البشرية هتخسر إيه ؟ لو القطر داس عليك ؟؟
 

http://img402.imageshack.us/img402/4319/714257239.gif

سيداتى أنساتى سادتى

ممكن سؤال ؟


البشرية هتخسر إيه ؟ لو القطر داس عليك ؟؟



تخيل جنابك إنك قاعد لا بيك و لا عليك

و عايش زي ما الناس عايشة ,

بتاكل و بتشرب و بتنام - لكن ما بتتجوزش علشان الجواز غالي -

و ماشي مع القطيع عادي خالص

و فجأة !!

.
.
.
.
.
.
.
.

تيجي عربية نقل الشرقية بمقطورة و محملة طن زلط تدوس عليك !!

http://img42.imageshack.us/img42/2951/425nu.jpg

أو قطر أسباني مكيف و آخر حلاوة ( فعص ) جنابك و خلى وشك زي قفاك ,

http://img812.imageshack.us/img812/7...6374100925.jpg

من الآخر يعني ,

إنك ( إتكلت ) و مُتّ و خرجت من الدنيا ,

و تعالى فكر معايا بقى إيه اللي الدنيا فقدته بموت جنابك ؟؟

المترو التعطل ؟؟ و لا الهرم اتقلب جبنة و الناس أكلته ؟؟

متهيأ لي ما فيش أي حاجة هتحصل ,
غير إن الأسرة يعيطوا عليك و أصحابك برضه ,

و آخرتها شهر بالكتير .

طبعا مش عارف أنا عاوز أوصل لإيه لسه , صح ؟؟

اللي أن اعاوز أقوله إنك مت ( كما يموت البعير ) ,

مت و خلاص , و ما كانش ليك أي دور في الدنيا تأثر بغيابك ,

يعني لو كنت انت فعلا ليك دور في الدنيا و بتخدم دينك بجد أكيد كان هيحصل فراغ في الموضع اللي انت كنت فيه ده ,

لكن ما حصلش فراغ لأنك ما كنتش ماسك موضع أصلا ,

يعني سيدنا عمر - على ما أعلم - كان بيقول :

" إن كل مِنَّا على ثغر فلا يُؤتَيَنَّ من قِبَلِه "

يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,

لكن الحالة دلوقتي للأسف في الحضيض ,

إحنا مش واقفين على ثغور أصلا ,
فضلا عن أن نؤتى من قِبَلها !! - و لا أزكي نفسي -

لازم يا جماعة كل واحد يشوف ليه ثغر يقف فيه ,
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور ,
و لما يموت يبقى فعلا فيه مكان فارغ بعده , حد تاني غيره يملاه

الثغر ده مش لازم يكون في الجيش و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,

المهم يكون ليك دور !!!

فكرتك جميله جدا
شكرا على الموضوع

كلامك مظبوط وفكرت فيه من زمان وفعلا قدرت اسيب اللعبه بس مقدرتش اسيب silkroad4arab

لأ كاتب شويه فيه

الفكره بس وشوية حاجات منقوله

يعجبني لما تدي علي الدماغ .. :thumbup:

شكراا يا جميل على النصيحه :)

عيب كده يا أحمد
البشرية مالهاش لازمة من غيرى
:giljotiini:

موضوع جااااااااااااامد جدا
و ربنا يقدرنا و نعمل اللى فيه الخير

يا راااجل
كبر مخك