((((عيد الأم))))
 

http://www7.0zz0.com/2013/02/27/15/388257480.png

عيد الام ، عيد سنوى بيحتفل بيه فى مصر و اوروبا و امريكا و بلاد كتيره فى العالم. فى مصر بيحتفل بيه فى يوم 21 مارس لتكريم الأمهات بدأ الاحتفال بيه سنة 1956. اول دعوه لعيد الأم فى مصر قام بيها الصحفى و الكاتب المصرى مصطفى امين سنة 1943 فى كتابه "امريكا الضاحكه" لكن ما حدش وقتها اخد باله من الفكره لكن بعدها بعشر سنين راحت واحده ست لمصطفى امين فى مكتبه فى "اخبار اليوم" و حكت له عن قصة كفاحها فى تربية ولادها بعد ما اتوفى جوزها و ما اتجوزتش و كرست حياتها لتربية عيالها. و بقى ابنها دكتور و بعد ما خطب واحده دفعت له المهر و فرشت له الشقه لكن للأسف لما عزل لبيت الزوجيه مشى من بيت امه من غير حتى ما يقولها ميرسى.
http://www.al-wed.com/pic-vb/12.gif
اتاثر مصطفى امين بالقصه و فكر فى جحود الاولاد فإبتدا ينادى تانى بفكرة الاحتفال بعيد الأم لتكريم الأمهات. اياميها كانت افكار العروبه لسه مسيطره فى مصر عن طريق الپروپاجاندا اللى النظام الناصرى كان مدورها وقتها و مالى بيها روس المصريين ، فهاجمت الجرانيل مصطفى امين و اتهمته بإنه بيشغل المصريين عن موضوع غزو تركيا لسوريا، و جمال عبد الناصر نفسه اللى كان وقتها ملهى و لاهى المصريين فى مشاكل العرب بدل ما يشوف مشاكل مصر و ينهض بيها اعتبر فكرة الاحتفال بالأم و تكريمها فكره سخيفه، لكن مصطفى امين استمر فى دعوته و راح لكمال الدين حسين اللى كان وقتها وزير التعليم و عرض عليه الفكره. كمال الدين حسين كان بيحب أمه قوى فقبل الفكره و رحب بيها و اتكلم مع جمال عبد الناصر فى الموضوع و قدر يقنعه لإن عبد الناصر كان بيحبه.

http://www.al-wed.com/pic-vb/12.gif

نجحت الفكره و بدأ الاحتفال بعيد الام فى مصر فى 21 مارس 1956. و استمر الوضع على الحال ده لغاية سنة 1965 لما عبد الناصر اعتقل مصطفى امين و سجنه، و خاف النظام الناصرى ان الاحتفال بعيد الام كل سنه ممكن يخلى المصريين يفتكرو صاحب الفكره مصطفى امين، فراح مغير اسم عيد الأم لعيد الأسره، لكن برقيات الامهات من كل النواحى انهالت على الديكتاتور فإضطر إنه يرجع اسم عيد الأم.

http://www.al-wed.com/pic-vb/11.gif

فى عيد الأم بيهنى الأطفال و الكبار امهاتهم و بيهدوهم هدايا و ساعات بيتعمل احتفال اسرى صغير مليان بجو الحب و بتنتشر فى هوا مصر اغانى بتمجد الأم و من أشهر الأغانى دى أغنية " ست الحبايب " من ألحان الموسيقار المصرى محمد عبد الوهاب.

http://www.al-wed.com/pic-vb/8.gif

اتعرض عيد الأم و اسم عيد الأم لهجوم من المتطرفين الظلاميين عدوين الفرحه الانسانيه و الحب و بهجة الاعياد و بحقوق الستات وبالتالى الأمهات ، فقالو انه بدعه و ان كلمة "عيد" المفروض تبقى "يوم" بس عشان يفضو محتوى الفكره الجميله من معانيها و يقضو عليها، لكن العيد و اسمه استمرو و فضل المصريين يحتفلو بيه و يكرمو امهاتهم كل سنه فى 21 مارس مع بداية فصل الربيع رغم كل المحاولات الاستبداديه و الظلاميه اللى اتعرض لها العيد.

و ده شعر جميل (انصحكم تقولوه لآمهاتكم)

http://www.al-wed.com/pic-vb/99.gif
اسألي دمي
وسعادتي وهمي
اسألي التوفيق
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا أمي

http://www.pennyparker2.com/alwaysthere5.gif


في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش كلام
يبتدي في لحظة ميلادي شمعة تضوي في الظلام

http://www.pennyparker2.com/alwaysthere5.gif

ست الحبايب والحنان أنتي يا أمي
لو كنت صغير ولا كبير تتبطبي وتضمي
تفرحي لفرحي وفي الشدة بتحملي همي
ساكنة في قلبي وأسمك بيجري في دمي

http://www.pennyparker2.com/alwaysthere5.gif

لما أزعل بترضيني
لما امرض بتدويني
أمي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك

http://www.pennyparker2.com/alwaysthere5.gif

أمي يا كل الأمان
أمي يا نور في طريقي
أمي يا حضن الحنان
أمي يا حبي الحقيقي

http://www.pennyparker2.com/alwaysthere5.gif

ماما يا لحن في الوجدان
يا همسة حب .. يا موجة حنان
في عيدك
بتخضر الالوان
وبحبك
ينطق قلبي الولهان

http://www.pennyparker2.com/alwaysthere5.gif

ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي

http://www.pennyparker2.com/alwaysthere5.gif

اسمك زي شعاع النور
بيدخل قلبي يمد جسور
أنت حبيبتي يا أمي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور

http://www.pennyparker2.com/alwaysthere5.gif

ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب


http://www.pennyparker2.com/alwaysthere5.gif

جيناكي يا نينة يا زينة
يا حب غالي آوي علينا
جيين نجمع بعضينا
في عيدك بتخضر أمانينا

http://www.pennyparker2.com/alwaysthere5.gif


أنت اللي غاليا علينا
وانت اللي ضي عنينا
تمر الايام وحبك
طول عمرة في القلب
يا نينة

http://www.pennyparker2.com/alwaysthere5.gif

يا طيور الكناري
يا زهور البراري
ميلوا وغنوا شمال ويمين
غنوا معايا لنور العين
ماما يا ماما يا نور العين
غنوا معايا صبح وليل
لأمي حبيبتي كل الخير

http://www.pennyparker2.com/alwaysthere5.gif

ماما يا نبع المحبة والحنان
قلبي بين أديكي عرف معني الأمان
أنتي السما والأرض أنت جنتي
أنتي وطن قلبي علي طول الزمان

http://www.pennyparker2.com/alwaysthere5.gif

لو كان بأيدي لو كان
لعملك الدنيا بستان
ورد و فل وريحان
وأهدية ليكي يا امي

http://www.pennyparker2.com/alwaysthere5.gif

كلمة منك تحميني
بوسة منك تحييني
بيبقي الكون في أديا
لما يا ماما تضميني

http://www.pennyparker2.com/alwaysthere5.gif

الدنيا أم وأمي أوطان
عنيكي ملجئ قلبي الولهان
لمسة أيدك كل الحنان
تحت رجلك جنة رضوان
ربي يخليها طول الزمان

http://www.pennyparker2.com/alwaysthere5.gif

عيدك يا أمي اسعد الأعياد
لولاكي يا أمي مكنش ليا ميلاد
قلبك بيرعاني يا بهجة القلب
مش ممكن ينساني في البعد والقرب

http://www.pennyparker2.com/alwaysthere5.gif

يا ما شلتيني وتعبت إديكي
وربتيني بدموع عنيكي
عمري ما أنسي أبدا دعاكي
قلبي وروحي ديما فداكي

http://www.pennyparker2.com/alwaysthere5.gif

لولاكي يا ملاكي
قلبي بلا دقات
ليلي بلا سهرات
عمري صدي حكايات لولاكي يا أمي
يا كل الأحلام يا صوت المواعيد
نجمة ما بتنام يا كل الأناشيد

http://www.pennyparker2.com/alwaysthere5.gif

غنيتي ليا عشان أنام
ودبحتي ليا جوزين حمام
حضنك أنت الأمان
لمسة كل الحنان
بسمتك تضوي المكان

http://www.pennyparker2.com/alwaysthere5.gif

يا ماما ما في زيك في الدنيا
قلبك حنين عليا
يا أغلي من ضي عينيا
الدنيا في عيدك تغني
وأحبابك جيا تهانيكي
وأنا قلبي بيرقص من الفرحة
يوم عيدك ربي يخليكي

http://www.pennyparker2.com/alwaysthere5.gif

أمي الحبيبة إطمني
يالي حضنك شال همومي وضمني
كل سنة وأنت طيبة يا أمي
يا أجمل ما في الدنيا يا أمي

http://www.pennyparker2.com/alwaysthere5.gif

أنا عمري ما أنسي يا امي حنانك
لما تضميني مابين أحضانك
ليكي بسمة ليكي غنوة
ليكي حبي وروحي عشانك

http://www.pennyparker2.com/alwaysthere5.gif

قلبي دق لما كنت أنا الوليد
أمي أنتي بسمتي وقلبي السعيد
ضمتيني
كنت في الشدة ترعيني
ولما ابكي تمسحي دمعي الشريد


http://www.pennyparker2.com/alwaysthere5.gif

عشق الكون وياكي حكاية
يالي صلحتي الحب معايا
أنتي يا أمي اغلي هدية
ربي وجدها في دنيايا

http://www.pennyparker2.com/alwaysthere5.gif

نينة يا ست الكل
يا نور في طريقي يهل
يا وردة يا عنقود فل
يا قمر ليالينا لما يطل

http://www.pennyparker2.com/alwaysthere5.gif

فيديو ست الحبايب

[YOUTUBE]hOcllIlWBac[/YOUTUBE]
http://www.youtube.com/watch?v=hOcllIlWBac

وكل سنه و انتم طيبين

تسلموا يا رجالة

جميل جدا:lilo_h4h:

تشكرو يا رجالة ... وبالمناسبة ده احب اوجه رسالة لى امى ست الحبايب يا حناناننتا :mf_cupid:

رائـــع وست الـحبـايـب يا حــبــيــا :strongsad:

جميـــل جداااااااا

:icecream: