|
للكوسة فى بلادى شئون
بسم الله الرحمن الرحيم السلام عليكم ورحمة الله وبركاتة للكوسة فى بلادى شئون للكوسه في بلادي شئون بتخلي المسنود فرعون يتفرعن فين مهما يكون وتخلي الجاهل أستاذ والأعرج لاعب جمباز وتخلي الأحول هداف والكوره الآوت ف الجون للكوسه ف بلادي شئون لو تعرف واحد ف الشرطه راح تخرج من أجدع ورطه والراجل اللي انت ظلمته تلاقيه متلقح مسجون أو تعرف شخصيه كبيره شغاله ف البنك مديره راح تاخد من غير ضمانات كام قرض بمليون مليون وهروبك طبعا مضمون ويا عيني لو تعرف نايب ف المجلس مش نايب خايب راح تبني أبراج وهميه أوراقها مظبوطه أكيد وفلوس الناس المهريه حتجيلك م الجيب للإيد بعديها تروح المستشفى وتقيد نفسك مجنون أحكامك تسقط ف ساعتها بعديها ترجع موزون وإذا ساكن ف عماره جديده وحبيبك راجل مسئول فسيادتك من غير ما تقول يركب لك فورا تليفون ولو انت عندك عربيه ونمرها سوده بنسرين حتعدي أجدعها كمين وحتكسر أوضحها إشاره ماهو نمرك سوده جباره ولا تعرف أيتها قانون ولو انت بتعرف فرّان أو واحد بياع جرنان راح تاخد طلبك وحتمشي من غير ولا دوشه ولا دور والناس الغلبانه حتاخد طلباتها بعدك وتغور ماهو كله عشانك بيهون ولو انت زميل الحلاق راح تحلق اولها زبون وإذا كنت بتعرف دكتور حتعيش متطمن مسرور وحتسلك ف لجان الشفوي ومجال تعيينك موفور وحتطلع فالتليفزيون بالبدله وفيها الببيون تتكلم وبكل بساطه عن شرف المهنه المدفون يا رب تكون القصيدة عجبتكم تم بحمد الله |
حقا انها الكوسة :juggle:
|
كلامك صح للاسف :(
|
من غير الكوسه فى البلد دى مش هتوصل
|
هذه حقيقة للأسـف
:confused: |
جميله
|
كلام صحيح 100 % :smoke:
|
زهقنا من الكوسه بقا ...
عاوزين بسله بقا :stupid: |
منورين :) . |
ممتازة
|
امال ربنا عاملنا النيل كبير ليه ؟؟؟؟
عشان تكفى الكوسه بتاعت ابلد |
روعة |
موضوع مكرر كل يوم فى حياتنا ... لية وازاى مصرهاتقولكو ولسا هاتقووووول ... وادينا بنسمعها ومستمتعين ومحدش يقولى امتا هاينتهى دا لا ن مصر هى مصر مهم جابو وحتو فيها مصر هيا مصر |
منورين يا رجالة وبالنسبة للاخ محمود اسد الله فين الموضوع المتكرر !! |
حقاً انها الكوسه :)
|
| الساعة الآن 12:38 PM. |
Powered by vBulletin® Version 3.8.11
Copyright ©2000 - 2025, vBulletin Solutions, Inc.