بالنسبه ان القسم نايم .. بصراحة اه نايم جدا
ممكن المشرفين بدل ما هما بيراقبوا وبس يعملوا مواضيع جديده للناس
وممكن مسابقات جديده وجوايز جديدة ودا موضوع مجرب ونجح بس محدش كمل فيه
وممكن بدل المشرفين ما يفكروا لوحدهم فى فكره المسابقات يتعمل موضوع مثبت لاحسن فكره مسابقه
ويتثبت 3 ايام او 4 مثلا وتتاخد احسن فكره فازت بالتصويت وتتعمل وصاحب الفكره يكون مشرف عليها
وكل اسبوع يتعمل موضوع تصويت تانى


وموضوع الطلبات لازم برده يتعمل فريق طلبات كويس ويتفتح مش معقول يبقى موجود ومغلق لان الموضوع دا هيحرك القسم برده

دا الى فى دماغى لحد دلوقتى ولو حاجه تانيه اكيد هقولها

عندك حق ما بيخدوش حقهم
بس لو مش موجود هتلاقى 5 مواضيع أو اكتر كوميدى بتنزل كل يوم

مفيش فريق يجيب الطلبات ناو
يعنى فى صفحتين فى الموضوع , مفيش حد جاله الطلب بتاعه غير 3 تقريبا